Ka sea lu a azende a dedoo yô, i saan se iyol ken ashighe a doon, shi azende ne ka a taver se ishima ken ashighe a ican. Nahan kpa, Bibilo ta se icin ér ka hanma or nan lu ijende i dedoo ga. Nahan u tsua azende a dedoo nena? Nenge mbampin mba ve dondo ne.

1. Ior mba u kôr ijende a ve la vea gema or u u lu la nena?

Ka sea luun vea ior yô, se hingir u eren kwagh er ve nahan. Aluer se mba lun vea ve kpôô kpôô shin ka sha Intanet kpa, aeren a ve a dedoo shin a bo la a tsar se. Bibilo ôr je ér, ‘zende a mbafankwagh imôngo, nahan we kpaa ú hingir orfankwagh, kpa ijende i abumeaior [mba Yehova a doo ve ishima ga la] yô, ia zua a ican.’ (Anzaakaa 13:20) Aluer u kôr ijende a ior mba Yehova a doo ve ishima shi ve civir un yô, vea wase u u lun kôôsôô a na shi tsuan akaa sha inja. Kpa aluer se za kôr azende a mba ve civir Yehova ga yô, vea na se undu un. Ka nahan ve Bibilo i we se kwagh ér se kôron azende sha inja ye! Azende ase ka a lu ior mba Aôndo a doo a ishima yô a wase se, se kpa se wase ve u lun a aeren a dedoo. Kwagh ne ka a na yô, se ‘taver hanmô wase ishima shi se wasen hanmô wase.’—1 Mbatesalonika 5:11.

2. Ior mba u kôr azende a ve la vea na a lu Yehova a we nena?

Yehova gbe kôron ijende a hanma or tsô ga. “Kpa mbaperapera yô, mba azende a Na.” (Anzaakaa 3:32, NWT) Aluer se kôr azende a ior mba Yehova a doo ve ishima ga nahan, a lu un nena? Kwagh la a vihi un kpishi! (Ôr Yakobu 4:4.) Nahan kpa, aluer se palegh azende a bo, se gema se mba kôôsôô a Yehova kua ior mba ve civir un yô, a doo un a vese shi una lumun ér se lu azende a na.—Pasalmi 15:1-4.

 HEN KWAGH I ZA SHIMI

4. Ior mba mlu ve a kaha a u wase kpa vea fatyô u lun azende a ase a dedoo

Bibilo ôr kwagh u Davidi man Yonatan, iorov uhar mba yange ve lu ken Iserael yô. Yonatan yange lu tamen a Davidi yem ica shi lu wan u tor, nahan kpa, ve lu azende a kôôsôô. Ôr 1 Samuel 18:1, maa lam nen sha mpin ne:

• Er nan ve i gbe u a lu mba se lu kwav a ve shin mba mlu ve a zough a u wase tseegh se ya ijende a ve ga?

Ôr Mbaroma 1:11, 12, maa lam nen sha mpin ne:

• Azende a Yehova a doo a ishima aa taver ayol a ve ishima nena?

Ken vidio ne, nenge er anmgbian ugen u a lu gumor yô, yange zua a azende ape hen ér una zua a mi ga yô. Nenge VIDIO i i lu heen ne, maa lam nen sha mbampin mba ve dondo ne.

• Ken vidio la, er nan ve yange ishima za mbamaren mba Akil iyol sha kwagh u mbayev mba lu kôron azende a ve sha makeranta laa?

• Sha hiihii la, lu nyi i na ve Akil soo u kôron ijende a ve?

• Yange er nena ve kera huan un ga?

5. Er u kôr azende a dedoo yô

 KA NYI U HENE?

Ka sea kôr azende a ior sha inja yô, i saan Yehova iyol a vese shi kwagh la a wase se.

Mbampin mba umbur kwagh u i hen yô

• Er nana ve kwagh a gbe Yehova sha kwagh u ior mba ve lu azende a ase?

• Ka unô ior nahan i doo u se palegh u kôron azende a ve?

• U ya ijende kôôsôô a ior mba injaa nena?