TLAMACHTIL 48
Kuali xikinpejpena akinmej inuan timouika
Akinmej inuan timouikaj techpaleuiaj okachi matiyolpakikan uan amo sapanoua matimoyolkokokan. Pero Biblia kijtoua sekimej uelis techijtlakoskej. ¿Tlen mitspaleuis kuali xikinpejpena akinmej inuan timouikas? Matimomachtikan.
1. ¿Nochtin uelis techpaleuiskej?
Ualeua peua tikchiuaj ken akinmej inuan timouikaj. Ijkon uelis techpanos tla inuan tikatej noso maski san timotlapouiaj itech internet. Biblia kijtoua: “Akin nemi iuan akin ixtlamatki ye noijki yetos ixtlamatki uan akin mouika iuan akinmej amo yolkualmej [akinmej amo kitlasojtlaj Jehová] kipanos tlen amo kuali” (Proverbios 13:20). Tla moyolikniuan kitlasojtlaj uan kiueyichiuaj Jehová, mitspaleuiskej okachi kuali iuan ximouika uan noijki mitspaleuiskej xikchiua tlen kuali. Pero tla timouika inuan akinmej amo kitlasojtlaj Jehová satepan noijki ayakmo tiktlasojtlas. Ikinon Biblia techiluia kuali matikinpejpenakan akinmej inuan timouikaj. Kuali tiyetoskej tla toyolikniuan kitlasojtlaj toTajtsin Dios. Tla ijkon tikchiuaj, uelis timoyolchikauaskej uan timopaleuiskej (1 Tesalonicenses 5:11).
2. ¿Ken momachilia toTajtsin Dios ijkuak kita akinmej toyolikniuan?
Jehová kuali kinpejpena akinmej inuan mouika. “Ye kuali mouika iuan akinmej yolmelauakej” (Proverbios 3:32). Tla toyolikniuan amo kitlasojtlaj Jehová, ¡tikyolkokoskej! (Xiktlajtolti Santiago 4:4). Pero tikyolpaktiskej tla timochijchikauaj timouikaj inuan akinmej kitlasojtlaj uan ye touan mouikas (Salmo 15:1-4).
MATIMOMACHTIKAN
Matikitakan tleka miak ipati kuali matikinpejpenakan akinmej inuan timouikaj uan ken uelis timouikas inuan akinmej mitspaleuiskej.
3. Amo ximouika inuan akinmej amo kitlasojtlaj Jehová
Akinmej amo kitlasojtlaj Jehová amo kichiuaj tlen kipaktia. Xikitakan VIDEO uan satepan xikitakan tlen namechmachtia.
-
¿Tlen uelis kichiuas matimouikakan inuan akinmej amo kitlasojtlaj Jehová?
Xiktlajtoltikan 1 Corintios 15:33 uan satepan xikitakan tlen namechmachtia.
-
Tlen tikijtoskia, ¿akinmej uelis mitsijtlakoskej? ¿Tleka ijkon tikijtoua?
Xiktlajtoltikan Salmo 119:63 uan satepan xikitakan tlen namechmachtia.
-
¿Tlen moneki tikilnamikis ijkuak tikpejpenas akin iuan timouikas?
Se manzana tlen yopalanki uelis kinmijtlakos okseki manzanas. ¿Ken uelis mitsijtlakoskej akinmej amo kitekichiuiliaj Jehová?
4. Uelis timouikaskej inuan oksekimej maski amo ken tejuan
Biblia techiluia David uan Jonatán kuali omouikayaj. Maski tlatlamantli xiuitl okipiayaj uan tlatlamantli omoskaltijkej. Xiktlajtoltikan 1 Samuel 18:1 uan satepan xikitakan tlen namechmachtia.
-
¿Tleka uelis timouikaskej inuan oksekimej maski amo ken tejuan?
Xiktlajtoltikan Romanos 1:11, 12 uan satepan xikitakan tlen namechmachtia.
-
¿Ken moyolchikauaj akinmej kitlasojtlaj Jehová?
Se telpochtli opejki mouika inuan akinmej kipaleuiskiaj. Xikitakan VIDEO uan satepan xikitakan tlen namechmachtia.
-
¿Tleka itatajuan Akil amo okinekiayaj mamouika inuan akinmej omomachtiayaj escuela?
-
¿Tleka Akil okinekiaya inuan mouikas?
-
¿Tlen okichi para amo san moyolkokojtos?
5. Ken uelis kuali timouikas inuan oksekimej
Xikita tlen moneki tikchiuas para timouikas inuan akinmej melauak mitstlasojtlaj uan ken uelis tikinpaleuis. Xikitakan VIDEO.
Xiktlajtoltikan Proverbios 18:24 uan 27:17 uan satepan xikitakan tlen namechmachtia.
-
¿Ken mopaleuiaj akinmej kuali mouikaj?
-
¿Kichiuaj ijkon ken kijtoua Proverbios akinmej inuan timouika? Tla amo, ¿tlen uelis tikchiuas?
Xiktlajtoltikan Filipenses 2:4 uan satepan xikitakan tlen namechmachtia.
-
Tla tiknekij matechtlasojtlakan akinmej inuan timouikaj, noijki moneki tikintlasojtlaskej. ¿Ken uelis tikchiuaskej?
Tla tikneki mamitstlasojtlakan akinmej inuan timouika, noijki moneki tikintlasojtlas.
SEKIMEJ KIJTOUAJ: “San akin iuan nimouika porque amo nikneki niyetos noselti”.
-
¿Tlen timokuayejyekoua tejuatsin?
XIKILNAMIKTO
Okachi tiyolpakij ijkuak kuali tikinpejpenaj akinmej inmiuan timouikaj uan noijki tikyolpaktiaj Jehová.
Matikojpauikan
-
¿Tleka Jehová kineki kuali matikinpejpenakan akinmej inuan timouikaj?
-
¿Akinmej amo moneki inuan timouikaskej?
-
¿Tlen moneki tikchiuas uan ijkon timouikas inuan akinmej mitstlasojtlaskej?
NIN NOIJKI MITSPAKTIS
Xikita ken uelis techpaleuiskej akinmej inuan timouikaj ijkuak itlaj techpanoua.
“Axkan moneki kuali ma timouikakan iuan tokniuan” (Akin Tetlapouijtok, noviembre 2019)
Xikita tlen uelis tikchiuas uan ijkon timouikas inuan akinmej melauak mitstlasojtlaskej.
¿Kuali tikinmixmati akinmej inuan timotlapouia itech internet?
Xikita tleka se tlakatl ayakmo omouikak inuan akinmej achto omouikaya, xiktlajtolti tlamachtil “Oniknekiaya nikpias notajtsin”.
“Biblia okinpatili innemilis” (Akin Tetlapouijtok, 1 de abril 2012)
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
