ROSO 48
Jaalla Hayyotenni Doodhi
Muli jaalla faffote yannara ledonke hagiidhitanno; qarru yannarano kaaˈlitannonke. Ikkollana Qullaawu Maxaafi dancha jaala ikkannohu baalanka manna ikkinokkita kulanno. Ikkina dancha jaalla doodha dandaattohu hiittoonniiti? Hanni aante noo xaˈmuwa laˈno.
1. Doodhatto jaalla seekkitahera woy huntahera dandiitannohu hiittoonniiti?
Duucha woyite, ledo honseemmo manni gede ikka rakkannonke. Hakko daafira, mitteenni xaandeno ikko Interneetete widoonni ledo honseemmo manni seekkankera woy hunankera dandaanno. Qullaawu Maxaafi yaannonte gede, “Egennaamu ledo hosannohu egennaamo ikkanno; hawanyootu [Yihowa baxxannokkiri] jaali kayinni qarru aana uwanno.” (Lawishsha 13:20) Yihowa baxxannorenna iso magansidhannore jaalla assiˈrittoro, isiwa gamba yite heeˈratto gedenna gara ikkinore doodhatto gede kaaˈlitannohe. Yihowa baxxannokkiri ledo muli jaalooma kalaqiˈra kayinni isiwiinni xeertiˈneemmo gede assitannonke. Qullaawu Maxaafi jaalla hayyotenni doodhineemmo gede amaalannonkehu iseraati. Magano baxxannore jaallanke assiˈnummoro, kuni jaaloomi insarano ninkerano kaaˈlannonke. Togoo jaaloomi ‘mimmito jawaachinsheemmonna dhaambeemmo’ gede kaaˈlannonke.—1 Teselonqe 5:11.
2. Doodhatto jaaloomi Yihowa hagiirsiisara woy dadillisara dandaannohu hiittoonniiti?
Yihowa jaalla qorophe doodhanno. “Ayirrissannosirira baalaho Kaaliiqi [“Yihowa,” NW] jaalansaati.” (Faarso 25:14) Yihowa baxxannokkire jaallanke assiˈnummoro, isira mayi macciishshamannosi? Lowo geeshsha dadillanno! (Yaiqoobi 4:4 nabbawi.) Busha jaalooma gimbeemmoha ikkironna isiwanna iso baxxannoriwa gamba yine heeˈneemmoha ikkiro kayinni, Yihowa hagiidhanno.—Faarso 15:1-4.
LEDDE XIINXALLI
Jaalla hayyotenni doodha lowo geeshsha hasiissannota ikkitinohu mayiraatironna heeshshokkira kaaˈlannohe jaalooma kalaqiˈra dandaatto gara rosi.
3. Busha jaalooma qorophi
Maganonna seerasi baxxannokkiri busha jaallaati. VIIDIYO laˈe; hakkiinni aante noo xaˈmo hasaabbe.
-
Hendummokkinni bushu jaaloomi giddora eˈnammora dandiineemmohu hiittoonniiti?
Umi Qorontoosi 15:33 nabbabbe; hakkiinni aante noo xaˈmuwa hasaabbe:
-
Busha jaalaati yinannihu hiittoo mannaati? Mayira?
Faarso 119:63 nabbabbe; hakkiinni tenne xaˈmo hasaabbe:
-
Dancha jaala ikkannohehu hiittoo mannaati?
Mitte sholtino laalo gattinota wole baalanta daaffanno. Mittu bushu jaali seekkahera woy hunahera dandaannohu hiittoonniiti?
4. Ninkewiinni baxxino manni dancha jaala ikkankera dandaanno
Qullaawu Maxaafi hunda Israeelete gobbara heedhinori Daawitinna Yoonaataani xagge kulanno. Yoonaataani Daawiti diro lowo geeshsha rooranno; qoleno isi mootete beettooti; hakko daafira lamunku lowo geeshsha babbaxxitinoreeti. Ikkollana lamunku dhagge ikkanno jaalooma kalaqidhino. Umi Saamueeli 18:1 nabbabbe; hakkiinni tenne xaˈmo hasaabbe:
-
Darawonke calla woy ninkete gedee heeshsho heedhannore calla jaallanke assiˈra hasiissannonkekkihu mayiraati?
Roomu Sokka 1:11, 12 nabbabbe; hakkiinni tenne xaˈmo hasaabbe:
-
Yihowa baxxanno jaalla mimmito jawaachisha dandiitannohu hiittoonniiti?
Tenne viidiyora, mittu wedellichu rodii jaalla hedinokki bayicho afiˈrinohu hiittoonniitiro wodanchi. VIIDIYO laˈe; hakkiinni aante noo xaˈmuwa hasaabbe.
-
Viidiyote giddo, Akiili annanna ama isi rosu mine kalaqiˈrino jaaloomi yaachishinonsahu mayiraati?
-
Isi umi qara togoo jaalooma baxinohu mayiraati?
-
Isi callimma qeela dandiinohu hiittoonniiti?
5. Dancha jaalooma kalaqiˈra dandiinanni gara
Addu jaalla afiˈranna meessano dancha jaala ikka dandiinanni gara wodanchi. VIIDIYO laˈe.
Lawishsha 18:24 nna 27:17 nabbabbe; hakkiinni aante noo xaˈmuwa hasaabbe:
-
Addu jaalla mimmito kaaˈlitannohu hiittoonniiti?
-
Atera hattooti dancha jaalla noohe? Noohekkiha ikkiro, hattoo jaalla afiˈrate maa assa dandaatto?
Filiphisiyusi Sokka 2:4 nabbabbe; hakkiinni tenne xaˈmo hasaabbe:
-
Dancha jaalla afiˈrate, atino dancha jaala ikka hasiissannohe. Dancha jaala ikka dandaattohu hiittoonniiti?
Dancha jaalla afiˈrate, ati umikki dancha jaala ikka hasiissannohe
MITU MANNI TOGO YAANNO: “Jaalu nookkiha heeˈrantenni, anfihu ledo jaalooˈma woyyitanno.”
-
Ati tennera mayyaatto?
XAPHISHSHA
Jaalla hayyotenni doodhanke, Yihowa hagiirsiissanno; ninkerano kaaˈlitannonke.
Kageeshsha Rosoottore
-
Doodhineemmo jaaloomi Yihowa hagiirsiisara woy dadillisara dandaannohu mayiraati?
-
Hiitto jaalooma giwa hasiissannonke?
-
Yihowa baxxannori ledo muli jaalooma kalaqiˈra dandaattohu hiittoonniiti?
EGENNO LEXXI
Addu jaalla qarru yannara kaaˈlitannonkehu hiittoonniiti?
Dancha jaalla afiˈrate assa dandaattoha mito coye hedi.
“Dancha Jaalla Kalaqiˈra Dandeemmohu Hiittoonniiti?” (Wedellu Xaˈmanno Xaˈmonna Mala Ikkitanno Dawaro, Xiraaze 1, fooliishsho 8)
Interneetete widoonni jaalooma kalaqiˈrate daafira maa afa hasiissannohe?
Dagoomittete Webisayite Horoonsiˈratto Woyite Xiinxalla Ikki (4:12)
“Shaqqadu Anni Heeˈraera Halchanni Keeshshoommo” yitannote heeshshote xagge giddo, mittu manchi albi jaallasi agure wole jaalla doodhinohu mayiraatiro wodanchi.
“Qullaawu Maxaafi Heeshsho Biddi Assanno” (Agarooshshu Shae, Dotteessa 1, 2012)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
