چنگے دوست ساڈے بوہت کم آندے نیں۔ اوہ چنگے ویلے چ ساڈیاں خوشیاں ودھاندے نیں تے اوکھے بھارے ویلے چ سانوں حوصلہ دیندے نیں۔ پر بائبل چ دَسیا گیا اے کہ ہر دوست چنگا نئیں ہوندا۔ فیر اَسی چنگے دوست کیویں بنا سکنے آں؟ آؤ ایس بارے کجھ سوالاں تے غور کرئیے۔‏

1.‏ تواڈے دوستاں دا تواڈے تے کیہو جیہا اثر ہو سکدا اے؟‏

اَسی اوہناں لوکاں ورگے بننا چاہنے آں جنہاں نال اَسی بیہنے کھلونے آں۔ ایہدا سانوں فائدہ وی ہو سکدا اے تے نقصان وی فیر بھانویں اَسی اوہناں نُوں ملئے یاں فیر اِنٹرنیٹ دے ذریعے اوہناں نال وقت گزارئیے۔ بائبل چ دَسیا گیا اے کہ جیہڑا دَنا لوکاں نال چلدا اے اوہ دَنا بنے گا، پر بے‌وقوفاں نال چلن والا ہلاک کیتا جائے گا۔‏ (‏امثال 13:‏20‏)‏ جے تواڈے دوست یہوواہ دی عبادت کردے نیں تے اوہنوں پیار کردے نیں تے فیر اوہ تواڈی وی مدد کرن گے تاکہ تُسی یہوواہ دے نیڑے رہوو تے اپنی زندگی چ صحی فیصلے کرو۔ پر جے تُسی کلیسیا توں باہر لوکاں نال دوستی کیتی ہوئی اے تے اوہ توانوں یہوواہ توں دُور کر سکدے نیں۔ ایسے لئی بائبل چ نصیحت کیتی گئی اے کہ اپنے دوست سمجھ‌داری نال چُنو۔ جے اَسی یہوواہ نال پیار کرن والے لوکاں نال دوستی کراں گے تے ایہدا سانوں وی فائدہ ہوئے گا تے اوہناں نُوں وی۔ اَسی اِک دُوجے نُوں تسلی دین دے قابل ہونواں گے تے اِک دُوجے دا حوصلہ وی ودھا سکاں گے۔—‏1-‏تھسلُنیکیوں 5:‏11‏۔‏

2.‏ یہوواہ نُوں خوش کرن لئی سانوں کیہو جہے لوکاں نال دوستی کرنی چاہی دی اے؟‏

یہوواہ خدا اپنے دوست بڑے دھیان نال چُن دا اے۔ پاک کلام چ دَسیا گیا اے کہ راستباز لوک اوہدے رازدار نیں یعنی اوہدے دوست نیں‏۔‏ (‏امثال 3:‏32‏)‏ جے اَسی ایہو جہے لوکاں نال دوستی کراں گے جیہڑے یہوواہ نُوں پیار نئیں کردے تے اوہ خوش نئیں ہوئے گا۔ (‏یعقوب 4:‏4 نُوں پڑھو۔)‏ پر جے اَسی بھیڑے لوکاں توں دُور رہواں گے تے یہوواہ تے اوہدے نال پیار کرنے والے لوکاں دے نیڑے رہواں گے تے یہوواہ خوش ہوئے گا تے ساڈا دوست بنے گا۔—‏زبور 15:‏1-‏4‏۔‏

 ہور سوچ‌وچار لئی

4.‏ اوہ لوک وی ساڈے چنگے دوست ثابت ہو سکدے نیں جیہڑے ساڈے توں فرق نیں

بائبل چ داؤد تے یونتن دا ذکر کیتا گیا اے جیہڑے پرانے زمانے چ اِسرائیل چ رہندے سن۔ اوہناں دِیاں عمراں تے حیثیت چ بڑا فرق سی۔ پر فیر وی اوہ اِک دُوجے دے پکے دوست سن۔ 1-‏سموئیل 18:‏1 نُوں پڑھو تے فیر ایس سوال تے گل بات کرو:‏

• ایہہ کیوں ضروری نئیں کہ ساڈے دوست ساڈی عمر یاں حیثیت دے ای ہون؟‏

رومیوں 1:‏11، 12 نُوں پڑھو تے فیر ایس سوال تے گل بات کرو:‏

• یہوواہ نال محبت کرن والے دوست اِک دُوجے دا حوصلہ کیویں ودھاندے نیں؟‏

ایس ویڈیو چ ویکھو کہ کیویں اِک نوجوان نُوں چنگے دوست مِلدے نیں۔ ویڈیو چلاؤ تے فیر ایہناں سوالاں تے گل بات کرو:‏

• عقیل سکول چ جیہو جہے دوست بنا رہیا سی، اوہدے بارے اوہدے ماں پیو فکرمند کیوں سن؟‏

• عقیل نُوں شروع شروع چ اپنے سکول دے دوست چنگے کیوں لگے؟‏

• عقیل کلّا محسوس کردا سی، پر اوہدا ایہہ مسئلہ کیویں حل ہویا؟‏

 5.‏ اَسی چنگے دوست کیویں بنا سکنے آں؟‏

 خلاصہ

جدوں اَسی سوچ‌سمجھ کے دوست بنانے آں تے یہوواہ خوش ہوندا اے تے سانوں وی فائدہ ہوندا اے۔‏

دہرائی

• یہوواہ کیوں چاہندا اے کہ اَسی سوچ‌سمجھ کے دوست بنائیے؟‏

• سانوں کیہو جہے لوکاں نال دوستی نئیں کرنی چاہی دی؟‏

• تُسی چنگے لوکاں نال پکی دوستی کیویں کر سکدے او؟‏