Vavusamba ve ku vueza ku ndzolela yetu mu vintsimbu via ndzolela, na ku tu kaniamesa mu vintsimbu via visoti. Vunoni Mbimbiliya ya tu lungula ngecize ka citava ku likuata vusamba na uose-ouo. Vati honi mu hasa ku hangula vavusamba va cili? Hilulenu vihula vi na hatako.

1. Mu njila ika va ka mi talekesa vavusamba va mu tonda ku likata navo?

Ku likata cikuma na vamo vantu cipue citona meso ni ku hitila mu internete, ce ku tu sambuisila vilinga na visinganieka viavo. Ngue vene mu ya handeka Mbimbiliya nguayo: “Liendele na vakua mangana kaha u ka pua mukua mangana, vunoni mukua ku liendela na viheve [vaze ka va lemene Yehova] a ka ci yandela.” (Visimo 13:20) Vavusamba va lema Yehova kaha ve ku mu lemesa va ka mi kuasa ku likuata neni vusamba na ku linga vihangula via cili. Vunoni ku likuata vusamba na vantu ka va lemene Yehova ci ka tu sondolola kuli ikeye. Vikevio vi ya tu mamuina Mbimbiliya ku hangula vavusamba vetu na mana! Ku kala na vavusamba va lema Njambi, ci ka tu kuasa tu vose cipue yetu ni vakevo. Tu ka limamuna “umo ku mukuavo, na kuli tungisa umo ku mukuavo.”—1 Tesalonika 5:11.

2. Vati cifua ca vavusamba venu cika vuisa Yehova ku mutima?

Yehova ue ku hangula vuino vavusamba veni. “Vusamba vueni vuli kuli vakua vuoloke.” (Visimo 3:32) Vati Yehova a hasa ku livua ku mutima nga tu hangula vavusamba ka va mu lemene? A hasa ku ivua vusiua vua kama! (Tandenu Tiango 4:4) Vunoni, Yehova a kevua ndzolela ya kama na ku tu hangula ku pua vavusamba veni, nga tu viana vavusamba va vapi na ku suena mu hiehi neni na kuli vaze va mu lema.—Visamo 15:1-4.

 TANTEKEYENU VIKUAVO

4. Citava ku likuata vusamba na vantu va vifua vieka

Mbimbiliya ya handeka via Ndaviti na Yonatase, va ku Isaleli ya laza. Ava vamala vavali va litepele mua kama ku citso, kaha cikuavo naua Yonatase ua puile muana muangana, Ndaviti kuahi. Vutuhu ngoco va likuatele vusamba vua ku komouesa. Tandenu 1 Samuele 18:1, kaha simutuilenu ha cihula eci:

• Omo lia vika ka ca tondekele vavusamba vetu va pue lika vakua citso cetu ni va tua litombuela mu cuma ceka?

Tandenu Loma 1:11, 12, kaha simutuilenu ha cihula eci:

• Vati vavusamba va lema Yehova ve ku likaniamesa umo na mukuavo?

Mu video ina hatako, talenu vati umo muanetu ua uanene vavusamba ku vihela ka lavelelele. Talenu VIDEO, kaha simutuilenu ha vihula vi na hatako.

• Mu video, omo lia vika visemi va Akil va lisosomuene na vavusamba veni ku sikola?

• Ha katete vika via mu lingisile ku lema vavusamba vaco?

• Vati ua hasele ku vula vulika vua kele na ku ivua?

 5. Mua ku uanena vavusamba va cili

 VI MU NA LILONGESA

Ku hangula vavusamba na mana, ce kuya Yehova ku mutima, na ku tu kuasa etu vavene.

Mpupulule

• Omo lia vika Yehova ua haka seho ya kama ku cifua ca vavusamba va tue ku hangula?

• Vavusamba va cifua cika ka tua pandele ku likata navo?

• Vati mu hasa ku kaniamesa vusamba vuenu na vantu va cili?