TLAMACHTILI 48
Kuali xikintlapejpeni mouampoyouaj
Katli elij kuali touampoyouaj techpaleuiaj ma tiyolpakikaj, uan techyolchikauaj kema tikixnamikij se tlaouijkayotl. Maske kuali tlaj tikinpiasej touampoyouaj, Biblia kiijtoua amo nochi uelis elisej kuali touampoyouaj. Uajka, ¿kenijkatsa uelis kuali tikintlapejpenis mouampoyouaj? Ma tijnankilikaj ni tlajtlanili.
1. ¿Kenke moneki kuali tikintlapejpenis mouampoyouaj?
Kema tiitstokej miak tonali ininuaya sekinok maseualmej, kemantika peuaj tijchiuaj kej inijuantij. Uan nopa uelis kichiuas ma tijchiuakaj tlen kuali o tlen amo kuali. Ni amo san kiijtosneki kema timosentiliaj ininuaya, nojkia kiijtosneki kema timonojnotsaj o timotlajkuiljuiliaj ininuaya ipan redes sociales. Yeka Biblia kiijtoua: “Tlen nemi ininuaya tlen tlalnamikij mochiuas tlalnamiki. Pero aqui nemi ininuaya uiuimej [maseualmej katli amo kiikneliaj Jehová], kipantis ajkeya kinpojpostekis iomiyouaj” (Proverbios 13:20). Tlaj mouampoyouaj kiikneliaj Jehová uan kiueyichiuaj, mitspaleuisej xiitsto inechka uan kuali tijtlapejpenis tlen tijchiuas ipan monemilis. Uan tlaj mouampoyouaj amo kitekipanouaj toTeotsij, inijuantij kichiuasej ayokmo kuali ximouika iuaya Jehová. Yeka, Biblia kiijtoua kuali ma tikintlapejpenikaj touampoyouaj. Kema touampoyouaj kiikneliaj toTeotsij, techpaleuiaj uan tojuantij nojkia tikinpaleuiaj. Uan kiampa tijchiuaj tlen Biblia kiijtoua: “Ximoyolchikauakaj ipan toTeko uan ximofuerzajmakakaj se ika sekinok” (1 Tesalonicenses 5:11).
2. ¿Kiita Jehová ajkia tikintlapejpeniaj kej touampoyouaj?
Jehová kuali kintlapejpenia iuampoyouaj. Yeka, kuali mouika ininuaya katli “itstokej xitlauakej iixpa” (Proverbios 3:32). ¿Kenijkatsa kiyolmatiskia Jehová tlaj timouampojchiuaskiaj ininuaya katli amo kiikneliaj? ¡Tlauel amo kuali kiyolmatiskia! (Xijpoua Santiago 4:4). Yeka, tlaj amo timouampojchiuaj ininuaya katli amo kitekipanouaj toTeotsij, uan tijchiuaj kampeka timouampojchiuasej iuaya Jehová uan nojkia ininuaya katli kiikneliaj, ya tlauel yolpakis uan mouampojchiuas touaya (Salmo 15:1-4).
KUALI XIMOMACHTI
Ma tikitakaj kenke moneki kuali tikintlapejpenisej touampoyouaj uan kenijkatsa uelis tikinpiasej touampoyouaj katli nelnelia techpaleuisej.
3. Kuali xikintlapejpeni mouampoyouaj
Maseualmej katli amo kiikneliaj Jehová uan amo kitlepanitaj itlanauatiljuaj, amo uelis elisej kuali touampoyouaj. Xikitakaj nopa VIDEO uan xijnankilikaj ni tlajtlanili:
-
¿Kenijkatsa ueliskia tikinpiasej amo kuali touampoyouaj?
Xijpouakaj 1 Corintios 15:33 uan xijnankilikaj ni tlajtlanili:
-
¿Ajkia inijuantij ueliskia elisej amo kuali mouampoyouaj? ¿Kenke kiampa timoiljuia?
Xijpouakaj Salmo 119:63 uan xijnankilikaj ni tlajtlanili:
-
¿Kenijkatsa moneki elis se kuali mouampo?
Se manzana tlen lochontok uelis kinmauas nopa sekinok kuajkuali manzanas. Uan ta, ¿tlake uelis mitspanos tlaj timouampojchiuas ininuaya katli kichiuaj tlen amo kuali?
4. Uelis elisej touampoyouaj katli amo elij sanse kej tojuantij
Biblia kiijtoua kenijkatsa David uan Jonatán, katli itstoyaj ipan Israel, kuali mouikakej. Maske inijuantij amo sanse ininxiui kipixtoyaj uan Jonatán itata eliyaya se tlanauatijketl, tlauel kuali mouampojchijkej. Xijpouakaj 1 Samuel 18:1 uan xijnankilikaj ni tlajtlanili:
-
¿Kenke amo san moneki tikinpiasej touampoyouaj katli kipiaj sanse toxiui o katli elij sanse kej tojuantij?
Xijpouakaj Romanos 1:11, 12 uan xijnankilikaj ni tlajtlanili:
-
¿Kenijkatsa uelis mitsyolchikauasej uan tikinyolchikauas mouampoyouaj katli kiikneliaj Jehová?
¿Kenijkatsa se telpokatl mouampojchijki iuaya katli amo moiljuijtoya tlaj ueliskia elis iuampo? Xikitakaj nopa VIDEO uan xijnankilikaj ni tlajtlanili:
-
¿Kenke itatauaj Akil motekipachouayayaj pampa ya mouampojchijtoya ininuaya katli momachtiyaya ipan escuela?
-
¿Kenke Akil kipaktiyaya mouampojchiuas ininuaya?
-
¿Tlake kichijki uan kiampa ayokmo kiyolmatki itstok iselti?
5. ¿Tlake mitspaleuis tikinpias kuali mouampoyouaj?
Xikita kenijkatsa uelis tikinpias kuali mouampoyouaj uan kenijkatsa ta nojkia tielis se kuali ininuampo. Xikitakaj nopa VIDEO.
Xijpouakaj Proverbios 18:24 uan 27:17 uan xijnankilikaj ni tlajtlanili:
-
¿Kenijkatsa mopaleuiaj katli kuali mouampojchijtokej?
-
¿Mouampoyouaj elij kej kiijtoua Proverbios? Tlaj amo, ¿tlake ueliskia tijchiuas uan kiampa tikinpias kuali mouampoyouaj?
Xijpouakaj Filipenses 2:4 uan xijnankilikaj ni tlajtlanili:
-
Tlaj tijneki tikinpias kuali mouampoyouaj, ta nojkia moneki tielis kuali ininuampo. ¿Tlake mitspaleuis kiampa tielis?
Tlaj tijneki tikinpias kuali mouampoyouaj, ta nojkia moneki tielis kuali ininuampo.
TLEN SEKINOK KIIJTOUAJ: “Ta uelis timouampojchiuas ika nochi maseualmej”.
-
¿Ta tlake tikijtoskia?
TLEN TIMOMACHTIJKEJ
Kema kuali tikintlapejpeniaj touampoyouaj, techpaleuia kuali ma tiitstokaj uan tijyolpakiltiaj Jehová.
¿Tlake tijyekok?
-
¿Kenke Jehová kineki kuali ma tikintlapejpenikaj touampoyouaj?
-
¿Ika ajkia amo kinamiki timouampojchiuasej?
-
¿Tlake mitspaleuis kuali timouampojchijtos ininuaya katli kuali monejnemiltiaj?
NOJKIA XIKITA NI
Xikita kenijkatsa touampoyouaj uelis techpaleuisej kema tijpiasej tlaouijkayotl.
“Kuali ximouampojchiuakaj pampa nechka tlamis ‘itlamia tonali’” (Tlen Tematiltia, noviembre 2019)
Xikita tlake mitspaleuis tikinpias kuali mouampoyouaj.
¿Tlake ueliskia mitspanos tlaj timouampojchiuas ininuaya sekinok ipan redes sociales?
Xikita kenke se tlakatl ayokmo kinejki mouikas ininuaya katli achtouia eliyayaj iuampoyouaj, kampa kiijtoua “Nijnekiyaya nijpias se notata”.
“Biblia kinpaleuik kuali ma monejnemiltikaj” (Tlen Tematiltia, abril 1, 2012)
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
