DILONGI 48
Zaba sobula bakundi
Tueta zola viokisa thangu yimboti ayi bakundi beto ayi tuzebi ti tulenda batudila ntima mu thangu ziphasi. Bibila kieta tubila kikundi. Kieta tusadisa tuzaba sobula bakundi beto. Tutala mambu mo kilembo tutombi tuvanga mu diambu ditadidi sobula bakundi.
1. Bila mbi diambu ditedi sobula bakundi beto difueti bela mfunu?
Bobuawu wunluta viokisa thangu ayi mutu, buawu wulenda kunsokudila mu phila yimboti voti yimbimbi. Buawu phe buididi, buba ti bakundi beto mu nzila yi interneti tueta soludila yawu. Banga kuandi phila Bibila kitubidi ti, “wundiatanga ayi badi nduenga wela ba nduenga vayi wudiatanga ayi babuzengi [yinsundula bobo ka bazolanga ko Yehova] wela bungu.” (Zingana 13:20) Bakundi bo beta zola Yehova balenda kutusadisa tutatamana ba bafikama kuidi niandi ayi tuzaba baka zinzengolo zimboti. Vayi bakundi bo ka bazolanga ko Yehova, balenda kututatula kuidi niandi. Diawu zaba sobula bakundi didi diambu dimfunu! Mu thangu bakundi beto badi batu bo beta zola Yehova, bawu ayi beto matubaka mamboti. Banga kuandi phila Bibila kitubidi, ‘matubaka diluaku dilubasananga ayi tungasananga betu na betu.’—1 Tesalonika 5:11.
2. Bila mbi zaba sobula bakundi beto didi diambu dimfunu kuidi Yehova?
Yehova kasobulanga ko nioso kuandi mutu ka ba nkundi’andi. “Niandi weta tula kikundi ayi batu basonga.” (Zingana 3:32) Bue Yehova kalenda muena enati sobudi bakundi bo kabansadilanga ko? Mu kondo finda phaka kela sie yangalala ko. (Tanga Zaki 4:4.) Yehova makamona khini enati tunsobudi ka ba nkundi’eto ayi tulozidi bakundi bambimbi ayi ti tumfikimini ayi fikama diaka bo beta kun’zola!—Minkunga 15:1-4.
TUVISA MBOTI MBOTI
Tuluta tala bila mbi zaba sobula bakundi didi diambu dimfunu ayi bue buyonzodila kikundi kimboti ayi bankaka.
3. Keba mu “minkangulu mimbimbi”!
Batu bo ka bazolanga ko Nzambi ayi zitsikudukusu ziandi zisonga basi ko nkangulu wumboti kuidi bakristu. Tala VIDEO ayi vana mvutu mu kiuvu kiaki kilandikini.
-
Bue tulenda bela mu “nkangulu wumbimbi” mu kondo zaba?
Tanga 1 Kolinto 15:33 ayi vana mimvutu mu biuvu biabi:
-
Bue wulenda sadila tsikudukusu yayi mu luzingu luaku? Bila mbi?
Tanga Minkunga 119:63 ayi vana mvutu mu kiuvu kiaki:
-
Na fueti sobula ka ba nkundi’aku?
Sobula nkundi wumbimbi kulenda kutunatina mambu maphasi
4. Mutu nioni widi luviakunu ayi beto kalenda kuandi ba nkundi’eto
Bibila kilembo tubila kikundi kimboti kio ki ba Davidi ayi Yonatani. Kadiambu ko Davidi wu ba mvungi mamemi, Yonatani wu ba muana ntinu ayi luviakunu luwombo baba lu mimvu. Tanga 1 Samueli 18:1 ayi vana mimvutu mu biuvu biabi:
-
Bukiedika tufueti kaka ba mimvu mimosi voti baka kumosi ayi bakundi beto? Bila mbi?
Tanga Loma 1:11, 12 ayi vana mvutu mu kiuvu kiaki:
-
Phila mbi bakundi bo beta zola Yehova beta kindisinina bawu na bawu?
Muingi tumona phila yoyi khomba mosi wu ntueni katudila kikundi ayi mutu nio kasi ba ko mimvu mimosi ayi niandi, tala VIDEO ayi vana mimvutu mu biuvu biabi bilandikini.
-
Bila mbi bambuta ba Akil babe kitatikisilanga?
-
Bila mbi katombila tudila kikundi ayi batu bankaka mu nzo’awu nkanda?
-
Mbi binsadisa kabika kimona ti niandi veka kadi?
5. Bue busobudila bakundi bamboti
Bue bubakila bakundi bamboti? A ngeyo veka bue wulenda bela nkundi wumboti? Tala VIDEO.
Tanga Zingana 18:24 ayi 27:17 ayi vana mimvutu mu biuvu biabi:
-
Phila mbi bakundi bamboti balenda salisinina?
-
Widi ayi bakundi ba phila yoyi? Enati nana, bue wulenda babakila?
Tanga Filipi 2:4 ayi vana mvutu mu kiuvu kiaki:
-
Mosi wubaka bakundi bamboti, ngeyo veka phe fueti ba nkundi mboti. Bue wulenda monisina ti widi nkundi mboti?
Muingi wubaka bakundi bamboti ngeyo veka phe fueti ba nkundi mboti
BATU BANKAKA BETA TUBA TI: “Tuisi ko luwiluku lumosi vayi tulenda kueto ba bakundi.”
-
Bue wum’banzila?
MU BUKHUFI
Enati tusobudi bumboti bakundi beto, tuela baka mamboti mawombo ayi Yehova wela kutukikinina.
Phutukulu
-
Bila mbi zaba sobula bakundi beto dididi mfunu kuidi Yehova?
-
Kikundi kiphila mbi kilenda kunatina ziphasi? Ayi kikundi kiphila mbi ka kilendi ko kutunatina ziphasi?
-
Bue bubakila bakundi bamboti?
TALA MAMBU MANKAKA
Bue bakundi bamboti balenda tusadisila mu thangu ziphasi?
“Salá boninga ya makasi na basusu liboso nsuka eya” (Linɔ́ngi ya Mosɛnzɛli ya 11/2019)
Mambu mo fueti zaba mu thangu wunsobula bakundi mu interneti.
Disolo di ntueni mosi wu bakala nio wubaka kibakala kibalula bakundi (disolo di luzingu “Ndiba na phuila yiba na disa!”).
“Biblia ebongolaka bato” (Linɔ́ngi ya Mosɛnzɛli ya 01/04/2012)
