L’è tanto bel gaver amighi, parché podemo divertirse insieme e lori i pol giutarne quando ne ocore. Ma la Bìblia la dise che gnanca tute le persone le ze bone amighe. Alora, come che podemo scòlier boni amighi? Ndemo veder arquante robe che le pol giutarne.

1. Come che i amighi che te scoli i pol giutarte o intrigarte?

L’è tanto fàcile scominsiar a pensar e far le robe compagno dei nostri amighi, anca se parlemo con lori sol par meso dela internet. Ma sarà che l’è bon ndar drio i nostri amighi? La Bìblia la dise che ‘la persona che la va con quel che el ga el saver la deventarà sàbia. Ma quela che la va insieme coi stùpidi, o sia, con quei che no i ama mia a Geovà, no la finirà ben’. (Proverbi 13:20) Alora, amighi che i ama e i serve a Geovà i ne giutarà a gaver una amicìssia ancora pi forte con lu e a far bone dessision nela vita. Ma amighi che no i ama a Geovà i pol intrigar la nostra amicìssia con lu. Par quela, la Bìblia la dise che ghemo de scòlier ben i nostri amighi. Quando ghemo bravi amighi, semo boni de giutarse un al altro. Par esémpio, noantri semo boni de ‘incoraiarse un al altro’. — 1 Tessalonissensi 5:​11.

2. Come che Geovà el se sente cola nostra scólia de amighi?

Geovà el scòlie tanto ben i so amighi. La Bìblia la dise che lu el ga una ‘forte amicìssia con quei che i ze giusti’. (Proverbi 3:​32) E come che Geovà el se sente quando scoliemo gaver amighi che no i lo ama? Lu el resta tanto disgustà. (Ledi Tiago 4:4.) Ma lu el resta tanto contento e el vol esser nostro amigo quando scoliemo gaver amighi che i lo ama e stemo distante de brute amicìssie. — Salmo 15:​1-4.

 IMPARA DE PI!

4. Anca quei che i ze tanto difarenti de noantri i pol esser boni amighi

La Bìblia la conta la stòria de Davi e Gionatan, che i era due òmini dela nassion de Israel. Gionatan l’era tanto pi vècio de Davi e l’era el fiol del rè dela nassion. Anca cossita, lori i gavea una bela amicìssia. Ledé 1 Samuel 18:1, e dopo, parlé sora questo:

• Parché che i nostri amighi no ghe ocore gaver la medèsima età o le medèsime robe nela vita che noantri?

Ledé Romani 1:11, 12, e dopo, parlé sora questo:

• Come che amighi che i serve a Geovà i pol incoraiar un al altro?

Par capir come che un gióveno el ga fato un amigo che mai el pensea, vardé el VÌDEO, e dopo, parlé sora questo.

• Parché che i genitori del toso i era preocupadi cole amicìssie che lu el gavea nela scola?

• Parché che de scomìnsio ghe piasea quei amighi?

• Cossa galo fato par no sentirse pi lu sol?

 5. Come che te pol gaver boni amighi?

COSSA CHE TE GHÈ IMPARÀ?

Quando scoliemo ben i nostri amighi, ghemo una vita meio e assemo Geovà contento.

Sito bon de ricordarte?

• Parché che Geovà el vol che scoliemo ben i nostri amighi?

• De che tipo de persone no volemo esser amighi?

• Come che te pol gaver bone amicìssie?