UYONO 48
Vwẹ Aghwanre Sanẹ Igbeyan Wẹn
Igbeyan toroba aghọghọ rẹ ohwo vwẹ ọke emu de shephiyọ, ayen je bọn ohwo gan vwẹ ọke ọgangan. Ẹkẹvuọvo, Baibol na si avwanre orhọ nẹ ọ dia ihwo eje yen omamọ rẹ igbeya-an. Kẹ, mavọ yen a sa vwọ sanẹ omamọ rẹ igbeyan? Roro kpahen enọ nana.
1. Mavọ yen igbeyan wọ sanere se vwo wene oka rẹ ohwo ru wọ hepha?
Avwanre vwẹrokere ihwo re nene ghwọrọ ọke kuẹgbe. Ọnana se wene avwanre vwọrẹ erhuvwu yẹrẹ umiovwo, te avwanre vẹ ayen ta ota kugbe vwẹ otọ yẹrẹ womarẹ intanẹti. Kirobo rẹ Baibol na tare, “ohwo rọ yan nene ẹvwaghwanre ko vwo aghwanre, ẹkẹvuọvo ugbeyan rẹ ẹkpa [ihwo ri vwo ẹguọnọ ri Jihova-a] kọ re oja.” (Isẹ 13:20) Ihwo ri vwo ẹguọnọ ri Jihova sa chọn wẹ uko vwo sikẹrẹ Jihova ji bru omamọ rẹ orhiẹn. Ẹkẹvuọvo, a da vwẹ ugbeyan mu ihwo rehẹ ukoko na-a, ayen se si avwanre nẹ ẹbẹre ri Jihova. Kọyensorọ Baibol na vwọ tanẹ a vwẹ aghwanre sanẹ igbeyan rẹ avwanre! A da vwẹ ugbeyan mu ihwo re ga Jihova, avwanre vẹ ayen cha mrẹ erere. E che “bru ohwohwo uche” je “kpọ ohwohwo vi.”—1 Tẹsalonaika 5:11.
2. Mavọ yen oma che ru Jihova fikirẹ oka rẹ igbeyan ru wọ sanere?
Jihova nabọ sanẹ igbeyan rọyen. “Ọ vwẹ ẹro sua ohwo rọ dia ọvwata.” (Isẹ 3:32) Mavọ yen oma che ru Jihova avwanre da sanẹ igbeyan ri vwo ẹguọnọ rọye-en? Oma cha vwerhọ-ọn! (Se Jems 4:4.) Ẹkẹvuọvo, oma cha vwerhen Jihova, ọ me je reyọ avwanre kerẹ igbeyan siẹrẹ a da sen erharhe rẹ igbeyan ji sikẹrẹ vẹ ihwo ri vwo ẹguọnọ rọyen.—Une Rẹ Ejiro 15:1-4.
HIẸ KODO
Roro kpahen oboresorọ igbeyan re muẹ vwọ ghanre, wọ je mrẹ obo wo se vwo mu igbeyan re sa kẹ wẹ erere.
3. Kẹnoma kẹ erharhe rẹ igbeyan
Ihwo ri vwo ẹguọnọ ri Jihova vẹ iwan rọye-en eyen erharhe rẹ igbeyan. Hworo IVIDIO na, ovwan ta ota kpahen onọ ro nenire.
-
Mavọ yen a sa vwọ vwẹ erharhe rẹ ihwo mu igbeyan vwọrẹ jẹriẹn?
Se 1 Kọrẹnt 15:33, ovwan ta ota kpahen enọ nana:
-
Oka rẹ ohwo vọ yen sa dia orharhe rẹ ugbeyan vwọ kẹ wẹ? Kẹ, diesorọ?
Se Une Rẹ Ejiro 119:63, ovwan ta ota kpahen onọ nana:
-
Die yen ofori nẹ wọ guọnọ vwẹ oma rẹ ugbeyan?
Omamọ ọvo ro gbonri se miovwo i ri chekọ. Mavọ yen orharhe rẹ ugbeyan ọvo se vwo wene uwe?
4. Ihwo re fẹnẹ avwanre sa dia omamọ rẹ igbeyan
Baibol na djunute Devid vẹ Jonatan re dia eshare rẹ Izrẹl awanre. Dede nẹ ukpe vẹ ẹdia rẹ ayen hepha fẹnẹre, ayen je dia omamọ rẹ igbeyan. Se 1 Samuẹl 18:1, ovwan ta ota kpahen onọ nana:
-
Diesorọ o vwo fo nẹ a vwẹ edjedje yẹrẹ ohwo ra vẹ gbahẹ ẹdia vuọvo vwẹ ekogho vwo mu ugbeyan ọkieje-e?
Se Rom 1:11, 12, ovwan ta ota kpahen onọ nana:
-
Mavọ yen ihwo ri vwo ẹguọnọ ri Jihova se vwo bru ohwohwo uche?
Vwevunrẹ ividio nana, mrẹ oborẹ eghene ọshare ọvo vwọ mrẹ igbeyan vwẹ asan ro rhẹro rọye-en. Hworo IVIDIO na, ovwan ta ota kpahen onọ ro nenire.
-
Vwevunrẹ ividio na, diesorọ ọsẹ vẹ oni rẹ Akil vwọ guọnọ riẹn kpahen igbeyan ro muẹ vwẹ isikuru?
-
Die yen nẹrhẹ igbeyan rọyen na je vwẹ ẹsosuọ?
-
Mavọ yen o se vwo phi ẹdia rẹ ọruvwohwo kparobọ?
5. Obo re se vwo vwo omamọ rẹ igbeyan
Mrẹ obo wo se vwo vwo omamọ rẹ igbeyan, je dia omamọ rẹ ugbeyan. Hworo IVIDIO na.
Se Isẹ 18:24 kugbe 27:17, ovwan ta ota kpahen enọ nana:
-
Mavọ yen uvi rẹ igbeyan sa vwọ chọn ohwohwo uko?
-
Wo vwo omamọ rẹ igbeyan tiọyen? Ọ rha dia ọtiọye-en, mavọ yen wo se vwo vwo?
Se Filipae 2:4, ovwan ta ota kpahen onọ nana:
-
Wo se vwo vwo omamọ rẹ igbeyan, ofori nẹ wọ dia omamọ rẹ ugbeyan. Mavọ yen wo se vwo ru ọtiọyen?
Wo se vwo vwo omamọ rẹ igbeyan, ofori nẹ wọ dia omamọ rẹ ugbeyan
IHWO EVO TA: “Koka koka rẹ igbeyan yovwin vrẹ odiodi.”
-
Die yen wọ cha ta?
ỌDJẸKOKO
A da vwẹ aghwanre sanẹ igbeyan, ke se ru ọhọre ri Jihova ji mrẹ erere komobọ.
Ẹrhomafuẹrẹn
-
Diesorọ igbeyan rẹ avwanre muẹ vwọ ghanre kẹ Jihova?
-
Oka rẹ igbeyan vọ yen ofori nẹ a kẹnoma kẹ?
-
Mavọ yen wọ sa vwọ vwẹ omamọ rẹ ihwo vwo mu igbeyan?
HIẸ GUỌNỌ
Mrẹ oborẹ omamọ rẹ igbeyan sa vwọ chọn avwanre uko vwẹ ọke rẹ edavwini.
“Vwo Omamọ rẹ Oyerinkugbe vẹ Iniọvo Wẹn Bẹsiẹ Oba na Vwo Te” (Uwevwin Orhẹrẹ ri November 2019)
Mrẹ obo wo se ru vwo mu omamọ rẹ igbeyan.
Die yen ofori nẹ wọ riẹn kpahen igbeyan re muẹ vwẹ intanẹti?
Vwẹ ikuegbe rẹ “Urhuru rẹ Ọsẹ Mẹ si Vwe,” mrẹ obo re nẹrhẹ ọshare ọvo rhoma fuẹrẹn igbeyan ro vwori.
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
