O šukar amal tano uvek amencar. Ov radujini pe amencar ked ovela diso šukar hem othe tano ked nakhaja disavo pharipe. Ama, i Biblija phenela so našti svako te ovel šukar amal. Sar šaj te đane ko šaj te ovel to šukar amal? Razmislin ando akala pućiba.

1. Sar okola kas birineja te oven te amala utičinena upro tute?

Amen mangaja te ova sar o manuša kolencar družinaja amen. Bilo te družina amen olencar lično ja prekalo internet, on šaj te utičinen upro amende šukar ja lošno. Sar so i Biblija phenela: „Ko družini pe e mudro manušencar, ka ovel mudro, a ko isi le buti e dilinencar [okolencar kola na mangena e Jehova] lošno ka nakhel“ (Poslovice 13:20). O amala kola mangena e Jehova hem služinena olese, šaj te pomožinen tut te aćhove paše oleja hem te ane šukar odluke. Ama, ako te amala na mangena e Jehova, on šaj te ciden tut olestar. Odolese, i Biblija phenela amenđe mudro te birina ko ka ovel amaro amal. Ako amare amala mangena e Devle, on šukar ka utičinen upro amende, ama hem amen upro olende. Tegani, šaj jekh jekhe te ohrabrina hem jekh jekhese te pomožina (1. Solunjanima 5:11).

2. Sar odova kas tu birineja te ovel to amal utičini upro Jehova?

O Jehova pazini kas birini te ovel oleso amal. Ki Biblija pisini soj tano ov „amal okolencar kola isi len iskreno vilo“ (Poslovice 3:32). Sar bi o Jehova osetini pe ked bi amen družinaja amen okolencar kola na mangena le? Odova bi but dukhavi le! (Čitinen Jakovljeva 4:4.) Ama, ako cidaja amen ando lošno društvo hem ako hijam paše okolencar kola mangena le, o Jehova ka ovel but bahtalo hem ka birini amen te ova olese amala (Psalam 15:1-4).

 SIKLJOV POBUTER

4. O manuša kola tane averćhane amendar šaj te oven šukar amala

I Biblija phenela so o David hem o Jonatan hine but šukar amala, iako o David hine but poterno ando Jonatan. Isto ađahar, o Jonatan hine e kraljeso ćhavo, a o David hine pastiri, ama odova na ćhinavđa len te oven šukar amala. Čitinen 1. Samuilova 18:1, hem palo odova vaćeren ando akava pućibe:

• Da li amaro amal valjani te ovel samo neko koj tano amare berša ja neko ko živini sar amende?

Čitinen Rimljanima 1:11, 12, hem palo odova vaćeren ando akava pućibe:

• Sar o amala kola mangena e Jehova šaj te ohrabrinen jekh jekhe?

Dikh kola problemija hine le jekh amaro terno phral hem so pomožinđa lese te arakhi pese šukar amalen. Dikhen o VIDEO, hem palo odova vaćeren ando akala pućiba.

• Sose e Akilese roditeljija brininđe pe ked šunđe kasa ov družini pe?

• Sose o Akil manglja te družini pe olencar?

• So pomožinđa lese te arakhi pese šukar amalen?

 5. Sar šaj te arakha amenđe šukar amalen?

 SO SIKLJILJAM

Ked mudro birinaja amare amalen, amen ćeraja e Jehova bahtalo hem odova tano amare šukaripase.

Te ponovina

• Sose tano važno e Jehovase kasa družinaja amen?

• Save manuša na ka oven amare amala?

• Sar šaj te zorjaćere to amalipe okolencar kola mangena e Jehova?