Puranga yandé arama yaikú ramé surí yané rumuaraitá irum asuí mairamé aintá ta uajudari yandé yasasá ramé maã iwasuwaá rupí. Ma Bíblia umbeu yandé arama aikuewaá awaitá tiwaá puranga mayé rumuaraitá. Ape manungá taá remuñhã reparawaka arama rumuaraitá purangawaitá? Remanduári kuá purandusaitá resé.

1. Mayé ne rumuaraitá ta uajudari u ta umuapatuka indé?

Mairamé yasasá siya tempo yepé mira irum uikuwaá yané ruakí u internet rupí, yepewasú xinga irum yandé yapitá. Usasá ramé kuayé upoderi uajudari u umuapatuka yandé. Bíblia umbeu kuayé: “Awá uwatá ukuáwawaitá irum umuyeréu mayé yepé ukuáwawaá yuíri, ma awá upitá awaitá irum tiwaitá ukuáwa [awaitá tiwaitá usaisú Jeová] upitá kurí puxiwera.” (Provérbiuitá 13:20) Rumuaraitá usaisuwaitá asuí uadorariwaitá Jeová, aintá ta uajudari indé repitawara ipiri, asuí yuíri, reparawaka arama puranga. Ma rumuaraitá tiwaitá usaisú Jeová aintá ta umuñhã yapitá apekatú Jeová suí. Yawé arama, Bíblia umbeu yandé arama yaparawaka arama puranga yané rumuaraitá! Mairamé yané rumuaraitá ta usaisú Deus, kuá manungá puranga yandé arama asuí aintá supé arama. Yawesá, ’yayumuusuri yanerumuaraita irumu, asui yaxari yayukiriari puranga panye yande’. — 1 Tesalonikawaraitá 5:11.

2. Yaparawaka ramé yané rumuaraitá mayé Jeová upoderi ma uyusaã?

Jeová uparawaka puranga isumuaraitá. Aé urikú yepé amizade kirimbá awá irum umuñhã maã satambikawaá. (Proverbiuitá 3:32) Mayé Jeová usú ma uyusaã yaparawaka ramé rumuaraitá tiwaitá usaisú aé? Aé usú ma upitá sasiára ipiá upé! (Releri Tiago 4:4.) Ma yaxari ramé rumuaraitá puxiwerawaitá asuí yaparawaka rumuaraitá usaisuwaitá Jeová, aé usú upitá surí asuí usú uyeréu yané rumuara yuíri. — Salmuitá 15:1-4.

 REYUMBUÉ PIRI ARAMA

4. Yarikú rumuaraitá amurupiwaitá yané suí

Bíblia umbeu mukũi apigaitá resé israelwaraitá, ta uviveriwaá kuera, ta userukawaá Jonatã asuí Davi. Jonatã aé rei raíra asuí aé tuyu piri Davi suí. Yawewaá suité, aintá mukũi ta urikú yepé amizade kirimbawaá. Peleri 1 Samuel 18:1. Ariré pekuntari kuá resé:

• Marã yané rumuaraitá ti ta uprecisari ta urikú yané akayú ne ta uviveri mayé yané yawé?

Peleri Romawaraitá 1:11, 12. Ariré pekuntari kuá resé:

• Mayé rumuaraitá usaisuwaitá Jeová uyumukirimbá yepé amú resé?

Pemaã kuá VÍDEO upé mayé yepé kurumĩwasú uwasemu rumuaraitá mamé tiwaá umaité. Ariré pekuntari kuá resé:

• Vídeo upé, marã Akil payaitá ta usikié ta uikú yepeyepé isumuaraitá aé urikuwaá escola upé?

• Marã Akil uyuyeréu ñhaã pisasuwaitá rumuara?

• Uyusaã ramé ipesúa, mayé aé umuserana kuá manduárisawa?

 5. Maã taá yamuñhã yarikú arama rumuaraitá purangawaitá?

 MAÃ REYUMBUÉ

Puranga yandé arama mairamé yaparawaka puranga yané rumuaraitá asuí yamuñhã ramé kuayé yamusurí Jeová.

Remanduári arama

• Marã maã yaparawakawaá yané rumuaraitá resé uimportari Jeová supé?

• Mayewaá rumuaraitá tiwaá puranga yarikú arama?

• Mayé rerikú rumuaraitá purangawaitá?