Kompoakepatail keren kan kak kansenamwahwih kitail ni ahnsou mwahu oh kakehlaka kitail ni ahnsou apwal akan. Ahpw Paipel katamankihong kitail me kaidehn koaros kak wia kompoakepah mwahu. Eri ia duwen omw kak pilada kompoakepahmw mwahu kan? Medewe peidek pwukat.

1. Dahme kompoakepahmw kan me ke pilada pahn wiahiong uhk?

Kitail kin duwehla aramas akan me kitail kin patehng. Met kak mwahu de suwed​—sohte lipilipil ma kitail kin patehng irail ni atail tuhwong irail de nan internet. Duwehte me Paipel mahsanih, “ma ke pahn padahngki mehkot sang rehn me loalokong kan, ke pahn pil loalokongla. A ma ke pahn kompoakepahnki me pweipwei kan [irail akan me sohte poakohng Siohwa], ke pahn ohkihla.” (Lepin Padahk 13:20) Kompoakepahnki irail kan me kin poakohng oh kaudokiong Siohwa kak seweseiuk en karanihte ih oh wiahda pilipil mwahu kan. Ahpw en wiahki kompoakepahmw aramas akan likin mwomwohdiso kak kadohwanuhkasang Siohwa. Ihme kahrehda Paipel kin kangoange kitail en pilada mwahu kompoakepatail kan! Ma kompoakepatail kan kin poakohng Koht, met pahn mwahuong kitail oh pil irail. Pwe kitail kak “kangkangoange oh kangkakehlailih emenemen.”​—1 Deselonika 5:11.

2. Ia sapwellimen Siohwa pepehm duwen omw pahn pilada kompoakepahmw kan?

Siohwa kin ketin pilada kompoakepah kan ni keneinei. “E kin ketin kompoakepahnki me pwung kan.” (Lepin Padahk 3:32) Ia pahn sapwellimen Siohwa pepehm ma kitail pilada en kompoakepahnki irail kan me sohte kin poakohng ih? E uhdahn pahn ketin kupwurtoutoukihla! (Wadek Seims 4:4.) Ahpw, Siohwa pahn ketin kupwurperenki oh pilada en wia kompoakepatail ma kitail kin soikala werek suwed oh karanihala ih oh irail kan me kin poakohng ih.​—Melkahka 15:1-4.

 KALAUDEHLA OMW ESE MET

4. Aramas akan me weksang kitail kak wia kompoakepatail mwahu

Paipel mahsanih ohl riemen nan Israel mahso, Depit oh Sonadan. Ara sounpar oh irair uhdahn wekpeseng; ahpw, ara nanpwungmwahu uhdahn keren. Wadek 1 Samuel 18:1, oh mwuri koasoiapene peidek wet:

• Ia duwen ire wet eh kasalehda me kitail sohte anahne kompoakepahnkihte aramas me ar sounpar de irair duwehte atail?

Wadek Rom 1:11, 12, oh mwuri koasoiapene peidek wet:

• Ia duwen kompoakepah kan me kin poakohng Siohwa ar kak kangoangpene?

Nan kisin kasdo wet, kilang duwen brother pwulopwul men eh diarada kompoakepah kan nan wasa me e sohte kasik. Kilang KISIN KASDO, oh mwuri koasoiapene peidek pwukat.

• Dahme kahrehda en Akil pahpa nohno pwunodki kompoakepah kan nan sukuhl?

• Dahme kahrehda e men kompoakepahnki irail nin tapio?

• Ia duwen eh kak powehdi eh pepehm en sangat?

 5. Ia duwen omw kak wiahda kompoakepahmw mwahu kan

 DAHME KE SUKUHLKIER

Ni atail kin pilada mwahu kompoakepatail kan, kitail kin kaperenda Siohwa oh met pahn wia kamwahupatail.

Kousapahl

• Dahme kahrehda atail pilada kompoakepatail kan kesempwal ong Siohwa?

• Soangen aramas dah kan me kitail en dehr kompoakepahnki?

• Ia duwen omw kak wiahda nanpwungmwahu kehlail rehn aramas akan me kin poakohng Siohwa?