Asinthamwene oororomeleya annaaceererya ohakalala wahu variyari va ilukuluku saphaama, nave awo annanilipiha variyari va ilukuluku sawuukhula. Nyenya Piipiliya onnanlopola wi tahi wi muchu ori oothene nthamwene aphaama. Vano muni nwerye hai waathanla asinthamwene aphaama? Muthokororye makoho anacharela.

1. Ti mwawiihai asinthamwene munathanlaanyu onoovolowelaayani?

Hiyaano ninnawehererya wi nnahaala okhala ntoko achu yaawo nnamalihaahuno elukuluku. Eyo enanwerya okhala yaphaama naari yoonanara—nave mweeparipari ela eneereya vaavaa nnamalihaahu elukuluku ni yaawo ethoi ni ethoi naari mu interneti. Hiihaa ntoko Piipiliya olonceiye, “oneeca ni achu a miruku, owo tho tamiruku, nto nthamwene a alolo, [yaawo ahinamusivela Yehova] yoonanara ennamphacuwela.” (Masiposipo 13:20) Asinthamwene yaawo anamusivela ni omulapela Yehova ananwerya wookhaviheryaani otitelela omwaacamela yoowo ni opaka soolakelela saphaama. Nyenya asinthamwene ahinamusivela yoowo ananwerya onikeriha ocai wa Yehova. Ti nthowa nene Piipiliya onanceenyeryeiye wi naathanle asinthamwene ahu mwa miruku! Wakhala wi asinthamwene ahu achu yaawo anamusivela Muluku, awo anahaala okhalano ovolowela waphaama wa hiyo nave hiyaano nnamukhalano ovolowela waphaama wa yaawo. Hiyaano nnaphwanela ‘olipihanaka ni otikitheryana mukina ni mukhwaawe.’—1 Tesalónika 5:11.

2. Ti mwawiihai waathanla wanyu asinthamwene onamvolowelaaya Yehova?

Yehova onnaathanla asinthamwene awe mweephoole. Apwiya Yehova “annatàna ni atxhu awokololowa.” (Masiposipo 3:32, BNM) Yehova onoona hai vaavaa nnaathanlaahu asinthamwene yaawo ahinamusivela yoowo? Mweeparipari owo onnathanana vancipale! (Mwaalakhanye Tiyako 4:4.) Nyenya Yehova onahaala ohakalala nave onahaala onthanla ntoko asinthamwene awe wakhala wi nookhooca onthamwene woonanara ni waathanla asinthamwene yaale anamusivela.—Salumu 15:1-4.

 OHUSERYA MWAWIISEELA

4. Nihiweherye wi asinthamwene ahu ekhale oolikana ni hiyaano mu soothene

Piipiliya onnaaloca alopwana eeli Tavite ni Yonata, a nloko na Aisarayeli akhalai. Awo yaari oohiyana vancipale iyaakha ni mikhalelo; nyenya yaahitikitherya onthamwene woolipa. Mwaalakhanye 1 Samuwele 18:1, nave voocharela muthokororye nikoho nla:

• Ntakhara heeni asinthamwene ahu ilukuluku soothene hanaphwanela okhala a iyaakha naari a mikhalelo imohamoha ni sawihu?

Mwaalakhanye Aroma 1:11, 12, nave voocharela muthokororye nikoho nla:

• Ti mwawiihai asinthamwene yaawo anamusivela Yehova aneeraaya elipihane mukina ni mukhwaawe?

Mu exilema yeela, moone mukhalelo munna mmoha yoowo ori mmiravo aaphwannyeiye asinthamwene moohiwehereryeya. Moone EXILEMA, nave voocharela muthokororye makoho anacharela:

• Mu exilema yeela, ntakhara heeni asitiithi a Antreya yaamuloponlaaya vooloca sa asinthamwene awe a oxikola?

• Ichu taani woopaceryani asinthamwene a Antreya yaapankaaya seiho saamusivenle?

• Ti mwawiihai owo aavoontheiye omeekha?

 5. Mukhalelo wa waapaka asinthamwene aphaama

 MUKWASU

Vaavaa nnaathanlaahu asinthamwene ahu mwa miruku, ninnamuhakalaliha Yehova nave ninnaphura mukhatiihu.

Makoho awuuluulela

• Ntakhara heeni waathanla wahu asinthamwene ti woochuneya wa Yehova?

• Asinthamwene a mukhalelo taani nnaphwanelaahu waasepa?

• Muni muteke hai onthamwene waphaama ni achu a mukhalelo ori woothene?