დუდ 48
გონივრულო გეგშეგორით მეგობრეფ
ხოლოშიან მეგობრეფს ჯგირ დროს ჩქინდა უმოს ხიოლ მოუღნა დო გაჭირებაშ დროს მამანგარენა. მარა ბიბლია მაფრთხილენა, ნამდა არძა ვა რე ჯგირ მეგობარ. ათეშენ, მუჭო შეილებნა ჯგირ მეგობრეფიშ გიშაგორუა? მორთ გუვარჩუათ თუდო მოჩამილ კითხვეფ.
1. მუჭო იმოქმედენს თქვანდა თი მეგობრეფ, ნამდგას გიშეგორუნთ?
მუჟამსით რეალურო ვარდა ინტერნეტიშ საშვალებათ ბრელ დროს ვატარენთ ნამთინე ადამიანწკუმა, ჩქინ საქციელ დო აზროვნება თინეფიშის აგურუ. მუჭოთ ბიბლია იჩიებ, „მით ბრძენეფწკუმა გილურს, დებრძენებ, უგუნურეფწკუმა [მით ვეჩინენს იეჰოვას] საქმეშ დუმაკინებელ უბედრობას ქიმიკინდუანს“ (იგავები 13:20). თიცალ მეგობრეფ, მიდგას იეჰოვა უჸორა დო თის ომსახურნა, ქიმგეხვარებნა, ვადინუათ თიწკუმა ხოლოშიან ურთიერთობა დო მიღათ სწორ გადაწყვეტილებეფ. მარა თიცალ მეგობრეფქ, მიდგას ვა უჸორა იეჰოვა, შილებე გილაილუან თიწკუმა ურთიერთობა. ზუსტას ათეშენ ელამჩანა ბიბლია, ნამდა მეგობრეფ გონივრულო გიშებგორათ. მეგობრეფო იეჰოვა უჸორან ფერ ადამიანეფ ქოპუნან-და, თენა ქოთ ჩქი მომღანა ჯგირობუას დო ქოთ თინეფს. ჩქი შემლებნა გურშა ელვუკინათ დო გუვამანგარათ ართიან (1 თესალონიკელები 5:11).
2. მუჭო იმოქმედენს იეჰოვაშა თინა, მუნერ მეგობრეფს გიშეგორუნთ?
იეჰოვა მეგობრეფს დაკვირებულო გიშეგორუნს. თინა „მართალეფწკუმა მეგობრენს“ (იგავები 3:32). მუჭო იგინანდჷ იეჰოვა დუდის მუ ვა უჸორსინ ფერ მეგობრეფს გეგშებგორუნდით-და? თის მანგარო გუტირხუდ გურ (წეკითხით იაკობიშ 4:4. მარა, თეშ გინაწონს, მანგარ გახარებულ იჸუაფ, მუჟამსით გლახა საზოგადოებაწკუმა ვა მაღვენუნა ურთიერთობა დო დევეახლოებუთ იეჰოვას დო თი ადამიანეფს, მიდგას უჸორა თინა (ფსალმუნი 15:1—4).
ქიგეგით უმოს
ქიგეგით, მუშენ რე მნიშვნელოვან, მის გიშებგორუნთ მეგობრეფო დო მუჭო შეილებნა გავითარათ თიცალ მეგობრობა, ნამუთ ჯგირო იმოქმედენს თქვანდა.
3. გლახა საზოგადოება
გლახა საზოგადოებაშა მიშულა თინეფ, მიდგას ვა უჸორა იეჰოვა დო ვა ცხოვრენა თიშ ნორმეფით. ქოძირით ვიდეო დო უკულ გარჩით თუდო მოჩამილ კითხვა:
-
მუჭო შილებე შურო ვებგინათინ თეშ, გლახა საზოგადოებაწკუმა დიბჭყათ ურთიერთობა?
წეკითხით 1 კორინთელეფიშ 15:33 დო უკულ გარჩით თუდო მოჩამილ კითხვა:
-
მუნერ პიროვნება შილებე თქვანო გლახა საზოგადოება რდას დო მუშენ?
წეკითხით ფსალმუნეფიშ 119:63 დო უკულ გარჩით თუდო მოჩამილ კითხვა:
-
მუს ოკო მიაქცუათ ყურადღება მეგობრეფიშ გიშაგორუაშ დროს?
ართ ჸორადილ უშქურ შხვეფს ხოლო დოჸორიდუნს. მუჭო შილებე ართ გლახა მეგობარქ თქვანდა იმოქმედას
4. ჩქინდე განსხვავებულ ადამიანეფქ შილებე ჩქინ მეგობრეფო გინირთან
ბიბლია მიშინუანს ისრაელს მახორუ ჟირ კოჩის, დავით დო იონათანს, მიდგას შხვადოშხვა ხან დო მდგომარეობა უღდეს, მარა ჯგირ მეგობრეფ რდეს. წეკითხით 1 სამუელიშ 18:1 დო უკულ გარჩით თუდო მოჩამილ კითხვა:
-
მუშენ ვა რე აუცილებერ, ჩქინ მეგობრეფს ჩქინცალ ასაკ დო სოციალურ მდგომარეობა უღდან?
წეკითხით რომაელეფიშ 1:11, 12 დო უკულ გარჩით თუდო მოჩამილ კითხვა:
-
მუჭო ელუკინანა გურშა ართიანს თი მეგობრეფ, მიდგას უჸორა იეჰოვა?
ქოძირით, მუჭო მიოგორუ ართ ჯიმაქ მეგობრეფს თექ, სოდეთ ველუდ. ქოძირით ვიდეო დო უკულ გარჩით თუდო მოჩამილ კითხვეფ.
-
მუშენ წუხენდეს აკილიშ მშობლეფ თიშ სკოლაშ მეგობრეფიშ გურშენ?
-
მუ მიზეზეფიშ გურშენ დემეგობრჷ აკილქ დუდშე თინეფს?
-
მუჭო გიორჯგინ თიქ ხვალახეობაშ გრძნობას?
5. მუჭო გუვავითარათ ჯგირ მეგობრობა
ქიგეგით, მუჭო გორათ ნამდვილ მეგობრეფ დო მუჭო შეილებნა თქვა ხოლო რდათ ჯგირ მეგობარ. ქოძირით ვიდეო.
წეკითხით იგავეფიშ 18:24 დო 27:17 დო უკულ გარჩით თუდო მოჩამილ კითხვეფ:
-
მუჭო ოხვარნა ნამდვილ მეგობრეფ ართიანს?
-
თქვა ქოიღნანო თეცალ ჯგირ მეგობრობა? თაშ ვა რენ-და, მუჭო შეილებნა თიშ გავითარება?
წეკითხით ფილიპელეფიშ 2:4 დო უკულ გარჩით თუდო მოჩამილ კითხვა:
-
ქუგოკონა ჯგირ მეგობრეფ ქორჸუნდან-და, თქვა ხოლო ჯგირ მეგობრეფ ოკო რდათ. მუჭო შეილებნა თეშ კეთება?
ჯგირ მეგობრეფ ქორჸუნდანინ ქუგოკონან-და, თქვა ხოლო ჯგირ მეგობარ ოკო რდათ
ნამთინექ შილებე თქუას: „მეგობრეფიშ გიშაგორუა თაშ ქიდიჭყჷ-და, შურო ვა გაჸვენუ მეგობარ“.
-
თქვა მუს თქუანდით?
დასკვნა
მუჟამსით მეგობრეფს გონივრულო გიშებგორუნთ, გურს ვუხარენთ იეჰოვას დო ჩქინ დუდშა ხოლო ჯგირობუა მომღუნა.
გამეორებელ კითხვეფ
-
მუშენ აქციენს იეჰოვა ყურადღებას, მის გიშებგორუნთ მეგობრეფო?
-
მუნერ ადამიანეფწკუმა მეგობრობას ოკო ევუჩილითუათ დუდ?
-
მუჭო შეილებნა გავითარათ ძალიერ მეგობრობა ჯგირ ადამიანეფწკუმა?
დამატებით მასალა
ქოძირით, მუჭო შეულებნა ჯგირ მეგობრეფს სირთულეეფიშ დროს თქვან მოხვარა.
„გამანგარით მეგობრულ ურთიერთობეფ აღსასრულიშ მონჭაფაშა“ („გინაჯინალ კოშკი“ ნოემბერი, 2019 წ.)
დეფიქრით თი პრაქტიკულ ნაბიჯეფშე, ნამუთ მიგეხვარებნა, რჸუნდან ჯგირ მეგობრეფ.
„მუჭო ბგორათ ჯგირ მეგობრეფ?“ („ახალგაზრდეფიშ შეკითხვეფ“ ტომ 1, დუდ 8)
მუ ოკო მიჩქუდან ონლაინ მეგობრობაშ გურშენ?
ბიოგრაფიაშე: „მუმა მონატრუდ“, ქიგეგით, მუქ აღძრჷ ართ კოჩ დოთირუკო მეგობრეფ.
„ბიბლია ხალხიშ ცხოვრებას თირანს“ („გინაჯინალ კოშკი“ 1 აპრილი, 2012 წ.)
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
