CHILAYIJO 48
Shala Bakwayina Nobuchenjeli
Bakwayina bopelyo banota kuti tishante akale banotisimisa kana tilimubukukutu. Koga iBhayibhili linotibuja kuti atobeli unhu wose unkwayina umbodo. Ungashala chini bakwayina babhodo? Yeyesesa nemibhuzo inotobela.
1. Bakwayina batinoshala banota kuti titeni?
Topejeleja taba nozuto zwabanhu batinohwa nabo. Tokwanisa kufanana nabo pakuta zubhodo kana kuti zubi, zusineni kuti tobe tibonana kana kuti kubonana nabo peintaneti. IBhayibhili linoti, “unhu unokwenda nabalochenjela uchaba ulochenjela koga unokwenda namalema [zunova yabo basinoda Jehova] zuchombipila.” (Zwichimbe 13:20) Bakwayina banoda Jehova akale banonamata banokwanisa kukubhancha kuti ugale uli pelyo naye akale ute zushalujo zubhodo. Koga tikaba nabakwayina basinonamta Jehova bachata kuti tibe kule naye. Ndizo iBhayibhili litikutayija kuti tishale bakwayina bedu nobuchenjeli! Kana bakwayina bedu beda Mwali, banotibhancha akale nasu tobabhanchabo. Totubula “kukutayijana umwe nomwe akale nokubakana.”—1 BaTesalonika 5:11.
2. Jehova unowha chini nabakwayina bawunoshala?
Jehova unoshala bakwayina babhodo. “Unkwayina wopelyo wabo balolulama.” (Zwichimbe 3:32) Jehova unowha chini ungoshaluja bakwayina basinonda? Zunondwaja kasa! (Balani Jemusi 4:4.) Koga Jehova unoshanta tingoshala bakwayina banonda akale tingosiyana nabo basinonda yozu zuchata kuti ebe pelyo nasu.—Lwimbo 15:1-4.
FUNDA ZUNJI
Tokoloja kuti neni kushala kwatinota bakwayina kukakosha akale ubone kuti ungata chini kuti uwane bakwayina bachakubhancha mubupenyu.
3. Siyana nabakwayina babi
Banhu basinoda Jehova nozumiso zuzwe bakwayina babi. Yebani iVIDIYO, akale kwejisani nombuzo unotobela.
-
Zungakwenda chini kuti tibe nobukwayina nabanhu babi tisijakazulingilila?
Balani 1 BaKolinte 15:33, akale kwejisani nemibhuzo yeyi:
-
Ubweni sokuti unkwayina umbi unhu ulichini? Neni udalo?
Balani Lwimbo 119:63, akale kwejisani nombuzo yoyu:
-
Ini zwawunokwelela kulinga kana ushaluja unkwayina?
I-Apula lilobola linotubula kubojeka mamwe ose. Kuba nobukwayina nonhu umbi kungakukubaja chini?
4. Unokwanisa kuba nabakwayina balosiyana-siyana
IBhayibhili linolebeleka nabanhulume babili bokuIsrayeli banowhi Jonatani naDavida. Bakabekasiyana makole abo akale bakabeva kundawu jilosiyana koga bakaba bakwayina banohwanana kasa. Balani 1 Samuyeli 18:1, akale kwejisani nombuzo yoyu:
-
Neni tisinokwelela kushala bakwayina banamakole alokwelana nawedu kana bana ungalilo unofanana nowedu?
Balani BaRoma 1:11, 12, akale kwejisani nombuzo yoyu:
-
Bakwayina banoda Jehova banokutayijana chini?
Muvidiyo yeyi, bona kuti umbisana wakawana chini bakwayina babhodo. Yebani iVIDIYO, akale kwejisani nemibhuzo inotobela.
-
Muvidiyo yeyi, neni bazwali baAkil bakabeshushikana nabakwayina babe bokuchikolo?
-
Ini zwaakata kuti Akili ede bakwayina babe yabo?
-
Ini zwaakata kuti ekome bukata?
5. Mawanilo awungate bakwayina babhodo
Bona zwawungate kuti uwane bakwayina bechokomende akale nozwawungate kuti ube unkwayina umbodo. Yebani iVIDIYO.
Balani Zwichimbe 18:24 na27:17, akale kwejisani nemibhuzo yeyi:
-
Bakwayina bechokomende banobhanchana chini?
-
Unabakwayina bakadayi na? Kana usina, ungabawana chini?
Balani BaFilipi 2:4, akale kwejisani nombuzo yoyu:
-
Kuti uwane unkwayina umbodo nebo unokwelela kuba unkwayina umbodo. Ungazuta chini?
Kuti uwane unkwayina umbodo, unokwelela kuba unkwayina umbodo nawi
BAMWE BANOTI: “Unotubula kuba nobukwayina nonhu wose panokugala usina unkwayina.”
-
Ani iwi unotini
INI ZWAWAFUNDA
Tingoshala zubhodo bakwayina bedu Jehova unoshanta akale zunotibhancha.
Kubwilulula
-
Neni Jehova eda kuti tishale zubhodo bakwayina?
-
Banhu balichini batisinokwelela kuta bukwayina nabo?
-
Ini zwatinokwelela kuta kuti tibe nobukwayina bulosima nabanhu babhodo?
PAMIJA PANA ZWAWAWANA
Bona kuti bakwayina bechokomende bangatibhancha chini patinoshangana nobukukutu.
“Qinisa Ubungane Bakho Labanye Ukuphela Kungakafiki” (INqabayokulinda, November 2019)
Bona zwawungate kuti uwane bakwayina babhodo.
Ini zwawunokwelela kuziba nobukwayina bopeintaneti?
Munyaya inowi “Ngangifisa Ukuba Lobaba,” bala uwhe umwe unhulume kuti wakoobona chini kuti wakabekwelela kuchincha bakwayina.
“IBhayibhili Liyamtshintsha Umuntu” (INqabayokulinda, April 1, 2012)