LEKSION 48
Pilim ya Maong so Pikaaroan Mo
Makapaliket ya nakaiba iray ka-close tayo. Tan wadtan iran manpabiskeg no walay problema tayo. Pero, ibabaga na Biblia ya aliwan amin et maong ya pikaaroan. Kanian, panon kan makapampili na maong ya kaaro? Nonoten irayan tepet.
1. Antoy impluensya ed sika na pipilien mon kakaaro?
Walay tendensian naalig tayo ray nakakaulop tayo—diad personal o diad social media. Tan nayarin maong odino makapuy so impluensya da. Ibabaga na Biblia: “Samay miuulop ed marunong et magmaliw a marunong, balet samay mililimog ed makulangkulang [samay agto inaro si Jehova] et aliwliway pansumpalan to.” (Proverbio 13:20) No inaro na saray kakaarom si Jehova tan mandadayew irad sikato, natulongan da kan lalon onapit ed sikato tan makagawa na duga iran desisyon. Pero, no aliwan agagi iray ka-close mo, ompan iyarawi da ka ed si Jehova. Kanian manaya bibilinen itayo na Biblia ya pilien tayon maong iray pikaaroan tayo! No inaro na saray kakaaro tayo so Dios, nagunggonaan itayo, pati sikara met. ‘Napaseseg tan napabiskeg tayo so sakey tan sakey.’—1 Tesalonica 5:11.
2. Antoy epekto ed si Jehova na saray pipilien mon kakaaro?
Pipilien ya maong nen Jehova iray pikakaaroan to. “Sikatoy maapit a kaaro na maptek a too.” (Proverbio 3:32) No saray pikaaroan tayo et agda inaro si Jehova, anto kasi nalikna to? Siempre nasakitan! (Basaen so Santiago 4:4.) Pero, malikeliket si Jehova no agtayo miulop ed saray mauges. Labalabay to tayo met ya nakaaro no onapit tayo ed sikato tan ed saramay mangaaro ed sikato.—Salmo 15:1-4.
DAKEL NI NAARALAN MO
Amtaen no akin ya importantin pilien tayon maong iray pikaaroan tayo, tan no panon kan makalmoy kakaaro ya makatulong tan maong so impluensya dad sika.
3. Agmikakaaro ed saray mauges ya kaulop
Mauges ya kaulop iray totoon agda inaro so Dios tan agda uunoren so estandarte to. I-play so VIDEO, insan ebatan iya.
-
Panon ya agtayo naliklikas ya makakapiulop ti la manaya ed saray mauges?
Basaen so 1 Corinto 15:33, insan ebatan iraya:
-
Anton klase na kaulop so nayarin mauges so impluensya dad sika? Akin ey?
Basaen so Salmo 119:63, insan ebatan iya:
-
Anto ray pakanengnengan ya say sakey et maong ya kaaro?
No walay sakey ya abulok a mansanas ya akalaok, nabulok met la ray arum. Anto kasi epekto ed sika na sakey ya mauges a kaulop?
4. Sarag tayon pikaaroan iray duma ed sikatayo
Diad Biblia, nabasa so alimbawa na duaran Israelita, si David tan Jonatan. Baleg so agwat na edad da tan mandumaan so kipapasen da, pero malet iran sankaaro. Basaen so 1 Samuel 18:1, insan ebatan iya:
-
Akin et aliwan saray kaedad odino kaparehoy panagbilay so pikaaroan tayo labat?
Basaen so Roma 1:11, 12, insan ebatan iya:
-
Panon ya makapampabiskegan so sankaaro ya parehon mandadayew ed si Jehova?
Diad sayan video, bantayan no panon ya aka-close na sakey a kabataan ya brother iray agagin agto inilaloan ya nakaaro to. I-play so VIDEO, insan ebatan iraya.
-
Diad video, akin et mapaga so atateng nen Akil lapud saray pibabarkadaan tod eskuelaan?
-
Akin et labay to ran pikaaroan nen unaan?
-
Antoy akatulong pian agla maermen?
5. No panon kan makalmoy maong ya kakaaro
Amtaen no panon kan makalmoy tuan kakaaro tan no panon ka met ya magmaliw ya tuan kaaro. I-play so VIDEO.
Basaen so Proverbio 18:24 tan 27:17, insan ebatan iraya:
-
Panon ya mantutulongan iray tuan sankaaro?
-
Wala ray ontan ya kakaarom? No anggapo ni, panon kan makalmo?
Basaen so Filipos 2:4, insan ebatan iya:
-
Pian makalmoy maong ya kakaaro, kailangan maong ka met ya kaaro. Panon ey?
Pian makalmoy maong ya kakaaro, kailangan maong ka met ya kaaro
IBABAGA NA ARUM: “Anggan siopa lad ta’y kaarom basta wala.”
-
Antoy ibagam ey?
SUMARYO
No pilien tayon maong so pikaaroan tayo, napaliket tayo si Jehova tan sikatayo lanlamang so nagunggonaan.
Rebyu
-
Akin et importante ed si Jehova no siopa ray pikaaroan tayo?
-
Siopa ray agtayo pikaaroan?
-
Panon mon naka-close iray maong ya pikaaroan?
DISKOBRIEN
Amtaen no panon ya makatulong iray tuan kakaaro diad mair-irap ya panaon.
“Paeleten so Bedber na Pankakaaro Antis ya Onsabi so Anggaan” (Say Panag-bantayan, Nobyembre 2019)
Amtaen iray makatulong pian makalmoy tuan kakaaro.
Anto ray dapat mon naamtaan no mikaaro ka online?
Diad istorya ya say title to et “Labalabay Koy Nawalaan na Ama,” amtaen no akin ya nandesisyon so sakey ya laki ya salatan iray kakaaro to.
“Uumanen na Biblia so Bilay” (Say Panag-bantayan, Abril–Hunyo 2012)
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
