EISHOMO 48
Toorana Gye Banywani Baawe
Banywani baitu ab’aha mara nibashemererwa naitwe omu bwire burungi, kandi nibatugumya omu bwire bugumire. Kwonka kurugiirira ahari Baibuli, ti buri omwe ngu n’omunywani murungi. Mbwenu shi noobaasa kutoorana ota abanywani barungi? Shwijuma ebibuuzo ebirikukurataho.
1. Abanywani abu orikutoorana nibaija kukureetera kutwaza ota?
Nitukira kutwaza nk’abantu abu turikumara nabo obwire. Nibabaasa kutureetera kutwaza gye nari kutwaza kubi yaaba nituba turi nabo butunu, nari kurabira aha mikura y’empurizana. Baibuli neegira ngu, ‘orikugyenda n’abanyabwengye, nawe naahinduka omunyabwengye, kwonka mugyenzi w’abashema [abo abatarikukunda Yehova naija kugwerwa akagwe].’ (Enfumu 13:20) Banywani baawe abarikukunda Yehova, kandi abarikumuramya nibabaasa kukuhwera kuguma haihi nawe, n’okucwamu gye. Kwonka abatarikukunda Yehova nibabaasa kukureetera kwirira hare nawe. Niyo nshonga ahabw’enki Baibuli neetuhiga kuba abanyabwengye omu kutoorana abanywani! Twanywana abarikukunda Ruhanga, nibatuhwera kandi naitwe nitubahwera. Nitugumizamu ‘nitugumyana, kandi nitwombekana.’—1 Abatesalonika 5:11.
2. Yehova naayehurira ata kurugiirira aha banywani abu orikutoorana?
Yehova naayegyendesereza omu kutoorana banywani be. Naayesiga “ab’omutima ogugororokire.” (Enfumu 3:32) Noogira ngu Yehova naayehurira ata waatoorana abanywani abatarikumukunda? Buzima nooba waamureebya! (Shoma Yakobo 4:4.) Kwonka, Yehova naashemererwa kandi naakunywana waamwirira haihi, okeetantara abanywani babi, kandi okanywana abarikumukunda.—Zaaburi 15:1-4.
SHWIJUMA GYE
Yetegyereze ahabw’enki ni kikuru kutoorana abanywani barungi, kandi oreebe n’oku orikubaasa kubatoorana.
3. Yegyendesereze abanywani babi
Abantu abarikwanga Ruhanga n’emitindo ye n’abanywani babi. Zaana VIDIYO, kubaasa kugarukamu ekibuuzo ekirikukurataho.
-
Nitubaasa kukwatanisa tuta n’abanywani babi tutakimanyire?
Shoma 1 Abakorinso 15:33, kubaasa kugarukamu ebibuuzo ebi:
-
Ni muntu ki orikubaasa kuba omunywani mubi? Ahabw’enki?
Shoma Zaaburi 119:63, kubaasa kugarukamu ekibuuzo eki:
-
Omunywani murungi noomumanyira ahari ki?
Apo emwe ejunzire neebaasa kushiisha ezindi zoona. Omunywani omwe mubi naabaasa kukushiisha ata?
4. Nitubaasa kunywana abantu abarikutaana naitwe
Baibuli neegamba aha bashaija babiri Daudi na Yonasaani omuri Israeli eya ira. Bakaba nibataana omu myaka n’embeera zaabo, kwonka bakaba nibakundana munonga. Shoma 1 Samueli 18:1, kubaasa kugarukamu ekibuuzo eki:
-
Ahabw’enki tutaine kunywana ab’orwingano rwaitu bonka, nari ab’embeera zirikushushana n’ezaitu?
Shoma Abarooma 1:11, 12, kubaasa kugarukamu ekibuuzo eki:
-
Abanywani abarikukunda Yehova nibabaasa kugumyana bata?
Omu vidiyo egi, reeba oku ow’eishe-emwe omwe muto yaatungire abanywani abu yaabaire atakateekateekahoga. Zaana VIDIYO, kubaasa kugarukamu ebibuuzo ebirikukurataho.
-
Omu vidiyo, ahabw’enki abazaire ba Akil baabaire beerarikiriire ahari banywani be aha ishomero?
-
Akil abanywani abo akaba abakunzireho ki?
-
Akabaasa kusingura ata eihamba rye?
5. Oku orikubaasa kutunga abanywani barungi
Yetegyereze oku orikubaasa kutunga abanywani abaabuzima, n’oku naiwe oine kuba omunywani murungi. Zaana VIDIYO.
Shoma Enfumu 18:24 na 27:17, kubaasa kugarukamu ebibuuzo ebi:
-
Abanywani abaabuzima nibahwerahwerana bata?
-
Oine abanywani barungi nk’abo? Kyaba tikwo kiri, noobaasa kubatunga ota?
Shoma Abafilipi 2:4, kubaasa kugarukamu ekibuuzo eki:
-
Kubaasa kugira abanywani barungi, naiwe oine kuba ori omunywani murungi. Ekyo noobaasa kukikora ota?
Kubaasa kugira abanywani barungi, naiwe oine kuba ori omunywani murungi
ABAMWE NIBAGIRA NGU: “Okugira omunywani weena ou waabona, nikikira okuguma otaine munywani.”
-
Iwe ekyo nookigambaho ki?
OMU BUGUFU
Twaba abanyabwengye omu kutoorana abanywani, nitushemeza Yehova, kandi nitugasirwa.
Okweijutsya
-
Ahabw’enki Yehova naafayo aha banywani abu turikutoorana?
-
Ni banywani ba muringo ki abu twine kwetantara?
-
Noobaasa kutunga ota abantu abahikire ab’okunywana?
JUMBURA EBINDI
Reeba oku abanywani barungi barikubaasa kutuhwera omu bwire bugumire.
“Hamya Omukago Gwawe n’Abandi Emperu Etakahikire” (Omunaara gw’Omurinzi, Novemba 2019)
Yetegyereze ebi orikubaasa kukora kutunga abanywani barungi.
Oine kumanya ki aha bikwatiraine n’abanywani b’aha mikura?
Omu byafaayo “Nkaba Niinyenda Kugira Tata,” manya ekyareeteire omushaija omwe kweshwijuma omu kutoorana abanywani.
“Baibuli Neehindura Emitwarize y’Abantu” (Omunaara gw’Omurinzi, Apuri 1, 2012)
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
