Ümgang mit gaure lüür häwe helpt oos mit taum frööliger sin, un ine slime tijd daue sai oos mithelpe. Åwer, soo’s ine Bijbel stäit ni al dai lüür sin gaud taum ümgang häwe. Den, wosoo kast duu gaud uutsuike mit wem as duu ümgang häst? Denk an dës twai frågen.

1. Wosoo koine dai woo’s duu ümgang mit häst dij helpe urer wat schåre?

Ji mër as wij oos t’hoophule mit aim mësche urer mit dem t’hoop sin doir internet, ji düler daue wij denke un dai daile soo måke as dai mökt, dat kan gaud urer slecht sin. Is soo’s ine Bijbel stäit: “Wee t’hoop mit dai klauke gäit, wart klauk. Åwer wee t’hoop mit dai dume gäit [urer mit dai wat ni Jehovaa lijbe], gäit dat slecht.” (Provérbios 13:20) Lüür wat Jehovaa sijne wile måke un daue em lijbe koine dij helpe bijblijwe sich an em hule un gaur uutsuiken måke. Åwer ümgang mit lüür häwe wat ni Jehovaa lijbe, kan dij aflenke fon em. Is dårweegen dat wij taureert ware doir dai Bijbel gaur lüür uutsuike taum ümgang häwe! Wen dai lüür woo wij ümgang mit häwe Jehovaa lijbe, dat is gaud tau oos un uk tau eer. Soo, krijge wij ‘air dem ande koråsch geewt un air der ande upricht.’ (1 Tessalonicenses 5:11)

2. Bekümert Jehovaa sich mit wem as duu ümgang häst?

Jehovaa däit gaud uutsuike dai lüür woo hai ümgang mit hät. Hai “hät aine starke ümgang mit dai gerechte lüür.” (Provérbios 3:32) Wosoo däir Jehovaa sich befijne wen wij ümgang mit lüür hare wat em ni lijbe daue? Gewiss hai däir sër traurig ware! (Lees Tiago 4:4) Åwer, wen wij oos trööghule fone lüür wat Jehovaa ni lijbe un daue oos t’hoophule mit lüür wat em lijbe, hai wart sër fröölig un däit oos uutsuike taum ümgang mit em häwe. (Salmo 15:1 bet 4)

 DAU MËR LËRE

4. Dai lüür woo wij ümgang mit häwe bruuke ni grår soo sin as wij

Ine Bijbel stäit oiwer twai kërls fone früüsche Israel, wat Jonatã un Davi haite däire. Jonatã wäir dem köönig sij kind un wäir feel üler as Davi. Lijkerst soo, sai hare aine gaure ümgang. Leest 1 Samuel 18:1. Nåheer fortelt oiwer dai fråg hijr uuner:

• Woweegen däit nischt of dai lüür woo wij ümgang mit häwe ni soo uld sin as wij, urer sin rijker urer armer as wij?

Leest Romanos 1:11 un 12. Nåheer fortelt oiwer dai fråg hijr uuner:

• Wosoo koine dai wat Jehovaa lijbe air dem ande koråsch geewe?

Kijkt der VIDEO taum saie wosoo air juugend gaure ümgang fuune hät woo hai sich ni denke däir. Nåheer fortelt oiwer dai fråg hijr uuner:

• In dem video, woweegen hare Akil sijn papa un mama kopbreeken mit dem ümgang wat hai ine schaul har?

• Woweegen im anfang däir Akil dat gefale sich t’hoophule mit dai juugende?

• Hai däir sich alaine befijne. Wosoo hät hai dat oiwerståe kreege?

 5. Dai årt soo’s duu mit gaure lüür ümgang häwe kast

 WAT HÄWE WIJ HIJR LËRT?

Wen wij uppasse mit wem as wij ümgang häwe, dat is gaud tau oos un gefült Jehovaa.

Denk dij ais nå

• Woweegen bekümert Jehovaa sich mit wem as wij ümgang häwe?

• Mit wat fon sort lüür schåle wij kaine ümgang mit häwe?

• Wosoo kast duu ümgang mit gaur lüür häwe?