Ο λατσσέ αμαλά κερένα-αμέν πο χαρούμενοι κάνα νακχάσα λατσσές ντα στηρίνενα-αμέν κάνα νακχάσα δύσκολα. Αλλά η Αγία Γραφή βακερέλα αμένγκε ότι νανέ σαρέ ο τζενέ λατσσέ αμαλά. Άρα σαρ μπορίνεσα τι τραμπίνες λατσσέ αμαλέν; Ντικχ ο ερωτήσεις σο ισί πο τελέ.

1. Σαρ κα επηρεάνεν-τουτ ο αμαλά σο τραμπίνεσα;

Νικιόλα αμένταρ τι αβάς σαρ ο τζενέ σο κεράσα λέντζαρ παρέα. Ανταβά μπέκιμ τι ισί εμ λατσσό εμ μπέτι ντα αβέλα-πες είτε κεράσα παρέα πασάλ εκχέ τζενέσαρ είτε αντράλ κατά Ίντερνετ. Η Γραφή βακερέλα: «Οντουβά σο πφιρέλα γκοντιαβέρ τζενέντζαρ κα αβέλ γκοντιαβέρ, αλλά οντουβά σο κερέλα παρέα τζενέντζαρ σο νανέ-λεν γκοντί [οντουλέντζαρ σο να μανγκένα ι Ιεχωβάς] κα τθερέλ μπέτι αποτέλεσμας». (Παροιμίες 13:​20) Άμα αμαρέ αμαλά μανγκένα ντα ντένα λατρεία ι Ιεχωβάς, μπορίνενα τι βοηθίνεν-αμέν τι ατσσάς πασέ κο Ιεχωβά ντα τι λας λατσσέ αποφάσεις. Αλλά άμα κεράσα μπουτ παρέα τζενέντζαρ σο να μανγκένα ι Ιεχωβάς, ανταβά μπορεί τι κερέλ-αμέν τι νασάς ντουρ λέσταρ. Άκ’ σόσκε η Γραφή βακερέλα αμένγκε τι τραμπίνας αμαρέ αμαλέν γκοντιάσαρ! Κάνα αμαρέ αμαλά ισί τζενέ σο μανγκένα ι Ντεβλές, βοηθίντιβασα εμ αμέν εμ βον. Μπορίνασα “τι ενθαρρύνας ο εκ ι γιαβερές ντα τι ντας ζορ ο εκ ι γιαβερές.”​—1 Θεσσαλονικείς 5:11.

2. Κάνα τραμπίνεσα τι αμαλέν, σαρ κα επηρεάνελ ανταβά ι Ιεχωβάς;

Ο Ιεχωβά τραμπίνελα πι αμαλέν μπουτ λατσσές. «Ισί λατσσό αμάλ οντουλέντζαρ σο ισί δίκαιοι». (Παροιμίες 3:​32) Σαρ κα νιωθίνελας ο Ιεχωβά άμα κα τραμπίναας αμαλέν σο να μανγκένα-λες; Κα πφανγκιόλας λέσκο γκι! (Διαβάνεν Ιακώβου 4:4) Οκιά μπάνταρ, άμα να κεράσα μπέτι παρέες ντα τζάσα πο πασέ κο Ιεχωβά ντα κο τζενέ σο μανγκένα-λες, βοβ χαιρίνελα ντα τραμπίνελα-αμέν για τι αβάς λέσκε αμαλά.​—Ψαλμός 15:​1-4.

 ΧΑΝΤΖΟΥΒ ΠΟ ΑΧΟΡΤ

4. Τζενέ σο ισί διαφορετικοί αμένταρ μπορίνενα τι αβέν αμαρέ λατσσέ αμαλά

Η Γραφή βακερέλα ντουέ μουρσένγκε κατά πουρανό Ισραήλ, σο βακερένας λένγκε Δαβίδ ντα Ιωνάθαν. Ο Ιωνάθαν ισινέ μπουτ πο μπαρό κατά Δαβίδ ντα ισινέ τσσαβό ι βασιλιάσκο, αλλά τθερένας εκ μπουτ ζουρανί φιλία. Διαβάνεν 1 Σαμουήλ 18:1 ντα σοράν συζητίνεν ι ερώτηση:

• Σόσκε να χρειαζίντιβελα πάντα αμαρέ αμαλά τι τθερέν ι ίδια ηλικία αμέντζαρ ή τι τζουβντιόν αντικάς σαρ τζουβντιάσα αμέν;

Διαβάνεν Ρωμαίους 1:​11, 12 ντα σοράν συζητίνεν ι ερώτηση:

• Σαρ μπορίνενα τι ενθαρρύνεν ο εκ ι γιαβερές ο αμαλά σο μανγκένα ι Ιεχωβάς;

Ανταλέ βιντεόστε, ντικχ σαρ εκ πφραλ αρακχλάς αμαλέν οτθέ σο να μπεκλεντίνελας-λες. Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

• Σαρ ντικχλάμ κο βίντεος, σόσκε ο ντατ ντα η ντάι ανησυχίνενας για το αμαλά σο τθερέλας ο Ακίλ κο σχολείος;

• Κι αρχή, σόσκε μπεϊντίνελας τι κερέλ παρέα ασακέ τζενέντζαρ;

• Σο κερντάς για τι τσσιναβέλ τι νιωθίνελ κορκορό;

 5. Σαρ τι κερές λατσσέ αμαλέν

 ΧΑΝΙΚ ΛΑΦΙΝΤΖΑΡ

Κάνα τραμπίνασα αμαρέ αμαλέν γκοντιάσαρ, κεράσα ι Ιεχωβάσκο γκι ντα ντικχάσα λατσσιπέ.

Σο Σικλιλάν;

• Σόσκε ισί σημαντικός ι Ιεχωβάσκε σο αμαλέν τραμπίνασα;

• Καλέ τζενέντζαρ δεν πρέπει τι αβάς αμαλά;

• Σαρ κα κερές ζουρανέ φιλίες ι τζενέντζαρ σο μανγκένα ι Ντεβλές;