LECCIÓN 48
Amigocunata agllagrijushpaca ali alimi ricuna capangui
Ali amigocunahuanga ashtahuan cushillami yalita usharin. Shinallata ima problemacunata charishpapash ama yapata llaquiyachunmi ayudan. Pero cuidadotami charina capanchi. Bibliapica na tucuicunachu ali amigocuna caita ushanllu ninmi. Shinaca ¿imashinata quiquinba amigocunataca agllaita ushapangui? Cashna tapurinami ayudanga.
1. Ñucanchi amigocunaca ¿imashinata ñucanchi causaipica afectanman?
Internetpi cashpa o ñavi ñavi cashpa si ñucanchi amigocunahuan ashtaca tiempota yalishpaca tiempohuanga paicunashnallatami comportari callarinchiman. Imashinami Bibliapica nin: “Alipacha yachajushca runacunahuan tandanajuj runaca, alipacha yachajushcami canga. Ashtahuangarin [Jehovata na juyaj] shinlli shungu runacunahuan tandanajuj runaca, ninandami llaquichi tucunga” (Proverbios 13:20). Jehovata juyaj, sirvij amigocunaca paipaman ashtahuan quimirichunmi ayudanga. Shinallata imagutapash ali decidichunmi ayudanga. Shinapash Jehovata na sirvij amigocunahuan ashtahuan tiempota yalijpica paicunaca Jehovamandami caruyachinga. Chaimandami Bibliapica amigocunata ali ali ricushpa agllachun consejan. Jehovata juyaj amigocunahuan tandanajushpaca tucuicunallatami ali caita ushapashun. Shina rurashpaca “caishuj chaishuj animarishpa, ayudarishpa catina capanguichi” nishca consejotami pactachinajushun (1 Tesalonicenses 5:11).
2. ¿Jehová Diosca quiquin ima laya amigocunata charijtaca ricujunllu?
Jehová Diosca picunalla paipa amigo canataca ali alimi agllan. Paica ‘alita rurajcunapallami, ali cumbagu tucun’ (Proverbios 3:32). Shinapash paita na juyajcunahuan llevarijta Jehová Dios ricushpaca ¿imashinashi sintirin? Jehová Diosca ninandami llaquiyan (Santiago 4:4, liipangui). Shinapash nali amigocunata saquishpa paiman ashtahuan quimirijpi y paita juyajcunahuanlla tandanajujpica Jehová Diosca ninandami cushijunga. Y paipashmi ñucanchi amigo tucunga (Salmo 15:1-4).
ASHTAHUAN YACHAJUPASHUNCHI
Cunanga ñucanchi amigocunata imamanda ali ali ricushpa agllana cashcatami ricugripanchi. Shinallata ali amigocunata imashina mascanatami yachajugripanchi.
3. Nali cumbacunamanda cuidaripangui
Nali amigocunaca Jehová Diostaca na juyanllu. Shinallata paipa leycunatapash na cazunllu. VIDEOTA ricushpa, cai tapuita contestapangui:
-
Nali cumbacunahuan llevarinajushcataca ¿imamandata na cuenta japipanchiman?
1 Corintios 15:33ta liishpa, cai tapuicunata contestapangui:
-
Quiquinbaca ¿picunallata nali cumbacuna caita ushan? ¿Imamandata shina nipangui?
Salmo 119:63ta liishpa, cai tapuita contestapangui:
-
¿Imashina amigocunatata mascana capangui?
Shuj manzana ismushca cashpaca, shuj manzanacunapashmi ismuita ushan. Y quiquindaca ¿imashinashi nali amigocunata charinaca afectanga?
4. Diferente gentecunahuanbashmi ali amigo caita ushapanchi
Bibliapica David y Jonatanmandami parlan. Davidhuan ricujpica Jonatanga ashtahuan mayormi carca. Paicunapa causaipash diferentemi carca. Shina cashpapash paicunaca alipacha amigocunami carca. 1 Samuel 18:1ta liishpa, cai tapuita contestapangui:
-
Ñucanchi amigocunaca ¿ñucanchi edadtallata, pobrella o charijchu cana can?
Romanos 1:11 y 12ta liishpa, cai tapuita contestapangui:
-
Jehovata juyaj amigocunaca ¿imashinata randimanda animarin?
Cai cati videopica, shuj joven huauquigu imashina shuj alipacha amigota tarishcatami ricupangui. VIDEOTA ricushpa, cai tapuicunata contestapangui:
-
Jorgepa taitacunaca ¿imamandata colegiopi charishca amigocunamandaca preocuparirca?
-
Jorgeca ¿imamandata chai amigocunahuan llevari callarirca?
-
Jorge ama sololla sintiringapaca ¿imatata rurarca?
5. Ali amigocunata charingapaj esforzaripashunchi
Ali amigocunata imashina tarinata, shinallata quiquinbash imashina ali amigo cana cashcatapash yachajupai. VIDEOTA ricupai.
Proverbios 18:24 y 27:17ta liishpa, cai tapuicunata contestapangui:
-
Ali amigocunaca ¿imashinata randimanda ayudarin?
-
¿Proverbios libropi parlashca amigocunatashna charipanguichu? Talvez na charishpaca, shina amigocunata charingapaca ¿imatata rurana capangui?
Filipenses 2:4ta liishpa, cai tapuita contestapangui:
-
Ali amigocunata charingapaca ñucanchicunapashmi ali amigocuna cana capanchi. ¿Imashinashi ali amigo caita ushapangui?
Ali amigocunata charingapaca, quiquinrami ali amigo cana capangui.
HUAQUINGUNACA, “Amigocunata agllajushpa yapa exigente cashpaca, amigocunataca nunca na charishunllu” ninmi.
-
¿Quiquinga imatata nipanguiman?
YARINGAPAJ
Ali amigocunata agllashpaca, ñucanchillatami ali causaita ushapanchi. Shinallata Jehová Diostapashmi cushichipashun.
¿Imatata yachajupashcanchi?
-
¿Jehová Diosca imamandata amigocunataca ali ali agllachun munan?
-
¿Picunahuanda na amigo tucuna capanchi?
-
Quiquinba ali amigocunahuanga ¿imashinata ashtahuan ali llevarita ushapangui?
CAITAPASH RICUPAI
Llaqui tiempocunapi ali amigocuna imashina ayudajta ricupai.
“Cunanmandallata ali amigocunata charipashunchi” (Villajun revista, noviembre de 2019)
Ali amigo cangapaj, ali amigocunata agllangapaj huaquin consejocunata ricupai.
Internetpilla amigocunata charinaca ¿alichu can?
“Taitata charingapami munarcani” nishca experienciapi shuj mishugu imamanda mushuj amigocunata mascashcata liipai.
“Bibliami gentecunapa causaita cambiashca” (Villajun revista, 1 de abril de 2012)
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
