48-ДӘРИС
Даналиқ билән достларни таллаң
Йеқин достлар шат-хорам чағлиримизда бизгә қошулуп тәң хошал болиду вә еғир күнләрдә бизгә йеқин туруп, күч-мәдәт бериду. Амма Муқәддәс китап һәммила кишиниң бизгә яхши дост болалмайдиғанлиғи һәққидә агаһландуриду. Ундақта, яхши достларни қандақ таллашқа болиду? Төвәндики бирқанчә соалларни муһакимә қилайли.
1. Таллиған достлириңиз сизгә қандақ тәсир қилиду?
Биз адәттә биллә вақит өткүзидиған кишиләргә охшап қелишқа майил. Мәйли биз улар билән үзму үз көрүшәйли яки иҗтимаий алақә торида вақит өткүзәйли, бу бизгә яхши яки яман тәсир қилиши мүмкин. Муқәддәс китапта шундақ йезилған: «Ким данишмәнләр билән алақида болса, У өзиму данишмән болиду. Ким наданлар билән дост болса, У өзиму вәйран болиду» (Пәнд-нәсиһәтләр 13:20). Демәк, Йәһвани сөйидиған вә Униңға ибадәт қилидиған достлар бизниң Йәһваға техиму йеқинлишишимизға вә тоғра қарарларни чиқиришимизға ярдәм берәләйду. Амма Йәһвани сөймәйдиған достлар бизни Униңдин жирақлаштуруп кетәләйду. Мошу сәвәптин, Муқәддәс китап бизни даналиқ билән достларни таллашқа дәвәт қилиду. Достлиримиз Йәһвани сөйидиған кишиләр болса, бизгә яхши тәсир қилиду вә бизму уларға яхши тәсир қилимиз. Униңдин башқа, бир-биримизни давамлиқ рәғбәтләндүрүп, бир-биримизниң ишәнчисини күчәйтәләймиз (Салоникилиқларға 1-хәт 5:11).
2. Кимни дост тутушимиз Йәһва үчүн муһимму?
Йәһва Өзигә достларни таллиғанда еһтиятчан болиду. У һәққаний кишиләрни йеқин дост тутиду (Пәнд-нәсиһәтләр 3:32). Әгәр биз Йәһвани сөймәйдиғанларни дост тутсақ, Йәһва қандақ һис-туйғуда болиду? Униң көңли бәк ағрийду! (Яқуп 4:4ни оқуң) Әксичә, биз яманлар билән достлуқ мунасивитимизни үзүп, Худа вә Уни яхши көридиғанлар билән дост болсақ, У бәк хошал болиду вә бизни дост болушқа таллайду (Зәбур 15:1—4).
ЧОҢҚУРИРАҚ ҚЕЗИҢ
Кимни дост таллаш немә үчүн шунчә муһим? Мәналиқ һаят кәчүрүшкә ярдәм беридиған һәқиқий достлуқни қандақ риваҗландуралайсиз? Бу соаллар үстидә чоңқурирақ ойлинип көрүң.
3. Яман достлардин жирақ туруң
Худани вә Униң өлчәмлирини сөймәйдиған инсанлар яман достлардур. ВИДЕОНИ көрүң, кейин төвәндики соал үстидә ойлинип көрүң.
-
Қандақ қилип өзүмизму сәзмәй яманлар билән дост болуп қалимиз?
Коринтлиқларға 1-хәт 15:33ни оқуң, кейин төвәндики соалларға җавап бериң:
-
Кимләр сизгә яман тәсир қилиши мүмкин? Немә үчүн шундақ ойлайсиз?
Зәбур 119:63ни оқуң, кейин төвәндики соалға җавап бериң:
-
Сиз чоқум қандақ адәмни дост болушқа таллишиңиз керәк?
Бир сесиған алма башқа алмиларни сеситалайду. Бир яман дост сизгә қандақ тәсир қилалиши мүмкин?
4. Пәриқлиқ кишиләр бизниң яхши достлиримиз болалайду
Муқәддәс китапта қедимқи Исраилдики икки кишиниң, йәни Давут билән Йонатанниң достлуғи тәсвирләнгән. Йеши вә шараити бир-биридин пәриқлиқ болсиму, улар йеқин достлуқ орниталиған еди. Самуилниң 1-язмиси 18:1ни оқуң, кейин төвәндики соалға җавап бериң:
-
Немә үчүн достлиримизниң йеши яки җәмийәттики орни һәрдайим бизниңкигә охшаш болуши шәрт әмәс?
Римлиқларға 1:11, 12ни оқуң, кейин төвәндики соалға җавап бериң:
-
Йәһвани сөйидиған достлар бир-бирини қандақ илһамландуралайду?
Бу видеода бир яш бурадәрниң өзи күтмигән җайларда достларни қандақ тапқанлиғини көрүң. ВИДЕОНИ көрүң, кейин төвәндики соаллар үстидә ойлинип көрүң.
-
Немә үчүн Акилниң ата-аниси униң мәктәптики достлиридин ғәм-әндишә қилған?
-
Дәсләптә Акил немә үчүн мәктәптики балилар билән дост болушни халиған?
-
У қандақ қилип ялғузлуқни йәңгән?
5. Йеқин достлуқ орнитиң
Қандақ қилип йеқин дост тапалайсиз вә башқиларниң йеқин дости болалайсиз? ВИДЕОНИ көрүң.
Пәнд-нәсиһәтләр 18:24 вә 27:17ни оқуң, кейин төвәндики соалларға җавап бериң:
-
Һәқиқий достлар бир-биригә қандақ ярдәм бериду?
-
Сизниң шундақ яхши достлириңиз барму? Әгәр болмиса, яхши достларни қандақ тапалайсиз?
Филипиликләргә 2:4ни оқуң, кейин төвәндики соалға җавап бериң:
-
Яхши достларни тепиш үчүн, өзүңиз яхши дост болушиңиз керәк. Яхши дост болуш үчүн немә қилалайсиз?
Яхши достларға еришиш үчүн, өзүңиз яхши дост болушиңиз керәк
БӘЗИЛӘР МУНДАҚ ДӘЙДУ: «Яман достум болсиму, достум бар, достсиз жүргәндин яхши».
-
Сиз буниңға немә дәйсиз?
ХУЛАСӘ
Даналиқ билән дост таллисақ, Йәһвани хошал қилимиз вә бу өзүмиз үчүнму пайдилиқ.
Тәкрарлаш
-
Немә үчүн Йәһва бизниң дост таллишимизға көңүл бөлиду?
-
Биз қандақ достлардин жирақ турушимиз керәк?
-
Бизгә яхши тәсир қилидиған достларни тутуш үчүн немиләрни қилалаймиз?
ИЗДИНИП КӨРҮҢ
Бешимизға күн чүшкәндә яхши достлар қандақ ярдәм берәләйдиғанлиғини көрүң.
«Ахир заман кәлмәй туруп, достлуғимизни мустәһкәмләйли!» («Күзитиш мунари» 2019-жил, ноябрь)
Яхши достларни тепиш үчүн немиләрни қилалайдиғанлиғиңиз һәққидә ойлинип көрүң.
«Яхши достларни тепиш үчүн немә қилалаймән?» («Яшларниң соаллири. Әмәлий мәслиһәтләр» 1-қисим, 8-бап)
Торда достлуқ орнитиш һәққидә немиләрни билишиңиз керәк?
«Мән атиға интизар болған едим» намлиқ тәрҗимиһалдин бир кишиниң илгирики достлири билән алақисини немә үчүн үзгәнлигини биливелиң.
«Муқәддәс китап һаятни өзгәртиду» («Күзитиш мунари» 2012-жил, 1-апрель)
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
