AISISIAET NA 48
Koseu Ipaperokon Jokan
Ipapero luidicanara kaoni iyatakinete aiyalamawok kapakio nuejok, ido itogogongete oni kapakio nukican. Konye ikwenyarit Ebaibuli oni ebe mam itunga kere epedorete araut ipapero luejok. Aso epone ani ipedoria ijo aseun ipapero luejokuka? Omisiik nu kotoma aingiseta nuetupakinete.
1. Epone ani ejaunotor iponesiokon kanuka ipapero luiseuni jo?
Imina duc oni atupaar iponesio luka itunga luetapit oni aupar. Epedorete iponesio ngul koraasi luejokuka arai bo lueroko—eebo epedorete ngun atakanun naijaar oni kakesi arai bo nairucokinor oni kakesi kolago. Kwape ebalar Ebaibuli ebe, ‘koupenenas kalukacoa, icouni ijo da: konye eswalar aupa naka ibangiok [ibangiok kes ngul lumam eminasi Yawe].’ (Awaragasia 13:20) Epedorete ipapero lueminasi Yawe ido luemaete nges, aingarakin ijo adukun eidicane ka Yawe keda aiswamaunun aseuneta nuejok. Konye aupanena keda lumam ijaanakinete Yawe, einakini oni aikunyar kaneejai Yawe. Kanuangun, isinyikokinit Ebaibuli oni aseun ipapero kacoit! Arai eraasi ipaperowok lueminasi Edeke, imedauni oni ido kesi da imedaunete. Ipedori oni ‘aitalakaanar bonik ka adukonor nginitunganan kayenice.’—1 Isesalonikan 5:11.
2. Epone ani epupunia Yawe kanu ipapero luiseuni ijo?
Esei Yawe ipaperoke ejok. “Ipaperikini ngesi kaluitenara kotauon.” (Awaragasia 3:32) Iwomit ijo epone ani epupunia Yawe arai kiseu ijo ipapero lumam eminasi nges? Epupuni ngesi erono noi! (Kosiom Yakob 4:4.) Konye iyalamikin Yawe ido eseuni ngesi oni kwape ipaperoke arai isacit oni aupa naerono kasodete aikunyakin neejai ngesi kaupanana kangul lueminasi nges.—Isabulin 15:1-4.
KISISIAU NUIPU
Kisisiau kanuinyo eraar aseunetekon naka ipapero ibore yenepol noi, ido koany epone loimedaunia jo kotoma ajaut kipapero luejokuka.
3. Kocoite aupa naerono
Itunga lumam eminasi Edeke keda aicoretake eraasi aupa naerono. Koboliak EBIDIO, kosodete aimor aingiset naetupakini.
-
Epone ani aticepak ipedoria oni aupa keda itunga lueroko komam oni ijeni?
Kosiom 1 Ikorinton 15:33, kosodete aimor aingiseta nuta:
-
Itunganan yenikoni ai epedori araut aupa naerono kamakon? Kanuinyo?
Kosiom Isabulin 119:63, kosodete aimor aingiset nata:
-
Inyo itoduni ebe epedori itunganan araut ipapero yenejok?
Araitoit adiope naebosit emunaari nuce. Epone ani aticepak epedoria epapero ediopet loerono amunaar ijo?
4. Epedorete itunga luegitakina kaneijai oni araut ipaperowok luejokuka
Inerit Ebaibuli nuikamunitos itunga iarei lukolo koIsirael, Daudi ka Yonatan. Araasi kesi luagelakina kojautene ka ikar; konye agogong noi eidicanekec. Kosiom 1 Samuel 18:1, kosodete aimor aingiset nata:
-
Kanuinyo mam duc eraar ebe ibusakinit ipaperowok koraasi lukaturiwok arai bo luka adoketaitiwok?
Kosiom Iromayon 1:11, 12, kosodete aimor aingiset nata:
-
Epone ani isinyikonokinotor bonik ipapero lueminasi Yawe?
Kobidio kalo, koany epone loadumunia ediopesapat ipapero kaiboisio numam nges aomitor ebe edumakini ipapero. Koboliak EBIDIO, kosodete aimor aingiseta nuetupakinete.
-
Kobidio kalo, kanuinyo apodokinitotor auriak luka Akil nuikamunitos ikepapero lukosomero?
-
Anu bo iboro luesupaaritos nges opaperone ngol kageunet?
-
Epone ani abu ngesi kopedoria aipikor asilio?
5. Epone lopedoret aipepeun epaperone loejok
Koany epone lodumunet ipapero luejokuka ka epone loipedoria ijo araut epapero loejok. Koboliak EBIDIO.
Kosiom Awaragasia 18:24 keda 27:17, kosodete aimor aingiseta nuta:
-
Epone ani ingaranakinotor ipapero lukabeit bonik?
-
Ijaatar kereka jo da keda ipapero luikote nen? Arai mam, epone ani ipedoria ijo adumun kes?
Kosiom Ipilipin 2:4, kosodete aimor aingiset nata:
-
Kanu ajaut keda ipapero luejokuka, ekoto jo korai epapero loajokan. Epone ani ipedoria ijo aswam ngun?
Kanu ajaut keda ipapero luejok, ekoto ijo korai epapero loejok
EBAKASI ICETUNGA EBE: “Ajaut kipapero luediopone kere ejok adepar amamut kipapero.”
-
Epone ani ibongokinia jo?
NUIDAU AISISIAUN
Kiseu oni ipaperowok kacoit, isiyalamikini oni Yawe ido oni da ikulepek imedauni.
Ainyogoor
-
Kanuinyo epodokinitor Yawe nuikamunitos ipapero luiseuni oni?
-
Ipapero luepone ani ibusakinit oni aisac?
-
Epone ani ipedoria jo adukun epaperone loegogong keda ngul lueminasi Yawe?
ISISIAU BOBO NUTA
Koany epone loingarakiniata oni ipapero luejokuka kotoma atiokisio.
“Koduk Epaperone Loegogong Kaluce Eroko Awasia Ebuno” (Watchtower, Elap Loitomonetadiop 2019)
Koomoom nuipedori ijo aswam kanu adumun ipapero luejokuka.
Anu bo nuibusakinit ijo aijen kanuikamunitos ipapero luka olago?
Kotoma akou naka akirot “Amoot Eong Papa,” koany ibore yenabu koinak ediopetunganan aijulakin epone loeseununia ngesi ipapero.
“Ijulakini Ebaibuli Itunga” (Watchtower, Elap Loiwongonet 1, 2012)
