Sobat téh bakal aya waktu urang keur senang atawa keur susah. Tapi Alkitab ngingetan, teu kabéh jalma bisa jadi sobat nu sajati. Jadi, kumaha supaya anjeun bisa boga sobat nu sajati? Perhatikeun sababaraha hal ieu.

1. Naon pangaruh babaturan keur anjeun?

Mun urang sering gaul jeung hiji jalma, boh sacara langsung boh liwat Internét, lila-lila kalakuan jeung cara pikir urang bakal beuki mirip jeung manéhna. Ceuk Alkitab, ”Pek nyampur jeung nu pinter, tangtu pinter. Pek babaturan jeung nu garejul [jalma-jalma nu teu nyaah ka Yéhuwa], tangtu ancur.” (Siloka 13:20) Alkitab ngingetan urang supaya bijaksana dina milih babaturan. Ku naon? Babaturan nu teu nyaah ka Yéhuwa téh bisa ngajauhkeun urang ti Anjeunna. Ari babaturan nu ibadah jeung nyaah ka Yéhuwa mah bakal ngabantu urang tetep akrab jeung Anjeunna. Maranéhna gé bisa ngabantu urang supaya bijaksana dina nyieun putusan. Jadi, babaturan nu nyaah ka Yéhuwa bisa méré pangaruh anu alus keur urang. Kitu ogé, urang bisa méré pangaruh nu alus keur manéhna. Urang jeung manéhna bisa ”silih tegerkeun jeung silih kuatkeun”.​—1 Tésalonika 5:11.

2. Kumaha parasaan Yéhuwa ningali pergaulan anjeun?

Yéhuwa téh teu sambarangan dina milih babaturan. Ceuk Alkitab, Yéhuwa téh nyobat jeung jalma nu hirupna bener. (Siloka 3:32) Kumaha parasaan Yéhuwa mun anjeun nyobat jeung jalma nu teu nyaah ka Anjeunna? Yéhuwa bakal kuciwa pisan! (Baca Yakobus 4:4.) Tapi, mun anjeun ngajauhan pergaulan nu goréng sarta nyobat jeung jalma-jalma nu nyaah ka Anjeunna, Yéhuwa bakal bungah sarta daék jadi Sobat anjeun.​—Jabur 15:1-4.

 HAYU NGULIK

4. Urang bisa nyobat jeung jalma nu béda ti urang

Alkitab nyaritakeun kisah ngeunaan dua urang Israél dina jaman baheula, nyaéta Daud jeung Yonatan. Yonatan téh jauh leuwih kolot tibatan Daud. Manéhna gé putrana raja, ari Daud mah lain sasaha. Tapi, maranéhna duaan bisa jadi sobat. Baca 1 Samuel 18:1, terus bahas:

• Ku naon urang sakuduna teu ngan nyobat jeung jalma nu umur sarta status sosialna sarua jeung urang?

Baca Roma 1:11, 12, terus bahas:

• Lamun urang boga sobat anu nyaah ka Yéhuwa, kumaha urang jeung manéhna bisa silih kuatkeun?

Dina vidéo ieu, tingali kumaha saurang budak ngora bisa boga sobat sajati nu teu kasangka-sangka. Setél VIDÉO, terus bahas:

• Ku naon kolotna Akil hariwang kana pergaulan Akil di sakola?

• Ku naon mimitina Akil resep gaul jeung babaturan sakolana?

• Kumaha ahirna Akil bisa boga sobat nu sajati?

 5. Carana supaya boga sobat nu sajati

 INTI BAB

Lamun urang bijaksana dina milih babaturan, urang téh nyenangkeun haté Yéhuwa. Urang gé bakal meunang mangpaat.

Nu geus dibahas

• Ku naon Yéhuwa hayang urang nyobat jeung jalma nu nyaah ka Anjeunna?

• Jalma-jalma jiga kumaha anu kuduna teu dijadikeun sobat ku urang?

• Kumaha supaya anjeun bisa nyobat jeung jalma nu nyaah ka Yéhuwa?