ଯେଉଁ ବ୍ୟକ୍ତି ଆମ ଖୁସିରେ ଖୁସି ହୁଏ ଓ ଆମ ଦୁଃଖରେ ଦୁଃଖି ହୁଏ କିମ୍ବା ଖରାପ ସମୟରେ ଆମର ସାହସ ବଢ଼ାଏ ବା ଆମକୁ ସାହାଯ୍ୟ କରେ, ସେ ହେଉଛି ପ୍ରକୃତ ସାଙ୍ଗ । ବାଇବଲ ସତର୍କ କରାଏ ଯେ ସମସ୍ତେ ଭଲ ସାଙ୍ଗ ନୁହନ୍ତି । ତାହେଲେ ଆମେ ଭଲ ସାଙ୍ଗ କିପରି ବାଛିପାରିବା ? ଆସନ୍ତୁ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଧ୍ୟାନ ଦେବା ।

୧. ଆପଣଙ୍କ ସାଙ୍ଗମାନଙ୍କର ଆପଣଙ୍କ ଉପରେ କʼଣ ପ୍ରଭାବ ପଡ଼ିପାରେ ?

ଆମେ ଯେଉଁଭଳି ବ୍ୟକ୍ତିଙ୍କ ସହ ସମୟ ବିତାଉ, ଏପରିକି ସେ ବ୍ୟକ୍ତି ଆମ ପାଖରେ ଥାʼନ୍ତୁ ବା ଅନଲାଇନ୍‌ରେ, ଆମେ ଧୀରେ ଧୀରେ ତାଙ୍କ ଭଳି ହୋଇଯାଉ । ତାଙ୍କର ଆମ ଉପରେ ଭଲ କିମ୍ବା ଖରାପ ପ୍ରଭାବ ପଡ଼ିପାରେ । ବାଇବଲରେ ଲେଖାଅଛି, “ଜ୍ଞାନୀ ସଙ୍ଗରେ ଗମନାଗମନ କର, ତହିଁରେ ତୁମ୍ଭେ ଜ୍ଞାନୀ ହେବ; ମାତ୍ର ମୂର୍ଖମାନଙ୍କର [ଅର୍ଥାତ୍‌ ଯେଉଁମାନେ ଯିହୋବାଙ୍କୁ ପ୍ରେମ କରନ୍ତି ନାହିଁ] ସଙ୍ଗୀ କ୍ଳେଶ ପାଇବ ।” (ହିତୋପଦେଶ ୧୩:୨୦) ଯଦି ଆପଣଙ୍କ ସାଙ୍ଗମାନେ ଯିହୋବାଙ୍କୁ ପ୍ରେମ କରନ୍ତି ଓ ତାଙ୍କ ଉପାସନା କରନ୍ତି, ତାହେଲେ ସେମାନେ ଆପଣଙ୍କୁ ଯିହୋବାଙ୍କ ସହ ମଜବୁତ୍‌ ସମ୍ପର୍କ ରଖିବା ପାଇଁ ଏବଂ ଭଲ ନିଷ୍ପତ୍ତି ନେବା ପାଇଁ ସାହାଯ୍ୟ କରିପାରିବେ । କିନ୍ତୁ ଯଦି ଆପଣ ଏପରି ଲୋକଙ୍କ ସହ ସାଙ୍ଗ ହୁଅନ୍ତି, ଯେଉଁମାନେ ଯିହୋବାଙ୍କୁ ପ୍ରେମ କରନ୍ତି ନାହିଁ, ତାହେଲେ ସେମାନେ ଆପଣଙ୍କୁ ଯିହୋବାଙ୍କଠାରୁ ଦୂରେଇ ନେଇଯାଇପାରନ୍ତି । ତେଣୁ ଆମକୁ ଭାବିଚିନ୍ତି ସାଙ୍ଗ ବାଛିବା ପାଇଁ ବାଇବଲରେ ପ୍ରୋତ୍ସାହନ ଦିଆଯାଇଛି । ଯେତେବେଳେ ଆମେ ଏପରି ଲୋକଙ୍କ ସହ ସାଙ୍ଗ ହେଉ, ଯେଉଁମାନେ ଯିହୋବାଙ୍କୁ ପ୍ରେମ କରନ୍ତି, ସେତେବେଳେ ଆମକୁ ଓ ସେମାନଙ୍କୁ ମଧ୍ୟ ଲାଭ ହୋଇଥାଏ । କାରଣ ଏପରି କରି ଆମେ ‘ପରସ୍ପରର ସାହସ ବଢ଼ାଇପାରୁ ଓ ପରସ୍ପରକୁ ମଜବୁତ୍‌ କରିପାରୁ ।’—୧ ଥେସଲନୀକୀୟ ୫:୧୧, NWT.

୨. ଆପଣ ଯେଉଁଭଳି ଲୋକମାନଙ୍କ ସହ ସାଙ୍ଗ ହୁଅନ୍ତି, ତାହା ଦେଖି ଯିହୋବାଙ୍କୁ କିପରି ଲାଗେ ?

ଯିହୋବା ସମସ୍ତଙ୍କ ସହ ସାଙ୍ଗ ହୁଅନ୍ତି ନାହିଁ, “ମାତ୍ର ସରଳାଚାରୀମାନଙ୍କ ସଙ୍ଗେ ତାହାଙ୍କର ମିତ୍ରାଳାପ ଥାଏ ।” (ହିତୋପଦେଶ ୩:୩୨) ଯଦି ଆମେ ଏପରି ଲୋକମାନଙ୍କ ସହ ସାଙ୍ଗ ହେବା, ଯେଉଁମାନେ ଯିହୋବାଙ୍କୁ ପ୍ରେମ କରନ୍ତି ନାହିଁ, ତାହେଲେ ଭାବନ୍ତୁ ଯିହୋବାଙ୍କୁ କିପରି ଲାଗିବ ? ତାଙ୍କୁ ବହୁତ ଦୁଃଖ ଲାଗିବ । (ଯାକୁବ ୪:୪ ପଢ଼ନ୍ତୁ ।) କିନ୍ତୁ ଯଦି ଆମେ ଖରାପ ଲୋକମାନଙ୍କଠାରୁ ଦୂରେଇ ରହିବା ଏବଂ ଏପରି ଲୋକମାନଙ୍କ ସହ ସାଙ୍ଗ ହେବା, ଯେଉଁମାନେ ଯିହୋବାଙ୍କୁ ପ୍ରେମ କରନ୍ତି, ତାହେଲେ ସେ ବହୁତ ଖୁସି ହେବେ ଓ ଆମକୁ ନିଜ ସାଙ୍ଗ ଭାବେ ବାଛିବେ ।—ଗୀତସଂହିତା ୧୫:୧-୪.

 ଭାବନ୍ତୁ ଓ ଶିଖନ୍ତୁ

୪. ଯେଉଁମାନେ ଆମଠାରୁ ପୂରା ଅଲଗା, ସେମାନେ ମଧ୍ୟ ଆମର ଭଲ ସାଙ୍ଗ ହୋଇପାରିବେ

ବାଇବଲରେ ଦାଉଦ ଓ ଯୋନାଥନ ନାମକ ଦୁଇଜଣ ଇସ୍ରାଏଲୀୟଙ୍କ ବିଷୟରେ କୁହାଯାଇଛି । ଯୋନାଥନ ଦାଉଦଙ୍କଠାରୁ ବୟସରେ ବହୁତ ବଡ଼ ଥିଲେ । ସେ ଦୁହିଁଙ୍କ ଲାଳନପାଳନ ମଧ୍ୟ ଅଲଗା ଅଲଗା ଜାଗାରେ ହୋଇଥିଲା । ତଥାପି ସେମାନେ ଦୁହେଁ ବହୁତ ଭଲ ସାଙ୍ଗ ଥିଲେ । ୧ ଶାମୁୟେଲ ୧୮:୧ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:

• କʼଣ ଦୁଇଜଣ ଲୋକ ତେବେଯାଇ ସାଙ୍ଗ ହୋଇପାରିବେ, ଯଦି ସେମାନଙ୍କର ବୟସ ସମାନ ଓ ସେମାନଙ୍କର ଲାଳନପାଳନ ଏକାଭଳି ହୋଇଥିବ ? ଆପଣ ଏପରି କାହିଁକି କହିପାରିବେ ?

ରୋମୀୟ ୧:୧୧, ୧୨ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:

• ଯେଉଁ ସାଙ୍ଗମାନେ ଯିହୋବାଙ୍କୁ ପ୍ରେମ କରନ୍ତି, ସେମାନେ ପରସ୍ପରର ଉତ୍ସାହ କିପରି ବଢ଼ାଇପାରିବେ ?

ଆଗକୁ ଦିଆଯାଇଥିବା ଭିଡିଓରେ ଧ୍ୟାନ ଦିଅନ୍ତୁ ଯେ ଜଣେ ଯୁବା ଭାଇଙ୍କୁ କିପରି ଏକ ଭଲ ସାଙ୍ଗ ମିଳିଲା । ସେ କେବେ ବି ଭାବି ନ ଥିଲେ ଯେ ସେହି ବ୍ୟକ୍ତି ତାଙ୍କର ଏତେ ଭଲ ସାଙ୍ଗ ହୋଇଯିବେ । ଭିଡିଓ ଦେଖନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ ।

• ଅଖିଳଙ୍କ ବାପାମାଆଙ୍କୁ କାହିଁକି ଚିନ୍ତା ହେଉଥିଲା ଯେ ଅଖିଳ ସ୍କୁଲରେ କେଉଁମାନଙ୍କ ସହ ସାଙ୍ଗ ହେଉଛନ୍ତି ?

• ଆରମ୍ଭରେ ଅଖିଳଙ୍କୁ ସେମାନଙ୍କ ସହ ସାଙ୍ଗ ହେବା କାହିଁକି ଭଲ ଲାଗୁଥିଲା ?

• ସେ କʼଣ କଲା ଯାହାଫଳରେ ତାଙ୍କୁ ଆଉ ଏକୁଟିଆ ଲାଗିଲା ନାହିଁ ?

 ୫. ଭଲ ସାଙ୍ଗ କିପରି କରିପାରିବା ?

 ଆମେ କʼଣ ଶିଖିଲୁ ?

ଭାବିଚିନ୍ତି ସାଙ୍ଗ ବାଛିଲେ ଯିହୋବା ଖୁସି ହୁଅନ୍ତି ଏବଂ ଆମର ମଧ୍ୟ ଲାଭ ହୋଇଥାଏ ।

ଆପଣ କʼଣ କହିବେ ?

• ଆମେ ଯେଉଁଭଳି ଲୋକଙ୍କ ସହ ସାଙ୍ଗ ହେଉ, ତାହା କାହିଁକି ଯିହୋବାଙ୍କ ପାଇଁ ମହତ୍ତ୍ୱ ରଖେ ?

• ଆମେ କେଉଁ ଲୋକମାନଙ୍କ ସହ ସାଙ୍ଗ ହେବା ଉଚିତ୍‌ ନୁହେଁ ?

• ଯେଉଁମାନେ ଯିହୋବାଙ୍କୁ ପ୍ରେମ କରନ୍ତି, ସେମାନଙ୍କୁ ଆମେ କିପରି ନିଜର ଭଲ ସାଙ୍ଗ କରିପାରିବା ?