Zvaushoni maningi kuva no shamwari jo kubungaija najo, jinotibeserazve pa mukuvo wokunesa. Asi Bhaibheri rinotingwaja kuti, asipi vandhu vese vangava shamwari jaushoni. Waro mungakhetesa kudini shamwari jaushoni? Rangariranyi ngo muvhunjo jinotevera.

1. Shamwari jamunokheta jingamupsasisa kudini?

Patinopeja mukuvo tecibhuisana no mundhu, azvinenyi mu interneti kana ngo manera amweni, tinoguma pa kutevejera zvaanoitaro. Mungatora mugariro jaushoni kana jakashata. Inga zvinonangwa ngo Bhaibheri, “anofamba no vazivi, anoita muzivi; ndiani anobatana no mapenji, [kana vacikadi Jehovha] anoita wakaxata.” (Mazwi Akangwara 13:20) Shamwari jinoda Jehovha no kumunamata, jingamubesera kuti mukhwedere phedo naye no kuita zvisungo zvaushoni. Asi shamwari jo kunja jingatiita kuti tigare ndhambo na Jehovha. Ngo iyo ndava, Bhaibheri rinotingwaja kuti tinase kukheta ushoni shamwari jedu! Kudari shamwari jedu jinoda Jehovha, tese tinobesereka pa ushamwari uwu. Tinozokwanisa kugara ‘tecivangisana no kubesana ngocedu.’—1 Vatesaronika 5:11.

2. Jehovha anojizwa kudini ngo shamwari jamunosana?

Jehovha anonasa kukheta shamwari jake. Iyena anoita ushamwari wo phedo no “varurami.” (Mazwi Akangwara 3:32) Kudari tikakheta shamwari jicikadi Jehovha iyena waizojizwa kudini? Pacina kukana-kana, iyena waizocamwa maningi. (Verenganyi Jakobo 4:4.) Asi kudari tikaramba shamwari jakashata tosana shamwari jaushoni jinoda Mwari, iyena anozodakara no kutisana inga shamwari jake.—Nduyo 15:1-4.

 NASANYI KUPSAKISISA

4. Shamwari jedu ajidikani kuva jakaezana na itusu

Bhaibheri rinonanga ngo vanarume vaviri, Jonatani na Dhavhidhi. Jonatani wainga mwana wa mambo zve wainga dhodha kupinda Dhavhidhi. Pikija zvakadaro, ivona vainga no ushamwari hwakavanga. Verenganyi 1 Samueli 18:1, perapo bhuisananyi ngo muvhunjo unotevera:

• Ngenyi shamwari jedu ajidikani basi kuva vomupira wedu kana kuti vakajijavo inga ndusu?

Verenganyi Varoma 1:11, 12, perapo bhuisananyi ngo muvhunjo unotevera:

• Shamwari jinoda Jehovha jinovangisana kudini?

Pa vhidhiyo iyi, vonanyi kuti mujaha uwu wakawanisa kudini shamwari yaainga acikaveteri. Rijanyi VHIDHIYO, perapo bhuisananyi ngo muvhunjo jinotevera.

• Pa vhidhiyo, ngenyi vabari va Akiri vaineseka ngo ndava yo shamwari jaainga najo ku cikora?

• Pakutanga, ngozvapi zvaakadakarira maningi ku shamwari jake?

• Akiri wakazonyisisa kudini kucamwa kwake?

 5. Njira jokuwana shamwari jakanaka

 ZVOTAJIJA

Kudari tikakheta shamwari jakanaka, izvo zvinobesera itusu no kudakajisa Jehovha.

Kuhwirijira

• Ngenyi kukheta kwedu shamwari kunosisira kuna Jehovha?

• Ngovapi vandhu vaticikadikani kushamwarijana navo?

• Mungaitisa kudini kuti muve no ushamwari no vandhu kwavo?