TIMIRTTE 48
Ne Laggeta Akeekan Doora
Nu mata laggeti nuuni loˈˈo wodiyan keehi ufayttanaadan, qassi iita wodiyan minettanaadan oottoosona. SHin Geeshsha Maxaafay ubba asay loˈˈo lagge gidana danddayennaagaa yootees. Yaatin loˈˈo laggiyaa waata doorana danddayay? Kaallidi deˈiya oyshata qoppa.
1. Ne laggeti nena waatana danddayiyoonaa?
Nuuni intternneetiyan gidin woy etaara issisan gayttidi amarida asatuura daro wodiyaa aattikko, etaagaadan qoppoosinne etadan hanoos. Geeshsha Maxaafay, “Aadhdhida eranchcha asatuura hemettiya asi aadhdhida eranchcha gidees; shin eeyya asatuura hemettiya asi metuwan gelees” yaagees. (Leemiso 13:20) Yihoowa siiqiyaanne awu goynniya laggeti neeni awu dabbo gidada deˈanaadaaninne loˈˈobaa kuuyanaadan maaddana danddayoosona. SHin nu mata laggeti A siiqana xayikko, nuna Yihoowappe haassana danddayoosona. Geeshsha Maxaafay nu laggeta akeekan dooranaadan nuna zoriyoy hegaassa! Nu laggeti Xoossaa siiqiyaageeta gidikko, issoy issuwaa kaafoos. Qassi, ‘issoy issuwaa minttettananne maaddana’ danddayoos.—1 Tasalonqqe 5:11.
2. Neeni laggiyaa dooriyo dooroy Yihoowa ufayssanee?
Yihooway ba dabbota akeekan doorees. “Suuretuyyo i ulottees.” (Leemiso 3:32) Nuuni Yihoowa siiqenna laggeta doorikko, awu aybi siyettanee? I keehi azzanana! (Yaaqooba 4:4 nabbaba.) SHin nuuni iita asatuura laggetiyoogaa aggidi, Yihoowaaranne A siiqiyaageetuura dabbotikko, I ufayttananne nuna ba dabbo oottana.—Mazamure 15:1-4.
LOYTTA AKEEKA
Neeni loˈˈo laggiyaa dooriyoogee keehi koshshiyoy aybissakkonne nena tumuppe maaddiya laggeta waata demmanaakko akeeka.
3. Iita laggeta doorennaadan naagetta
Xoossaanne I kessido maaraa siiqennaageeti iita lagge. BIIDUWAA beˈite; yaatidi kaallidi deˈiya oyshaa tobbite.
-
Nuuni akeekennan iita asatuura waani laggetana danddayiyoo?
Koyro Qoronttoosa 15:33 nabbabite; yaatidi ha oyshata tobbite:
-
Neessi iita lagge gidana danddayiyay ay mala asatee? Aybissi?
Mazamure 119:63 nabbabite; yaatidi ha oyshaa tobbite:
-
Neeyyo issi uri loˈˈo lagge gidanaakkonne aybin eruutee?
Issi wooqqida appilee harata ubbaa moorana danddayees. Issi iita laggee nena waati qohana danddayii?
4. Nuuppe dummatiya asati nuuyyo loˈˈo lagge gidana danddayoosona
Geeshsha Maxaafay beni Israaˈeelan deˈida, Daawitanne Yonaataana giyo naaˈˈu asatubaa yootees. Yonaataani Daawitappe keehi gastta, qassi kawuwaa naˈa; gidoppe attin, eti keehi loˈˈo lagge. Koyro Sameela 18:1 nabbabite; yaatidi ha oyshaa tobbite:
-
Nuuni layttan woy haraban nunaara issi mala asatu xallaara laggetana koshshennay aybissee?
Roome 1:11, 12 nabbabite; yaatidi ha oyshaa tobbite:
-
Yihoowa siiqiya laggeti issoy issuwaa waati minttettana danddayiyoonaa?
Issi yelaga ishay I qoppibeenna sohuwan laggeta waati demmidaakko ha biiduwan beˈa. BIIDUWAA beˈite; yaatidi kaallidi deˈiya oyshata tobbite.
-
Neeni ha biiduwan beˈidoogaadan, Akili timirtte keettan laggetidoogeetubay A aawaanne aayyiyo qofissidoy aybissee?
-
He laggetettaa I koyro ayssi dosidee?
-
I boorasiyoogaa waati aggidee?
5. Loˈˈo laggeta waata demmana danddayay?
Loˈˈo laggeta demmanawunne neenikka haratussi loˈˈo lagge gidanawu ay oottanaakko akeeka. BIIDUWAA beˈite.
Leemiso 18:24nne 27:17 nabbabite; yaatidi ha oyshata tobbite:
-
Tumu laggeti issoy issuwaa waati maaddiyoonaa?
-
Neeyyo hegaa mala loˈˈo laggee deˈii? Deˈana xayikko, waata demmana danddayay?
Piliphphisiyuusa 2:4 nabbabite; yaatidi ha oyshaa tobbite:
-
Loˈˈo lagge demmanawu, neenikka haratussi loˈˈo lagge gidana koshshees. Hegawu ay oottana danddayay?
Loˈˈo laggeta demmanawu neenikka haratussi loˈˈo lagge gidana koshshees
ISSI ISSI ASAY HAGAADAN GEES: “Lagge xayiyoogaappe oonaaranne laggetiyoogee keha.”
-
Woygada zaaruutee?
AY AKEEKADII?
Nu laggeta akeekan dooriyoogee Yihoowa ufayssees, qassi nunakka maaddees.
Zaaretuwaa
-
Yihooway nuuni loˈˈo laggeta dooranaadan koyiyoy aybissee?
-
Nuuni ay mala asatuura laggetana koshshennee?
-
Neeni loˈˈo laggeta demmanawu ay oottana danddayay?
PILGGA
Loˈˈo laggeti meto wodiyan nuna waati maaddana danddayiyaakko beˈa.
“Wurssettay Yaanaappe Kase Mino Laggetettaa Medhdha” (Wochchiyo Keelaa, Hidaare 2019)
Neeni loˈˈo laggeta demmanawu ay oottana danddayiyaakko qoppa.
Intternneetiyan laggetiyoogaa xeelliyaagan neeni ay erana koshshii?
Soshiyal Networkiyaa Goˈettiyo Ogiyan Akeekancha Gida (4:12)
“Aawaa siiqoy Tana Keehi Yeemoyiis” giyaagan, issi asi hara laggeta dooridoy aybissakko akeeka.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
