Ri utz taq achiʼl kkibʼano che kqanaʼ nimalaj kikotemal. Y rukʼ ri kitobʼanik ksach ri bʼis che kqanaʼo. Are kʼu ri Biblia kubʼij che konojel ta ri winaq e utz taq achiʼl. Rumal laʼ, ¿jas kqabʼan che kichaʼik ri qachiʼl? Chqilaʼ jujun preguntas.

1. ¿Jas kkibʼan ri awachiʼl pa ri akʼaslemal?

Chiʼ más naj tiempo kojkʼojiʼ rukʼ jun winaq wariʼ kubʼano che kqabʼan qe ri kubʼano. Y kkʼulmataj wariʼ paneʼ xaq pa redes sociales kojtzijon wi rukʼ ri winaq. Rumal laʼ ri Biblia kubʼij: «Chawukʼaj awibʼ kukʼ ri ajnoʼjabʼ kariq kʼu na anoʼj chawukʼaj awibʼ kukʼ ri man kʼo ta kinoʼj [winaq che kepatanin ta che ri Jehová] kkisachisaj kʼu na awach» (Proverbios 13:20). Ri achiʼl che kkiloqʼoqʼej y kkipatanij ri Dios kojkitoʼo rech más kojqebʼ rukʼ ri Jehová y rech utz kqabʼan che uchaʼik ri kqaj kqabʼan pa ri qakʼaslemal. Are kʼu, we amaqʼel keqachilaj winaq che e kʼo ta pa ri congregación, wariʼ kubʼano che kqaya kan upatanexik ri Jehová. Rumal laʼ ri Biblia kubʼij chqe che utz chqabʼanaʼ che kichaʼik ri qachiʼl. Are chiʼ ri qachiʼl kkiloqʼoqʼej ri Dios, kuya utzilal chqe xuqujeʼ chke ri e areʼ. Y je wariʼ kojkunik kqanimaj wajun pixabʼ riʼ: «Chikuʼbʼisalaʼ ikʼuʼx, chiyalaʼ ichuqʼabʼ, jas ri ktajin kibʼano» (1 Tesalonicenses 5:11).

2. ¿Jas kuchomaj ri Jehová chkij ri qachiʼl che keqachaʼo?

Ri Jehová utz kubʼan che kichaʼik ri rachiʼl. Ri areʼ «kpe kʼu che jeqelem [kkʼojiʼ jun utzalaj rachilanik] kukʼ ri e sukʼ» (Proverbios 3:32). ¿Jas kunaʼ riʼ ri Jehová chiʼ keqachilaj ri winaq che kkipatanij taj? ¡Sibʼalaj kbʼison riʼ! (Chasikʼij Santiago 4:4). Are kʼu, we keqaxutuj ri itzel taq achilanik más kojqebʼ rukʼ ri Jehová y kukʼ ri keloqʼoqʼen che, ri areʼ kkikotik y kuyaʼo che kojux rachiʼl (Salmo 15:1-4).

 CHANIMARISAJ RI AWETAʼMANIK

4. Kojkunik keqariq utz taq qachiʼl paneʼ e junam ta qukʼ

Ri Biblia kchʼaw chrij ri David y ri Jonatán, e kebʼ achijabʼ re ri ojer Israel. Paneʼ junam ta ri kijunabʼ y ri kibʼanik xkʼojiʼ jun utz achilanik chkixoʼl. Chisikʼij 1 Samuel 18:1 y chixtzijon chrij wariʼ:

• ¿Jasche rajawaxik taj che junam ri qajunabʼ o ri qabʼanik kukʼ ri e qachiʼl?

Chisikʼij Romanos 1:11, 12 y chixtzijon chrij wariʼ:

• ¿Jas kkibʼan ri utz taq achiʼl che kkiloqʼoqʼej ri Jehová che uyaʼik kichuqʼabʼ chbʼil taq kibʼ?

¿Jawchiʼ keqariq wi utz taq qachiʼl? Chqilaʼ ri xubʼan jun ala. Chiwilaʼ ri VIDEO y chixtzijon chrij wariʼ:

• ¿Jasche utz ta xkil ri utat unan Akil ri rachiʼl che xeʼuriq pa ri escuela?

• ¿Jasche Akil utz xeril ri achilanik riʼ?

• ¿Jas xubʼano rech xunaʼ taj che xaq utukel kʼolik?

 5. ¿Jas kqabʼan che kiriqik ri utz taq achiʼl?

 RI XQETAʼMAJ

Are chiʼ utz kqabʼan che kichaʼik ri qachiʼl, kqariq utzilal pa ri qakʼaslemal y kqaya kikotemal che ri Jehová.

¿La knaʼtaj chawe?

• ¿Jasche ri Jehová kraj che utz kqabʼan che kichaʼik ri qachiʼl?

• ¿E jachin taq riʼ ri achiʼl rajawaxik keqaxutuj?

• ¿Jas rajawaxik kabʼano rech kʼo jun utz awachilanik kukʼ ri winaq che kkipatanij ri Jehová?