Amigus intimu ta judanu sedu filis na bon tempu. E ta danu forsa na tempus difisil. Ma Biblia avisanu di kuma i ka tudu jintis ki bon amigu. Pa kila, kuma ku bu pudi kuji bon amigus? Jubi purguntas ku sta li.

1. Kuma ku amigus ku bu kuji pudi lebau na fasi ben o mal?

Si no ta pasa manga di tempu ku sertus jintis, pesualmenti o atraves di redi sosial, no komportamentu ku no manera di pensa na sedu suma di selis. Suma ku Biblia fala, “si bu yanda ku jiru bu na sedu jiru, ma kumpañer di tulus [kilis ku ka ama Jeova] i na sufri danu.” (Ditus 13:20) Amigus ku ama Jeova i ku ta adoral, pudi judau pertusi del i toma bon disisons. Ma, tene amizadi intimu ku kilis ku ka ama Jeova pudi lunjusinu del. E ku manda, Biblia nsentivanu pa no kuji no amigus ku jiresa! Ora ku no amigus sedu jintis ku ama Deus, e na judanu fasi ke ki i bon i anos no na juda elis tambi fasi ke ki i bon. Asin, no na pudi ‘da n̈utru koraẑen i juda n̈utru’. — 1 Tesalonisensis 5:11.

2. Kuma ku Jeova ta sinti ku amigus ku no kuji?

Jeova ta kuji si amigus diritu. I tene amizadi intimu ku “kilis ku tene korson di bardadi.” (Ditus 3:32) Kuma ku Jeova na sinti si no kuji amigus ku ka amal? I na fika tristi dimas! (Lei Tiagu 4:4.) Pa utru ladu, Jeova na kontenti, i na setanu suma si amigus, si no nega mau kumpañerasku, no pertusi del i no pertusi di kilis ku amal. — Salmu 15:1-4.

 APRINDI MAS

4. Jintis ku sedu diferenti di nos pudi sedu no bon amigus

Biblia fala di dus omi na antigu Israel, ku sedu Davi ku Jonatan. Jonatan mas Davi garandi, i seduba fiju di rei, ma e seduba bon amigus. Lei 1 Samuel 18:1, dipus bo kombersa aserka des purguntas:

• Ke ku manda no amigus ka dibi tene sempri mesmu idadi ku nos o mesmu nivel sosial?

Lei Romanus 1:11, 12, dipus bo kombersa aserka des purgunta:

• Kuma ku amigus ku ama Jeova ta fortifika o nkoraẑa n̈utru?

Nes video, jubi kuma ku un ermon joven oja amigus na un kau ki ka spera. Mostra VIDEO, dipus bo kombersa aserka des purguntas:

• Na video, ke ku manda pape ku mame di Akil staba preokupadu ku si amizadi na skola?

• Na kumsada, ke ku manda i gostaba di tene ki amizadi ku kolegas na skola?

• I ta sintiba kuma i sta el so, ma ke ki judal?

 5. Kuma ku bu pudi tene bon amizadis

 RUSUMU

Ora ku no kuji no amigus ku jiresa, no ta kontenta Jeova i no ta benefisia no kabesa.

Rekapitulason

• Ke ku manda no skolia di amigus i importanti pa Jeova?

• Kal tipu di jintis ku no ka dibi di kuji suma amigus?

• Kuma ku bu pudi tene amizadi forti ku bon jintis?