An duok nga mga sangkay nakakadugang ha aton kalipay ha mag-opay nga panahon, ngan ginpaparig-on kita nira ha magkuri nga panahon. Pero an Biblia nagpapahamangno ha aton nga diri ngatanan maopay nga sangkay. Salit paonan-o ka makakapili hin mag-opay nga sangkay? Usisaha an masunod nga mga pakiana.

1. Paonan-o an imo ginpipili nga mga sangkay makakaapekto ha imo?

May tendensya kita nga magin pariho han mga tawo nga aton kaupod-upod. Puydi hira magin maopay o maraot nga impluwensya​—personal man naton hira nga nakakaupod o pinaagi ha social media. Sugad han siring han Biblia, “an tawo nga naglalakat upod han mga maaramon magigin maaramon, pero an tawo nga nakikig-upod ha mga lurong [an mga diri nahigugma kan Jehova] maghihikaraot.” (Proberbios 13:20) An mga sangkay nga nahigugma ngan nagsisingba kan Jehova makakabulig ha imo nga makapabilin nga duok ha iya ngan makahimo hin mag-opay nga desisyon. Pero an duok nga mga sangkay nga diri nahigugma kan Jehova puydi magpahirayo ha aton tikang ha iya. Salit diri urusahon nga an Biblia nag-aaghat ha aton nga magin maaramon ha pagpili han aton kasangkayan! Kon an aton mga sangkay nahigugma ha Dios, magpapahimulos kita ngan sugad man hira. ‘Padayon nga madadasig naton an usa kag usa ngan mapaparig-on an usa kag usa.’​—1 Tesalonica 5:11.

2. Ano an magigin epekto kan Jehova han imo ginpipili nga mga sangkay?

Ginpipili hin maopay ni Jehova an iya mga sangkay. “Duok Hiya nga sangkay han magtadong.” (Proberbios 3:32) Ano daw la an aabaton ni Jehova kon magpipili kita hin mga sangkay nga diri nahigugma ha iya? Masusubo gud hiya! (Basaha an Santiago 4:4.) Ha luyo nga bahin, malilipay hi Jehova ngan pipilion kita niya nga sangkay kon lilikyan naton an magraot nga kaupod ngan magin duok ha iya ngan ha mga nahigugma ha iya.​—Salmo 15:​1-4.

 DUGANG NGA USISAHA

4. An mga tawo nga iba ha aton puydi naton magin mag-opay nga sangkay

Ha Biblia, gin-uunabi hira David ngan Jonathan, duha nga lalaki ha kadaan nga Israel. Daku hinduro an diperensya han ira edad ngan magkaiba an ira kahimtang ha kinabuhi; kondi duok gud hira nga magsangkay. Basaha an 1 Samuel 18:​1, katapos, hisguti niyo ini nga pakiana:

• Kay ano nga an aton mga sangkay diri kinahanglan nga pirme kaedad naton o kapariho hin kahimtang ha kinabuhi?

Basaha an Roma 1:​11, 12, katapos, hisguti niyo ini nga pakiana:

• Paonan-o an magsangkay nga nahigugma kan Jehova nagdidinasigay ha usa kag usa?

Hini nga video, kitaa kon paonan-o an usa nga batan-on nga brother nakabiling hin mga sangkay ha diri ginlalaoman nga mga lugar. I-play an VIDEO, katapos, hisguti niyo an masunod nga mga pakiana.

• Ha video, kay ano nga nabaraka an mga kag-anak ni Akil mahitungod ha iya kasangkayan ha eskwelahan?

• Kay ano nga ha siyahan naayon hiya hito nga iya kasangkayan?

• Paonan-o niya nalamposan an iya kasubo?

 5. Kon paonan-o makukultibar an maopay nga pagkamagsarangkay

 SUMARYO

Kon maaramon kita ha pagpili han aton mga sangkay, napapalipay naton hi Jehova ngan nagpapahimulos kita.

Repaso

• Kay ano nga importante kan Jehova an aton ginpipili nga mga sangkay?

• Ano nga klase hin mga sangkay an kinahanglan naton likyan?

• Paonan-o ka magkakaada marig-on nga pakigsangkay ha maopay nga klase hin mga tawo?