LESOGNE 48
Filiano Soa ty Ndaty Hatao’o Namagne
Eo avao ty namagne maifitse ndra amy ty fotoagne mahafale ndra amy ty fotoagne mahaore. Faie mampitao antikagne ty Baiboly tie tsy ze kila ndaty le ho namagne soa iaby. Ino areke ty hagnampe antikagne hahay hifily namagne? Andao tikagne handineke ty fagnonteneagne retoagne.
1. Misy voka’e ama’o vao ty namagne filie’o?
Mora amantikagne ty mitsikombe ty raha atao ty ndaty mifagnosehose amantikagne. Va’e ho raha soa zay ndra raha raty. Faie misy voka’e amantikagne ty namantika ndra mifandrambe amantikagne mivantagne reke ndra amo o varambazahao. Hoe ty Baiboly: “Ho hendre ze miarake amy ty hendre, faie hahatrea loza ze miragnetse amy ty tsisy saigne [ndaty tsy tea i Jehovah].” (Ohabolana 13:20) Hifandrambe soa amy i Jehovah rehe sady handrambe fanapahan-kevetse soa naho ndaty tea aze sady manompo aze ty ndaty atao’o namagne. Faie hiala amy i Jehovah rehe naho minamagne amy ty ndaty tsy tea aze. Izay ty mahavy ty Baiboly mandrisike antikagne mba hahay hifily namagne! Naho ndaty tea i Jehovah ty ataontikagne namagne, le handrambe soa tikagne naho i ndatỳ. Amy izay tikagne “afake mifampionogne naho mifampahery lognandro.”—1 Tesalonianina 5:11.
2. Misy voka’e amy i Jehovah vao ty namagne filie’o?
Filie i Jehovah soa ty ndaty atao’e namagne. “Ty ndaty maregne ro managne fifandrambesagne marine ama’e.” (Ohabolana 3:32) Ino ty ho tsapa i Jehovah naho ndaty tsy tea aze ro ataontikagne namagne? Tena ho diso fanantenagne reke! (Vakio ty Jakoba 4:4.) Ho fale ty Jehovah naho tsy minamagne amy ty namagne raty tikagne sady mikezake hinamagne amy ty ndaty tea aze. Ho rambese’e ho nama’e ka tikagne.—Salamo 15:1-4.
ANDAO HANDINEKE TY PITSOPITSO’E
Hodinehentikagne ato tie nagnino ro tena ilaegne ty mahay mifily namagne, sady ino ty toko’e hatao naho te hanagne namagne soa.
3. Mitaoa amy ty naman-draty
Namagne raty ty ndaty raike naho tsy tea i Jehovah sady tsy magnorike ty fitsipi’e. Alefaso i VIDEO oy, sady iharò midineke ty fagnonteneagne toy.
-
Akore ty hahavy antikagne hiarake amy ty naman-draty ndra tie tsy nieretseretse hanao izay aza tikagne?
Vakio ty 1 Korintianina 15:33, sady iharò midineke ty fagnonteneagne toy:
-
Ndaty manao akore ty atao tihoe naman-draty? Ino ty anto’e?
Vakio ty Salamo 119:63, sady iharò midineke ty fagnonteneagne toy:
-
Ndaty manao akore ty atao tihoe namagne soa?
Poma raike lò, le va’e hanimba i poma ila’e rey iaby. Ino ty ho voka’e naho miarake amy ty namagne raty rehe ndra tie raike avao aza?
4. Afake minamagne amy ty ndaty sambe karaza’e rehe
Mirehake miomba i Davida naho i Jonatana ty Baiboly. Mifankalavitse ty tao iareo sady tsy mitovy ty raha niaigna iareo faie nimpinamagne bey iareo roe lahy. Vakio ty 1 Samoela 18:1, sady iharò midineke ty fagnonteneagne toy:
-
Nagnino ro tsy toko’e ze mitovy taogne ndra fari-piaignagne amantikagne avao ro ataontikagne namagne?
Vakio ty Romanina 1:11, 12, sady iharò midineke ty fagnonteneagne toy:
-
Afake mifampahery ty mpinamagne sambe tea i Jehovah. Ino ty azo iareo atao?
Ho trea’o amy ty video toy, fa ndaty tsy nampoize ty rahalahy tanora toy ty nanjare nama’e. Alefaso i VIDEO oy, sady iharò midineke ty fagnonteneagne retoa.
-
Arake i video teoy, nagnino i rae aman-drene i Akil rey ro nirehake aze miomba ty nama’e an-dakilasy agne?
-
Ino ty nahavy i Akil hiragnetse amy i mpiara-mianatse ama’e rey?
-
Ino ty nagnampe aze mba tsy hahatsiaro ho irerike sasa?
5. Akore ty atao naho te hanagne namagne soa?
Ino ty toko’e hatao’o mba hahazoagne namagne soa, sady akore ka ty hahavy azo ho namagne soa? Alefaso i VIDEO oy.
Vakio ty Ohabolana 18:24 naho ty 27:17, sady iharò midineke ty fagnonteneagne retoa:
-
Mifagnampe ty tena mpinamagne. Akore ty atao iareo?
-
Managne namagne soa hoe izay vao rehe? Naho mbe tsy managne, le ino ty azo’o atao?
Vakio ty Filipianina 2:4, sady iharò midineke ty fagnonteneagne toy:
-
I rehe hey ro toko’e ho namagne soa naho te hahazo namagne soa. Akore ty ampisehoa’o izay?
I rehe hey ro toko’e ho namagne soa naho te hahazo namagne soa
MISY TY MIREHAKE TIE: “Azo atao namagne iaby ze kila ndaty.”
-
Akore ty havale’o izay?
FAMINTIGNAGNE
Ho fale ty Jehovah sady handrambe soa tikagne naho mahay mifily namagne.
Fameregnagne
-
Nagnino ro lahibey amy i Jehovah ty namagne filientikagne?
-
Ndaty manao akore ty tsy toko’e hataontikagne namagne?
-
Ino ty toko’e hatao’o mba hahavy azo hanagne namagne tea i Jehovah?
FAGNAZAVAGNE FAGNAMPE’E
Ho trea’o ato fa afake magnampe antikagne ty tena namagne naho fa misy raha sarotse mahazo antikagne.
“Mikezaha ho Tena Mpinamagne Aloha ty Hiavia i Fara’ey” (Fitalakesan-davitse Novambra 2019)
Inogne iaby ty toko’e hatao’o naho te hanagne namagne soa rehe?
“Akore ty Hahazoako Namagne Hendre?” (Fagnontenea o Tanorao—Vale’e Mete Soa, Boke 1, toko 8)
Ino ty toko’e ho fanta’o miomba ty namagne amy Internet ao?
Nagnino ty lahilahy raike toy ro tsy niarake tamy i nama’e taloha rey sasa?
“Magnova Ndaty ty Baiboly” (Fitalakesan-davitse 1 Avrily 2012)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
