Hapị mapia botonge makatambah karal᷊uasi kitẹ su tempo mal᷊uasẹ̌, dingangu makatoghasẹ̌ si kitẹ su tempo masigěsạ. Katewe, Alkitapẹ̌ něgělị laingatẹ̌ tawe kěbị taumata botonge makoạ hapị mapia. Hakị u ene, kerea i kau botonge měmile pakapia hapịu? Mahịe měmanda manga kakiwal᷊o ini.

1. Apa pengaruh hapị nipilenu si kau?

I kitẹ biasane mẹ̌těno hapị i kitẹ, tawẹ soale ene barang dal᷊akị arau mapia. Kụ, ene botonge mariadi tawẹ soale i kitẹ mědal᷊ahapị dingange secara langsung arau lumiung media sosial. Alkitapẹ̌ naul᷊ị, ”Taumata kụ mẹ̌dẹ̌dal᷊ahapị u taumata pelesa e sarung mapelesa; taumata kụ mẹ̌dal᷊ahapị u taumata wodo [tawe makěndagẹ̌ si Yehuwa] e sarungbe masilakạ.” (Amsal 13:​20, Binohẹ Susi Bal᷊o Mapia) Hapị makěndagẹ̌ dingangu měnẹ̌němbah si Yehuwa botonge makatul᷊ung si kau tatapẹ̌ marani dingangi Yehuwa lai makatul᷊ung si kau měkoạ putusang nihino. Katewe, mědal᷊ahapị dingangu taumata tawe makěndagẹ̌ si Yehuwa ene makarau si kau bọu Yehuwa. Hakị u ene, Alkitapẹ̌ němahangsang si kitẹ gunang měmile hapị pakapia. Mạeng hapị i kitẹ makěndagẹ̌ su Mawu, i sire sarung makaghělị pengaruh mapaelẹ̌ si kitẹ kụ i kitẹ lai sarung makaghělị pengaruh mapaelẹ̌ si sire. I kitẹ botonge ’turusẹ̌ mẹ̌dal᷊ahiborẹ̌ dingangu mẹ̌tatoghasẹ̌ sěmbaụ su wal᷊inẹ’.​—1 Tesalonika 5:​11.

2. Kerea hapị nipileng i kitẹ ene piạ pěngarune si Yehuwa?

Yehuwa měmẹ̌mile pakapia i sai sarung makoạ hapị’E. ”I Sie mědẹ̌dal᷊ahapị mapia dingangu taumata naunge matul᷊idẹ̌.” (Amsal 3:​32) Kerea pěndang i Yehuwa mạeng i kitẹ měmile hapị tawe makěndagẹ̌ si Sie? I Sie tantu sěbạe masusah naung. (Basa Yakobus 4:4.) Katewe, Yehuwa sarung mal᷊uasẹ̌ kụ sarung měmile si kitẹ makoạ hapị’E, mạeng i kitẹ mẹ̌těngkarau bọu pẹ̌dal᷊ahapị dal᷊akị kụ mẹ̌těngkarani si Sie dingangu mẹ̌těngkarani su taumata apang makěndagẹ̌ si Sie.​—Mazmur 15:​1-4.

 BANGKA PAKARAL᷊UNG

4. Taumata nẹ̌tatěntang bọu i kitẹ botonge makoạ hapị mapia

Alkitapẹ̌ nẹ̌běke soal i Daud dingangi Yonatan, duang katau esẹ su Israel tempong tamai. Umurẹ̌ dingangu situasing i rẹ̌dua sěbạe nẹ̌tatěntang. Katewe, pẹ̌dal᷊ahapị i rẹ̌dua sěbạe matoghasẹ̌. Basa 1 Samuel 18:​1, bọu ene bisarai kakiwal᷊o ini:

• Kawe nụe hapị i kitẹ tawe harusẹ̌ sěntiniạ bọu latar belakang umurẹ̌ arau status sosial mẹ̌sul᷊ung dingangi kitẹ?

Basa Roma 1:​11, 12, bọu ene bisarai kakiwal᷊o ini:

• Kerea hapị makěndagẹ̌ si Yehuwa mětẹ̌tatoghasẹ̌ sěmbaụ su wal᷊inẹ?

Su video ini, pěmanda kerea sěngkatau saudara mangudạ nakaěbạ hapị su tampạ tawe tẹ̌tiněnange. Putarẹ̌ VIDEONE, bọu ene bisarai manga kakiwal᷊one.

• Su video ene, kawe nụe matimadi Akil gụgěnggang soal u pẹ̌dal᷊ahapị i Akil su sikol᷊ah?

• Humotong, kawe nụe i Akil mapulu mědal᷊ahapị dingangu hapịe su sikol᷊ah?

• Kerea i sie botonge nakal᷊awang pěndang tawẹ apa hapị?

5. Kerea tadeạu i kitẹ piạ pẹ̌dal᷊ahapị mapia?

 RINGKASAN

Mạeng i kitẹ memile hapị pakapia, i kitẹ makal᷊uasẹ̌ si Yehuwa kụ ene lai piạ gunane si kitẹ.

Apa seng nikaěndungangu?

• Kawe nụe hapị nipileng i kitẹ ene penting si Yehuwa?

• I kitẹ harusẹ̌ mẹ̌těngkarau bọu pẹ̌dal᷊ahapị kerea?

• Kerea i kau botonge mědal᷊ahapị dingangu haghing taumata apang makěndagẹ̌ si Yehuwa?