Ka akatupu te au oa piri vaitata i te mataora kia tatou i te au tuatau meitaki, e te akamaroiroi anga i te au tuatau taitaia. Inara te akamatakite maira te Pipiria ia tatou kare te katoatoa i te au oa tau. Akapeea koe me iki meitaki i te au oa tau? Akamanako i te au uianga ka aru mai.

1. Akapeea toou au oa me akakeu ia koe?

Ka aite rai tatou mei te aronga e piri ua ana tatou. Ka tupu te meitaki me kore te kino​—me akapou maata tatou i te tuatau kia ratou me kore ki runga i te social media. Karanga te Pipiria, “ko tei kapiti katoa i tona aerenga ki to te aronga pakari ra, ka pakari katoa ïa: ko tei kapiti ra ki te aronga neneva [aronga kare e inangaro ia Iehova] ra, e mate ïa.” (Maseli 13:20) Te au oa tei inangaro e te akamori ia Iehova ka tauturu ratou ia koe kia akavaitata kiaia e te iki i te au ikianga meitaki. Kareka te au oa vaitata kare i roto i te putuputuanga ka akakeu ia tatou kia akamamao mei ia Iehova. No reira te Pipiria i akamaroiroi ei ia tatou kia iki meitaki i te au oa tau! Me e au oa tei inangaro ia Iehova, ka puapingaia tatou e ratou katoa. Ka tupu te “akapumaana [anga] tetai ki tetai, e akatupu i te meitaki tetai ki tetai.”​—1 Tesalonia 5:11.

2. Eaa to Iehova manako i toou au oa?

Kua iki meitaki a Iehova i tona au oa. “Tei te aronga tuatua-tika ra tana muna.” (Maseli 3:32) Eaa to Iehova manako me iki tatou i te au oa kare e inangaro ana iaia? Ka maromaroa aia! (E tatau ia Iakobo 4:4.) I tetai tua, ka mareka a Iehova e ka iki ia tatou ei au oa nona, me kopae tatou i te kapiti ki te aronga kikino e kia akavaitata kiaia e te aronga tei inangaro iaia.​—Salamo 15:​1-4.

 KIMI OONU

4. Ka riro tetai aronga ke ei oa meitaki no tatou

Te akakite maira te Pipiria no Davida e Ionatana, e nga tangata Iseraela i taito. Tuke to raua mataiti e te tupuanga; noatu te reira kua riro raua ei oa piri vaitata. E tatau ia 1 Samuela 18:1, e oti uriuri i teia uianga:

• Eaa te tumu kare e anoanoia to tatou au oa kia aiteite te mataiti e te tupuanga?

E tatau ia Roma 1:​11, 12, e oti uriuri i teia uianga:

• Akapeea te au oa tei inangaro ia Iehova me akamaroiroi i tetai e tetai?

I roto i teia vitio, akapeea te taeake mapu i te akatupu anga i tetai pirianga oa ki tetai. Akatangi i te VITIO, e oti uriuri i te au uianga ka aru mai.

• I roto i te vitio, eaa te tumu i manata ei te nga metua o Akil i tona au oa i te apii?

• Eaa tei akakeu iaia kia piri kia ratou?

• Eaa tana i rave kia akakore i tona tu maromaroa?

 5. Me akatupu i te pirianga oa meitaki

 APIIANGA

Me iki tatou i te au oa meitaki, ka akamareka tatou ia Iehova e ka puapingaia tatou.

Uriurianga

• Eaa a Iehova ka inangaro ei i te kite i toou au oa?

• Eaa te au tu oa ka kopae tatou?

• Akapeea koe me akamatutu i toou pirianga oa ki te aronga tu meitaki?