LECCIÓN 48
Vií ndaka̱xiún na̱ koo migoún
Na̱ va̱ʼaní kítáʼan xíʼinyó chíndeétáʼanna xíʼinyó ña̱ kusi̱íka-iniyó. Tá yáʼayó nu̱ú tu̱ndóʼo chíndeétáʼanna xíʼinyó ña̱ va̱ása xo̱ʼvi̱níyó. Soo kiʼún kuenta, Biblia káʼa̱nña ña̱ su̱ví ndiʼina va̱ʼa koo migoún. Tá saá, ¿ndáa ki̱ʼva ndaka̱xiún na̱ koo migoún? Koto pregunta ña̱ va̱xi yóʼo.
1. ¿Ndáaña kundoʼún xa̱ʼa̱ ña̱ kéʼé na̱ migoún?
Ku̱a̱ʼání yichi̱ kíxáʼayó kéʼéyó táʼan ña̱ kéʼé na̱ yiví na̱ kítáʼanyó xíʼin, ni kúúña ña̱ va̱ʼa á ña̱ va̱ása va̱ʼa. Ña̱yóʼo kúuña tá kítáʼanyó xíʼinna á tá káʼa̱nyó xíʼinna nu̱ú Internet. Saáchi Biblia káʼa̱nña: “Na̱ xíka xíʼin na̱ ndíchi, ndíchi koona, soo na̱ xíka xíʼin na̱ kíʼvi [na̱ kǒo kúʼvi̱-ini xíni Jehová] kǒo ña̱ va̱ʼa ndakiʼinna” (Proverbios 13:20). Na̱ migoún na̱ kúʼvi̱-ini xíni Jehová ta ndásakáʼnunara kivi chindeétáʼanna xíʼún ña̱ yatinka koún xíʼinra ta vií koo ña̱ ndaka̱xiún keʼún. Soo tá kítáʼún xíʼin na̱ yiví na̱ va̱ása ñúʼu ti̱xin congregación kivi sákuxíkana yóʼó nu̱ú Jehová. Ña̱kán, Biblia káʼa̱nña xíʼinyó ña̱ vií ná ndaka̱xinyó na̱ kitáʼanyó xíʼin. Tá na̱ migoyó kúʼvi̱-inina xínina Ndióxi̱ ndiʼiyó ndakiʼin ña̱ va̱ʼa. Tasaá kivi kundiku̱nyó ña̱yóʼo: “Ña̱kán ndakundeéndó sandíkondó-ini táʼanndó ta ndasandakúndó-ini táʼanndó” (1 Tesalonicenses 5:11).
2. ¿Á ndáyáʼvi nu̱ú Jehová ndáana kítáʼún xíʼin?
Jehová viíní ndáka̱xinra na̱ yiví na̱ kítáʼan xíʼinra. Ta va̱ʼaní kítáʼanra xíʼin na̱ kéʼé ña̱ nda̱kú (Proverbios 3:32). ¿Ndáaña kundoʼo Jehová tá ná kitáʼanyó xíʼin na̱ yiví na̱ kǒo kúʼvi̱-ini xíni miíra? Sakúsuchíníyó-inira (kaʼvi Santiago 4:4). Tá ná kǒo kitáʼanyó xíʼin na̱ kéʼé ña̱ va̱ása va̱ʼa, kuyatinkayó nu̱úra, ta saátu tá kítáʼanyó xíʼin na̱ kúʼvi̱-ini xíni miíra, Jehová kusi̱íní-inira ta kuni̱ra kitáʼanra xíʼinyó (Salmo 15:1-4).
NÁ SAKUAʼAKAYÓ XA̱ʼA̱ÑA
Ná kotoyó nda̱chun ndáyáʼviní ña̱ viíní ndaka̱xinyó na̱ koo migoyó ta saátu kotoyó ndáaña kivi keʼún ña̱ koo migoún na̱ chindeétáʼan xíʼún.
3. Kǒo kitáʼún xíʼin na̱ kéʼé ña̱ va̱ása va̱ʼa
Na̱ kéʼé ña̱ va̱ása va̱ʼa kúú na̱ kǒo kúʼvi̱-ini xíni Ndióxi̱ ni va̱ása íxato̱ʼóna ña̱ káʼa̱nra. Kotondó VIDEO ta ka̱ʼa̱nndó xa̱ʼa̱ ña̱yóʼo:
-
¿Ndáa ki̱ʼva kivi xa̱a̱yó kitáʼanyó xíʼin na̱ yiví na̱ kéʼé ña̱ va̱ása va̱ʼa tá kǒo kíʼinyó kuenta?
Kaʼvindó 1 Corintios 15:33 ta ka̱ʼa̱nndó xa̱ʼa̱ ña̱yóʼo:
-
Nu̱ú miíún, ¿ndáana kúú na̱ yiví na̱ kéʼé ña̱ va̱ása va̱ʼa? ¿Nda̱chun?
Kaʼvindó Salmo 119:63 ta ka̱ʼa̱nndó xa̱ʼa̱ ña̱yóʼo:
-
¿Ndáaña va̱ʼa xíniñúʼu kuumií na̱ kivi koo migoún?
Iin manzana tí xa̱a̱ ni̱ta̱ʼyi̱ kivi sandíʼi-xa̱ʼa̱rí inkarí. Ta miíún, ¿ndáaña kivi kundoʼún tá ná kutáʼún xíʼin na̱ yiví na̱ kéʼé ña̱ va̱ása va̱ʼa?
4. Kivi kuumiíyó migo na̱ va̱ʼaní ni xa̱a̱ síín síín íyona
Biblia káʼa̱nña xa̱ʼa̱ ta̱ David xíʼin ta̱ Jonatán, na̱yóʼo ni̱xi̱yona ñuu Israel tá ya̱chi̱. Ni xa̱a̱ síín ku̱i̱ya̱ xi̱kuumiína ta ni xa̱a̱ síín ña̱ xi̱keʼéna va̱ʼaní xi̱kitáʼanna. Kaʼvindó 1 Samuel 18:1 ta ka̱ʼa̱nndó xa̱ʼa̱ ña̱yóʼo:
-
¿Nda̱chun na̱ migoyó va̱ása xíniñúʼu kuumiína ku̱i̱ya̱yó á táʼan ña̱ʼa ña̱ kúúmiíyó?
Kaʼvindó Romanos 1:11, 12 ta ka̱ʼa̱nndó xa̱ʼa̱ ña̱yóʼo:
-
Tá migoyó kúʼvi̱-inina xínina Jehová, ¿ndáa ki̱ʼva chíka̱a̱na ndee̱ xíʼinyó?
¿Ndáa ki̱ʼva nda̱ni̱ʼí iin ta̱ loʼo na̱ koo migora? Kotondó VIDEO ta ka̱ʼa̱nndó xa̱ʼa̱ ña̱yóʼo:
-
¿Nda̱chun xi̱ndi̱ʼi̱-ini na̱ yivá ta̱ Akil xa̱ʼa̱ra xa̱ʼa̱ ña̱ xi̱kitáʼanra xíʼin na̱ migora na̱ xáʼa̱n escuela?
-
¿Nda̱chun xi̱kutóo ta̱ Akil kitáʼanra xíʼinna tá xa̱ʼa̱?
-
¿Ndáaña ke̱ʼéra ña̱ va̱ása koo mitúʼunkara?
5. Ndáa ki̱ʼva vií ndaka̱xinyó na̱ koo migoyó
Koto ndáa ki̱ʼva ndani̱ʼún na̱ viíní kutáʼan xíʼún, ta saátu vií kutáʼan miíún xíʼinna. Kotondó VIDEO.
Kaʼvindó Proverbios 18:24 xíʼin 27:17, ta ka̱ʼa̱nndó xa̱ʼa̱ ña̱yóʼo:
-
Na̱ ndixa kúú migoyó, ¿ndáa ki̱ʼva chíndeétáʼanna xíʼinyó?
-
¿Á íyo migoún na̱ kéʼé nda̱a̱ táki̱ʼva káʼa̱n Proverbios? Tá kǒona kúúmiíún, ¿ndáaña kivi keʼún ña̱ va̱ʼa ndani̱ʼúnna?
Kaʼvindó Filipenses 2:4 ta ka̱ʼa̱nndó xa̱ʼa̱ ña̱yóʼo:
-
Ña̱ va̱ʼa kuumiíyó na̱ va̱ʼa kitáʼan xíʼinyó, xíniñúʼu va̱ʼa koo ini miíyó. ¿Ndáa ki̱ʼva kivi keʼún ña̱yóʼo?
Ña̱ va̱ʼa kuumiíyó migo na̱ va̱ʼa-ini xíniñúʼu va̱ʼa koo ini miíyó.
ÑA̱ KÁʼA̱N SAVA NA̱ YIVÍ: “Ña̱ va̱ʼa ná kǒo kuni mitúʼi̱n, va̱ʼaka ná kǒo sandákoi̱ na̱ kúú migoi̱ vitin”.
-
¿Ndáaña ndákanixi̱níún?
ÑA̱ XA̱A̱ SA̱KUAʼAYÓ
Tá vií ndáka̱xinyó na̱ koo migoyó, viíka íyoyó ta sakúsi̱íyó-ini Jehová.
Ná ndakaʼányó xa̱ʼa̱ ña̱yóʼo
-
¿Nda̱chun ndáyáʼvi nu̱ú Jehová ndáana ndáka̱xinyó koo migoyó?
-
¿Ndáana va̱ása xíniñúʼu kitáʼanyó xíʼin?
-
¿Ndáa ki̱ʼva viíní kutáʼún xíʼin na̱ kéʼé ña̱ va̱ʼa?
NANDUKÚKA XA̱ʼA̱ÑA
Koto ndáa ki̱ʼva kivi chindeétáʼan na̱ migoyó xíʼinyó tá yáʼayó nu̱ú tu̱ndóʼo.
Koto sava ña̱ kivi chindeétáʼan xíʼún ña̱ ndani̱ʼún na̱ koo migoún ta saátu ña̱ vií kutáʼún xíʼinna.
¿Ndáaña xíniñúʼu kunda̱a̱-iniún xa̱ʼa̱ na̱ kivi koo migoún nu̱ú Internet?
Koto nda̱chun iin ta̱a na̱samara na̱ kúú migora nu̱ú ña̱ káʼa̱n xa̱ʼa̱ra “Xi̱kuni̱i̱ kuumiíi̱ iin ta̱ koo yivái̱”.
“Biblia chi̱ndeétáʼan xíʼinna ña̱ na̱samana” (La Atalaya, 1 tí abril ku̱i̱ya̱ 2012)
Sanatu kutóún ña̱yóʼo
ÑA̱ KÚNI̱ NA̱ YIVÍ KUNDA̱A̱-ININA XA̱ʼA̱ NA̱ TESTIGO JEHOVÁ
¿Ndáa ki̱ʼva sánáʼa̱ na̱ testigo Jehová na̱ yiví?
Xíʼin ki̱ʼva ña̱ káʼvi na̱ testigo Jehová xíʼin na̱ yiví kivi kuniñúʼún nda̱a̱ ndáaka Biblia kúni̱ miíún ta va̱ása kiʼinna xu̱ʼún ndaʼún ña̱ sanáʼa̱na yóʼó. Tá ná kaʼvi na̱ testigo Jehová xíʼún kivi koo na̱ veʼún á na̱ migoún á nda̱a̱ ndáaka na̱ kúni̱ miíún ña̱ kuniso̱ʼona ña̱ sakúaʼún.
