Le lașe amala bucurin-pe amența cana jial amenghe mișto hai zuriaren-ame cana nachas prin pharimata. Tha i Biblia phenel amenghe că na oricon si iech lașio amal. Cadea că, sar daștis te alosares mișto che amalen? Dich le pușimata cai aven.

1. Sar cheren-tu te aves le amala cai si tut?

Butivar arăsas sar le manușa casa beșas. Cadai buchi daștil te avel lași sau nasul. Chiar cana sam lența fizico sau po interneto, trebul te las sama anda codoia că i Biblia phenel: „Con phirel le goghiaverența va avela goghiaver, tha con cherel-pe amal codolența bi goghiaco [codolența cai ci iubin le Iehovas] îngărela nasul”. (Proverbe 13:20) Le amala cai iubin le Iehovas hai anen lesche închinarea daștin te ajutin-ame te pașioas lestar hai te las lașe decizii. Tha le amala pașarde cai ci iubin le Iehovas daștin te cheren-ame te duriaras-ame lestar. Anda codoia i Biblia zuriarel-ame te avas goghiaver cana alosaras amare amalen. Cana amare amala iubin le Devles, si amen but miștimata vi amen, vi len. Cadea, daisaras ‘te zuriaras-ame vi mai dur iech averes hai te vazdas-ame iech averes’. (1 Tesaloniceni 5:11).

2. So si ando ilo le Iehovasco cana dichel so amala alosares?

O Iehova lel sama mișto sar alosarel pesche amalen. „Codo orta bucuril-pe catar iech amalimos chidino Leia”. (Proverbe 3:32) So avelas ando ilo le Iehovasco dacă alosaras amala cai ci iubin-les? Vo avelas duchado. (Citisaren Iacov 4:4.) Mai but, o Iehova va avela bucurime hai va camela te avas lesche amala dacă duriaras amendar le amalen nelașe hai pașioas lestar hai codolendar cai iubin-les. (Psalmo 15:1-4)

 HACHIAR MAI MIȘTO

4. Vi le manușa cai ci sile sar amen daștin te arăsăn amare lașe amala

I Biblia del duma anda o David hai o Ionatan, dui murșa anda o Israelo purano. O Ionatan sas but mai phuro sar o David hai sas o șiav le regesco. Cu sea cadala, mașcar lende sas iech amalimos chidino. Citisaren 1 Samuel 18:1 hai pala codoia den duma:

• Sostar ci trebulas te cheras amenghe amala numai de amare bărșa sau cai sile sar amen?

Citisaren Romani 1:11, 12 hai pala codoia den duma:

• Sar zuriaren-pe iech averes le amala cai iubin le Iehovas?

Ando materialo video cai avel, va avela te diches sar arachlea iech tărno phral amala code cai ci ajucărdea-pe. Dichen o MATERIALO VIDEO hai pala codoia den duma:

• Sar dichlean, sostar sas-le îngrijorime le dada le tărnesche Akil anda so amala sas-les ca i școala?

• So cărdea-les te camel te avel lența amal?

• So cărdea vo caște na mai simțosarel-pe corcoro?

 5. Sar daștis te cheres tuche șucar amalimata

 SO SICHILEAM

Dacă sam goghiaver cana alosaras amare amalen, bucurisaras le Iehovas hai si amen but miștimata.

So dichleam

• Sostar camel o Iehova te jianel so amala alosaras?

• So amalimata ci trebul te aven-ame?

• Sar daștis te cheres tuche ciace amala cai iubin le Iehovas?