Pégé kouŋo lénéŋé né méchouou na métam mboŋo, po ping nkuiété wégé na métam ntʉtʉ. Biible gôôn no nti méchou. A kuingté wégé lé tchouŋo ntsôʼ méchou pégé. Pégé giè no yié a gôôn né pégé.

1. Nti kô aa tʉnzuing mbwo pégé lé tchouŋo ntsôʼ méchou pégé?

A zéŋé lé suié pʉa pié péga poo zôgô na nti yé mboŋo mboo na nti yé tépong. Yèe kouaʼ ngouô nénʉ mboo paʼ yié péga poo lôôn ntchʉaté po na méréseaux sociaux. Biible gôôn ngié, «gning lôôn nging né nzséno, mba a gé gʉo tchʉʼʉ nzséno; nké nging né gʉgʉ [mé gôôn gning wuié a té kouŋo Jéova wô], mba a gé gʉo gwiée méngégé» (Provèebe 13:20). Ngouô méchouou pié é kouŋo Jéova kuiété wégé lé kuiʼi nto né léjʉng yé, mboo lé tsôʼ méndésiziông mboŋo. Taʼ, ngouô paté gouʼté Jéova wô gʉo pégé lé ying nkouè nnè na yé wô. Lélôg léghié ntsôʼ méchou pouou ngouo tʉnzuing! Méchou pégé lôôn ngouʼté Jéova, mba pégé gé gwiée tsuié mboŋo, po ping njʉo yôb pi léwô méchou pégé. Paʼ tso nkang ŋwaʼné gôôn ngié «pégé kuingté ménnè mégé tsétsèe pégé, mbing ntoonté ménnè mégé tsétsèe pégé» (1 Tésalonika 5:11).

2. Nti kô lé tsôôʼ méchou pégé pouou ngouô tʉnzuing apwo Jéova?

Jéova té lôgô maagning ntsém ngʉo chou wé wô. «Jéova lôgô gning wuié a thié ndʉndʉng ndôg ngʉo chou létʉm wé» (Provèebe 3:32). Jéova jououʼ lékô fʉʼ yié pégé tsôʼ méchouou pié é té né ngouʼté yé wô? A naa yé kouaʼ maamaa lémʉôgté! (toŋo Jag 4:4). Pégé lôôn ngouaʼ méso tépong mba pégé gé to né léjʉng yé, mboo léjʉng pʉa pié po kouŋo yé (Zôbô ntsé 15:1-4).

 YING NKUIʼI NZIʼI

4. Ngouo gning wuié péga po té taʼa mmo wô wo méchouou

Biible gôôn no na chou mboŋo yié é laa tsétsèe Ndavid po Jonathan, wétso lôôn mpfélé ménôôn, wétsoo wo ming fouô. Po ké té gwiée taʼ nzuing ngouʼ wô. Toŋo 1 Samiiè 18:1, mbing ngôôn no na môôn ménzèté:

• Ta aa péʼé péga méchou pégé gwiée po lé gwiée taʼ nzuing ngouʼ mboo lé wo na taʼ rang? Pouʼou nti kô?

Toŋo Roma 1:11, 12, mbing ngôôn na yôôn nzaté:

• Méchouou mépʉa pié é gouʼté Jéova toonté ménnè môb lékô?

Lié vidéo ngiè paʼ taʼ ngouachoum tra lé lôgô gning wuié a tchʉogtée ngʉo chou wé. Tsôʼô VIDÉO, mbing ngôôn no na ménzaté mié ée mvfo.

• Méta Akil lôôn ntchʉôʼô kô?

• A la faʼ méchouou ngouachoum sékout nti kô?

• Akô la kuiété yé ta a té ying njouʼ ngié aa yilé yé wô?

 5. Ngouo pégé gʉo lékô ta ngwiée méchou mboŋo?

 TA O ZIʼII KÔ?

Pégé lôôn ntchouŋo ntsôʼ méchou mboŋo, mba pégé gé gwiée mépi ta é yiôôn, éping wo méchou Jéova.

Ta o né nkimté?

• Létchouŋo ntsôʼ méchou pégé aa tʉnzuing pwo Jéova nti kô?

• Ée mèe ménti méchou pié pégé gwiée lé gouaʼ?

• Ngouo pégé gʉo kô ta ndôg ngwiée méchou mboŋo?