DILONGIESHA 48
Sangula ba kuku bobe kalolo
Ba kuku be buwa abetuikashaa na muloo mu bipungo bi buwa, na abetunyingishaa mu bipungo bi bukopo. Anka, Bible etudimusha’shi ta mmuntu oso muikale kuku ebuwa nya. Biabia, we kusangula ba kuku be buwa naminyi? Tutaluule ino nkonko ayilondo.
1. Ba kuku bosangula be kuikala na bukitshishi kinyi kodi?
Atuikalaa na binangu bia kuambula muikelo wa bantu b’atukisha nabo nsaa. Wi kuikala wibuwa sunga wibubi bino bi kukitshika sunga biekala’shi atukisha nabo nsaa pamune sunga ku Internete. Bible akula’shi, “su otemba na sha binangu, obe namu okekala nabio, anka su otemba na balotakane [baaba bashi bafule Yehowa] okamono malua.” (Nkindji 13:20, EEM) Ba kuku bafule Yehowa na abamulanguila be nkukuasha bua kuifubuila pepi naaye, na kuata bitshibilo bibuwa. Anka kuikala mu bu kuku na bantu bashi bafule Yehowa kui kuituikasha kula naye. Nyi buakinyi Bible etunyingisha bua kusangula ba kuku kalolo! Nsaa i ba kuku betu mbafule Efile Mukulu, abitukuasha mpa na kuibakuasha namu. Biabia, atupete mushindo wa ‘kwikankamishena muntu na mwin’ye na kwinyingishena muntu na mwin’aye.’—1 Bena-Tesalonika 5:11, Kilombeno kipya 2014.
2. Ba kuku bosangula be kuikala na bukitshishi kinyi kui Yehowa?
Yehowa asangulaa ba kuku baye kalolo. “Nyi nkuku a balulame.” (Nkindji 3:32, EEM) Yehowa mulombene kupusha naminyi su atusangula ba kuku bashi bamufule? Mmulombene kuinyongola ngofu! (Badika Shake 4:4.) Ku lungi lupese, Yehowa ekala na muloo na akumina’shi tuikale ba kuku baye, anka su atushikua ba kuku be bubi na atuifubuila pepi naaye na kuifubuila pepi na bantu bamufule.—Misambo 15:1-4.
TUKIMBUULE BOSO
Tutale buakinyi kusangula ba kuku be buwa kui na muulo, na biodi mulombene kudia bu kuku na bantu abakekala na bukitshishi bui buwa kodi.
3. Dimukila ba kuku be bubi
Bantu bashi bafule Efile Mukulu na kufula miya yaye, nyi mba kuku be bubi. Tala VIDEO, akupu nuisambile luno lukonko alulondo.
-
Tui kubanga kudia bu kuku na bantu bebubi kushi’tue kuibitundula naminyi?
Badika 1 Bena-Kodinda 15:33, akupu nuisambile ino nkonko ailondo:
-
Mbantu kinyi be kuikala bu ba kuku be bubi kodi? Buakinyi wamba biabia?
Badika Misambo 119:63, akupu nuisambile luno lukonko alulondo:
-
Nkinyi kilombene nkulesha’shi muntu kampanda ekala kuku ebuwa?
Kikuba kimune kinyangie ki kuluisha bikuba bioso. Kuikala sunga na kuku umune e bubi kui kuikala na bukitshishi kinyi kodi?
4. Bantu batushi nabo bipua sunga nshalelo e mumune be kufika ba kuku betu bebuwa
Bible akula bua Davide na Yonatane, balume babidi ba mu Isalele a kala. Babadi na bipua na nshalelo muilekene; anka babadi mu bu kuku bui buwa. Badika 1 Samwele 18:1, akupu nuisambile luno lukonko alulondo:
-
Buakinyi t’abitungu’shi ba kuku betu bekale nka baba batudi nabo bipua bimune sunga nshalelo e mumune?
Badika Bena-Loma 1:11, 12, akupu nuisambile luno lukonko alulondo:
-
Ba kuku bafule Yehowa be kuinyingishena naminyi?
Mu uno video alondo, tala bibadi ungi nsongualume mupete ba kuku mu mbalo yashibadi elela binangu’shi e kuibapeta. Tala VIDEO, akupu nuisamile ino nkonko ailondo.
-
Muyile bibatumono mu video, buakinyi baledi ba Akil abekalakashanga pabitale ba kuku baye ba ku kalasa?
-
Buakinyi Akil badi mufule bano ba kuku baye kumpala?
-
Mmushindo kinyi ubadi mukambile bushiye?
5. Bia kupeta ba kuku bebuwa
Tala biodi mulombene kupeta ba kuku bebuwa na biodia kuikala kuku ebuwa. Tala VIDEO.
Badika Nkindji 18:24 na 27:17, akupu nuisambile ino nkonko ailondo:
-
Ba kuku ba binyibinyi be kuikuashena naminyi?
-
We na ba kuku bebuwa be biabia su? Su tue nabo, we kuibapeta naminyi?
Badika Bena-Fidipe 2:4, akupu nuisambile luno lukonko alulondo:
-
Bua kupeta ba kuku be buwa, abitungu kuikala kuku ebuwa. We mulombene kuibikita naminyi?
Bua kupeta ba kuku be buwa, abitungu namu kuikala kuku ebuwa
BANGI ABAMBA’SHI: “Ba kuku boso bebuwa pe kukutua su ngumune.”
-
Obe namu omba naminyi?
MU KIKOSO
P’atusangula ba kuku kalolo, atusangasha Yehowa na abitukuasha atue banabene.
Kuambuula
-
Buakinyi kusangula ba kuku bebuwa kui na muulo ku meso kua Yehowa?
-
Abitungu tushikue ba kuku ba mushindo kinyi?
-
Mbikunyi biatudi balombene kudia bu kuku na bantu bebuwa?
TALUULA DINGI
Tala kuikala na ba kuku bebuwa biakudi kulombene kuitukuasha patudi mu nkalakashi.
“Nyingisha kipwano kyobe na bangi kumpala kwa’shi nfudiilo ifikye” (Kitenta kya Mulami, 11/2019)
Tala mianda yodia kukita bodia kupeta ba kuku be buwa.
Nkinyi kiodi mulombene kuuka pabitale ba kuku ba ku Internete?
Dimukila ma site a Internet a kwisamba na bantu bebungi (4:12)
Mu muisambo awamba’shi “nadi nakumina kuikala na Nshami,” tala kibaadi kitakule ungi muana mulume bua kutaluula mushindo waye wa kusangula ba kuku.
“Bible kwete kushintula bantu” (Kitenta kya Mulami, 1/4/2012)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
