E fakafiafia tatou ne taugasoa ‵pili i taimi ‵lei, kae fakamalosi mai i taimi faiga‵ta. Kae fakailoa mai te Tusi Tapu me e se ko tino katoa ne taugasoa ‵lei. Tela la, e filifili pefea ne koe a taugasoa ‵lei? Mafaufau ki fesili konei.

1. Ka pokotia pefea koe i ou taugasoa?

E mafai o fai tatou e pelā mo tino kolā e uke ‵tou taimi e fakamāumāu mo latou. E mafai o ‵lei io me masei te mea tenei—kae se mea tonu te mea tenā faitalia me e fesokotaki ‵tonu koe mo latou io me i luga i te itaneti. E pelā eiloa mo pati i te Tusi Tapu a “te tino e sa‵sale fakatasi mo tino ‵poto ka poto, kae ko te tino telā e fai mea fakatasi mo tino va‵lea [ko tino kolā e se a‵lofa ki a Ieova] ka iku atu ki te masei.” (Faataoto 13:20) A taugasoa kolā e a‵lofa kae tapuaki ki a Ieova e mafai o fesoasoani atu ke fakapilipili koe ki a ia kae ke fai a fakaikuga ‵lei. Kae ko taugasoa ‵pili mai tua o te fakapotopotoga e mafai o fai ne latou ke tapeapea keatea koe mai i a Ieova. E se tioa loa o fakamalosi mai te Tusi Tapu ke ‵poto tatou i te filifiliga o ‵tou taugasoa! Kafai e a‵lofa ‵tou taugasoa ki te Atua, ka maua fakatasi ne tatou a mea aoga. E mafai ne tatou o “tumau i te fakamalosi atu te suā tino ki te suā tino.”—1 Tesalonia 5:11.

2. Ka pokotia pefea a Ieova i ou taugasoa?

E filifili faka‵lei ne Ieova ana taugasoa. “E pili Tena va fakataugasoa mo te tino fai mea tonu.” (Faataoto 3:32) Ka pefea a lagonaga o Ieova māfai e filifili ne tatou a taugasoa kolā e se a‵lofa ki a ia? Ka fanoanoa malosi eiloa a ia! (Faitau te Iakopo 4:4.) I te suā feitu, ka fiafia eiloa a Ieova kae ka filifili ne ia tatou mo fai ana taugasoa, māfai e ‵teke atu tatou ki taugasoa ma‵sei kae fakapilipili atu ki a ia mo tino kolā e a‵lofa ki a ia.—Salamo 15:1-4.

 KELI MALOSI IFO

4. A tino kolā e ‵kese mo tatou e mafai o fai mo ‵tou taugasoa ‵lei

E taku mai i te Tusi Tapu a Tavita mo Ionatana, ne tāgata e tokolua i Isalaelu mua. Ne ‵kese ‵ki lā tausaga mo lā fakanofonofoga, kae ne maua ne lāua se va fakataugasoa fakaofoofogia. Faitau te 1 Samuelu 18:1, ko sau‵tala ei ki te fesili tenei:

• Kaia e se ‵tau ei o fai taugasoa faeloa ki tino kolā e kautama tatou io me e ‵pau ‵tou tulaga i te olaga?

Faitau te Loma 1:11, 12, ko sau‵tala ei ki te fesili tenei:

• E mafai pefea ne taugasoa kolā e a‵lofa ki a Ieova o fakatau fakama‵losi latou?

I te tamā vitio tenei, onoono ki te auala ne maua ei ne se taina talavou ana taugasoa i koga e seki fakamoemoegina. Pei te VITIO, ko sau‵tala ei ki fesili konei.

• I te vitio tenei, kaia ne manava‵se ei a mātua o Akil ki ana taugasoa i te akoga?

• Ne a mea ne fai ei ke ‵gali ki a ia a taugasoa konā i te taimi muamua?

• Ne mafai pefea o manumalo a ia i tena sē sologa?

 5. Auala ke ati aka a va fakataugasoa ‵lei

 MANATU AOGA

Kafai e ‵poto tatou i te filifiliga o ‵tou taugasoa, ko fakafiafia ne tatou a Ieova kae maua foki ne tatou a mea aoga.

Fesili

• Kaia e tāua ei ki a Ieova a taugasoa e filifili ne tatou?

• Ne a vaegā taugasoa e ‵tau o ‵kalo keatea tatou mai i ei?

• E ati aka pefea ne koe a taugasoa ‵pili mo tino ‵tonu?