Ra bay e fager rodad nib chugur thildad ma rayog ni ngar gelnaged e felfelan’ rodad ko ngiyal’ nib fel’ gubin ban’en u puluwdad, mu kur pied e athamgil ngodad u nap’an ni kad mada’naged e magawon. Machane be yog e Bible ni gathi gubin e girdi’ ni yad e fager nib manigil. Ere uw rogon ni ngam mel’eg boch e fager nib manigil? Am lemnag e gal deer ni baaray.

1. Mang angin ara wenegan nra yib ngom ni bochan e piin ga ma mel’eg ni ngar manged fager rom?

Faanra bay boch e girdi’ ni yug gad ma chag ngorad ara gad ma non ngorad ko Internet, ma aram e rayog ni ngaud ngongolgad ma gad be lem ni bod yad. Be yog e Bible ni ga ra “mpachegem ngak e piin ni yad ba gonop me yog e gonop ngom. Mm’agem ngak e girdi’ ni balyang [piin nde t’uf Jehovah rorad] ma ga kireb.” (Proverbs 13:20) Pi fager nib t’uf Jehovah rorad ma yad ma liyor ngak e rayog ni ngar ayuweged gur ni ngam par ni gab chugur ngak Jehovah mag dugliy boch ban’en nib fel’ rogon. Machane faan gad ra m’ag fager ngak e piin nde t’uf Jehovah rorad, ma rayog ni ngar palognaged gadad rok. Aram fan ni be pi’ e Bible e athamgil nga lanin’dad ni ngad fal’eged i mel’eg e piin ngar manged fager rodad! Faan gad ra m’ag fager ngak e piin nib t’uf Got rorad, ma ra yib angin ngodad miki yib angin ngorad. Rayog ni ‘nge bagadad mi i pi’ e athamgil nga laniyan’ bagadad, me bagadad mi i ayuweg bagadad.’​—1 Thessalonika 5:11.

2. Uw rogon u wan’ Jehovah e piin ga ma mel’eg ni ngar manged fager rom?

Jehovah e ma fal’eg i mel’eg e piin ngar manged fager rok. “Ma fek e girdi’ nib mat’aw ngar manged tafager rok.” (Proverbs 3:32, BT) Uw rogon u wan’ Jehovah ni faan gad ra mel’eg boch e fager ndarur t’ufeged? Rra kireban’ ngay! (Mu beeg e James 4:4.) Machane faanra dab ud chaggad ngak e piin nib kireb e ngongol rorad mad chugurnaged gadad ngak Jehovah nge piin yad ma t’ufeg, ma aram e gad ra felfelan’nag miki mel’egdad ni ngad manged fager rok.​—Psalm 15:1-4.

 KUM FIL BOCH BAN’EN U MURUNG’AGEN

4. Girdi’ nib thil rarogodad e ku rayog ni ngar manged fager rodad

Be weliy e Bible murung’agen l’agruw e pumoon u Israel kakrom ni ka nog David nge Jonathan ngorow. Ba thil yangarrow nge rarogon e par rorow, machane rib fel’ e fager rorow. Mu beegew e 1 Samuel 18:1, mi gimew weliy e fulweg ko re deer ni baaray:

• Mang fan nde t’uf ni nge taareb yangardad ara rarogodad be’ ni faanra nge mang fager rodad?

Mu beegew e Roma 1:11, 12, mi gimew weliy e fulweg ko re deer ni baaray:

• Uw rogon nrayog ni nga i pi’ e pi fager nib t’uf Jehovah rorad e athamgil nga lanin’dad?

Mu yaliy rogon ni pirieg reb e walag ni kab pagel boch e fager u bang nde lemnag nra pirieg e fager riy. Mu yaliyew e re VIDEO ney, mi gimew weliy e fulweg ko pi deer ni baaray.

• Mang fan ni i magafan’ e gallabthir rok Akil ni bochan e piin be chag ngorad u skul?

• Mang fan ni adag ni nga i chag ko pi girdi’ nem ko som’on?

• Uw rogon ni yag ni nge dabki kireban’ ndariy e fager rok?

 5. Rogon ni nge yag boch e fager ngom nib manigil

 N’EN KAN FIL

Faan gad ra fal’eg i mel’eg e piin ngar manged fager rodad, ma aram e gad ra felfelan’nag Jehovah miki yib angin ngodad.

Ngan Sul u Daken

• Mang nib ga’ fan u wan’ Jehovah e piin gad ma mel’eg ni ngar manged fager rodad?

• Ba miti mang girdi’ e susun e dab da mel’eged ni ngar manged fager rodad?

• Uw rogon nrayog ni ngari fel’ thilmed e piin nib t’uf Jehovah rorad?