Ali amigogunahua asha ali pasaushcai mas cushiyanchi. Shinallara turmindus pasaushcai ñucanchira yanapanun. Biblia ninmi mana tucui runauna ali amigo an nisha. Shinajpi ¿imasnara camba amigogunara ajllana ushangui? Catij tapuigunara ricui.

1. ¿Imasnara camba amigoguna yanapana o pandachina ushanun?

Amigogunahua ashca timpu pasasha paiguna cuinta tucuna ushanchi, paiguna alira rurangahua yanapanun o huaquimbi pandachina ushanun. Casna pasan paigunahua tupanusha cuintanuna o internetpi amigogunahua cuintanunas. Chiraigu Biblia nin: “Sabiru runaunahua purij runa sabirumi tucunga, shinajpis mana casujcunahua [Diosta mana llaquij runaunahua] purij runa manali tucungami” (Proverbios 13:20). Jehová Diosta llaquij, aduraj amigoguna canda yanapana ushanun Jehová Diospajma mas llutaringaj, ali ajllanaras ajllangahua. Shinajpis Jehová Diosta mana llaquij amigogunahua mas apanunushaga Jehovamanda canda caruyachinga. Chiraigu ñucanchi amigogunara ali ajllachu Biblia yachachin ñucanchi amigogunas Jehová Diosta llaquinujpi parijumanda yanapanuna ushanchi. Casnami: “Cangunapura animarichi, shinzhiyaichi” mandashcara casunchi (1 Tesalonicenses 5:11).

2. Can manali amigogunara charijpi ¿imasnara Jehová Dios sintiringa?

Jehová ali ajllan paihua amigogunara. Pai “ali runaunahua amigo tucun” (Proverbios 3:32). ¿Imasnara Jehová sintiringairi paita mana llaquijcunahua can purijpi? ¡Llaqui sintiringa! (Leai Santiago 4:4). Astaumbas manali amigogunahua shu rai mana apanunusha, Jehovama, paita llaquijcunama mayanllajpi pai cushiyangami shinallara ñucanchi amigo tucunga (Salmo 15:1-4).

 MAS YACHAI

4. Mana ñucanchi cuinta ajcunahuas ali amigo tucuna ushanchi

Biblia cuintanmi ñaupa timpu Israelbi causaj Davidmanda, Jonatanmandas. Caran tunu causaira charishas, Jonatán Davidmanda mas rucu ashas ali amigoguna anuca. Leaichi 1 Samuel 18:1, huasha catij tapuimanda rimaichi:

• ¿Imarasha mana ministirin camba amigoguna can cuinta huatayuj achu can cuinta charishcaunaras charichumbas?

Leaichi Romanos 1:11, 12, huasha catij tapuimanda rimaichi:

• ¿Imasnara Jehová Diosta llaquij amigoguna parijumanda animarinun?

¿Imasnara shu malta runa ali amigogunara tupaca? VIDEORA ricuichi, huasha catij tapuigunamanda rimaichi:

• ¿Imarasha huauqui Akilba yayauna preocuparinuca Akil escuelamanda amigogunara charijpi?

• ¿Imarasha huauqui Akil amigogunara charingaj munaca?

• ¿Imara rurarca mana sapalla sintiringaj?

 5. ¿Imasnara ali amigogunara tupana ushanchi?

 IMARA YACHASHCANGUI

Ali amigogunara ajllasha ali causanchi, Jehová Diostas cushiyachinchi.

Iyaringaj

• ¿Imarasha Jehová ñucanchi ali amigogunara charichu munan?

• ¿Ima tunu amigogunamanda caruyana anchi?

• ¿Imasnara ali amigogunara charina ushanchi?