Anzathu a pamtima amatikondweletsa pa nthawi yabwino, komanso amatilimbikitsa pa nthawi yovuta. Koma Baibo imaticenjeza kuti si munthu aliyense amene angakhale mnzathu wabwino. Conco, kodi mungasankhe bwanji mabwenzi abwino? Ganizilani mafunso aya.

1. Kodi mabwenzi amene mumasankha angakhudze bwanji khalidwe lanu?

Ife anthu timakonda kutengela makhalidwe a anthu amene timaceza nawo, makhalidwe abwino kapena oipa. Zimenezi zimacitika ndithu kaya poceza nawo tikakhala pamodzi kapena pa soshomidiya. Baibo imanena kuti, “munthu woyenda ndi anthu anzelu adzakhala wanzelu, koma wocita zinthu ndi anthu opusa [aja osakonda Yehova] adzapeza mavuto.” (Miyambo 13:20) Mabwenzi amene amakonda Yehova na kum’lambila angakuthandizeni kukhala pafupi na Mulungu, komanso kuti muzipanga zisankho zabwino. Koma anzathu a kunja kwa mpingo, angayambe kutikanganula kwa Yehova. Ndiye cifukwa cake Baibo imatilimbikitsa kusankha mabwenzi mwanzelu. Ngati mabwenzi athu ni anthu okonda Mulungu, amatipindulitsa ifenso timawapindulitsa. Timatonthozana komanso kulimbikitsana wina na mnzake.—1 Atesalonika 5:11.

2. Kodi Yehova amamva bwanji poona anthu amene musankha kukhala anzanu?

Yehova amasankha mabwenzi ake mosamala. Iye “amakonda anthu owongoka mtima.” (Miyambo 3:32) Kodi Yehova angamve bwanji ngati tisankha anthu osamukonda kukhala anzathu? Angakhumudwe kwambili! (Ŵelengani Yakobo 4:4.) Koma ngati tipewa anthu oipa, m’malo mwake tisankha mabwenzi okonda Yehova, iye adzakondwela nafe, ndipo adzatisankha kukhala mabwenzi ake.—Salimo 15:1-4.

 KUMBANI MOZAMILAPO

4. Ngakhale anthu amene timasiyana nawo angakhale mabwenzi athu abwino

Baibo imasimba za anthu aŵili a mu Isiraeli wakale, Davide na Yonatani. Aŵiliwa anali a misinkhu yosiyana kwambili, koma anali mabwenzi a ponda apa m’pondepo. Ŵelengani 1 Samueli 18:1, na kukambilana funso ili:

• N’cifukwa ciyani mabwenzi athu sayenela kungokhala aja a msinkhu wathu, kapena amene timafanana nawo m’zinthu zina?

Ŵelengani Aroma 1:11, 12, na kukambilana funso ili:

• Kodi mabwenzi amene amakonda Yehova angalimbikitsane bwanji?

M’citsanzo ca mu vidiyo iyi, onani mmene m’bale wina wacinyamata anapezela mabwenzi ku malo amene sanawaganizile kuti angapezeko mabwenzi. Tambani VIDIYO, kenako kambilanani mafunso otsatila.

• Mu vidiyo imeneyi, n’cifukwa ciyani makolo a Akil anali kumudela nkhawa cifukwa ca anzake a kusukulu?

• N’cifukwa ciyani poyamba iwo anaoneka monga mabwenzi abwino kwa iye?

• Ndipo anathana nalo bwanji vuto la kusungulumwa kwake?

 5. Mmene mungapezele mabwenzi abwino

 CIDULE CAKE

Tikasankha mabwenzi mwanzelu, timakondweletsa Yehova, ndiponso timapeza mapindu ambili.

Mafunso Obweleza

• N’cifukwa ciyani Yehova amakhudzidwa na mmene timasankhila anzathu?

• Kodi tiyenela kupewa mabwenzi otani?

• Kodi mungapeze bwanji mabwenzi abwino okonda Yehova?