Bann kamarad : nou ièm pas bann bon moman èk zot é nou koné osi, ke nou pe kont su zot kan nout moral lé atèr. La Bib i koz su lamitié. Li ankouraj anou bien choizi nout bann kamarad. Alon voir sak li di.

1. Poukosa i devré èt inportan pou nou bien choizi nout bann kamarad ?

Afors pas le tan avèk in moun, nou va fini par resanm ali, an bien ou an mal. Sa lé osi vré, si nou frékant domoun su bann rézo sosial. Kom la Bib i di, « sak i march èk lé saj va ni saj, mé sak i frékant bann moun stupid [sétadir sak i ièm pa Jéova] va mal tourné » (Provèrb 13:20). Bann kamarad ki ièm Jéova i pe èd anou rès kosté koté li é pran bann bon désizion. In not koté, bann kamarad ki ièm pa Jéova, i risk fé éloign anou de li. Donk, bien choizi son bann kamarad lé inportan ! Si nout bann kamarad i ièm Jéova, zot nora in bon linfluans su nou é nout lamitié i sra pou zot in bénédiksion. Pou reprann in lésprésion biblik, ‘nou va ankouraj anou inn é lot é nou va rann anou plu for inn é lot’ (1 Tésalonisien 5:11).

2. Poukosa bien choizi nout bann kamarad lé inportan pou Jéova ?

Jéova i choizi pa ninport ki pou èt son kamarad. « Li devien le plu proch kamarad bann domoun ke lé droit » (Provèrb 3:32). Kosa Jéova va resanti, si nou choizi pou kamarad bann domoun ke i sèrv pa li ? Lé sur, li sra désu (lir Jak 4:4). Mé Jéova i sra kontan si nou rejèt bann mové frékantasion é ke nou kos koté li é sak i ièm ali. Li va choizi anou pou fé parti son bann kamarad ! (Psom 15:1-4).

 ALON APRANN PLUS

4. In moun ke lé tré diféran de nou, i pe ni nout kamarad

La Bib i koz su le joli lamitié ant David é Jonatan. Pourtan, na inn té bèrjé é lot té garson le roi. Ant lé 2, lavé in gran diférans laj. Lir 1 Samuèl 18:1 é koz su bann késtion la :

• Èske nout bann kamarad i doi avoir le mèm laj ke nou oubien le mèm nivo sosial ? Poukosa ?

Lir Romin 1:11, 12 é koz su késtion la :

• Koman 2 kamarad ki ièm Jéova, i ankouraj azot inn é lot ?

Pou voir koman in jeun frèr la fé kamarad avèk in moun plu ajé ke li, gard le VIDÉO. Aprésa, koz su bann késtion ki vien apré.

• Poukosa bann paran Akil té trakasé ?

• Poukosa li la rod fé kamarad èk detroi jeun dan son lékol ?

• Kosa la èd ali pu santi ali touseul ?

 5. Trouv in vré lamitié

 SAK NOU LA APRANN

Si nou choizi bien nout bann kamarad, nou nora bonpe kontantman é nou nora la bénédiksion Jéova.

Alon révizé

• Poukosa bien choizi nout bann kamarad lé inportan pou Jéova ?

• Kèl lamitié i pouré donn anou traka ?

• Koman trouv bann vré kamarad ?