Katiʼ naparha amigos chhiaʼ rzuagasrha yatzayolaj. Rhonke rhoʼo yodarhi katiʼ rderha tazeedi. Sanlheʼ rhala suarha kuenda lheʼ lo Biblia rnhe laga yogothe beneʼ nakakeʼ amigos chhiaʼ. Lhekaʼ, bi gon lueʼ yodarhi inezelo nó gonlhenlo tzaxhen. Gnabe kuinloʼ taní.

1. Amigos kioʼ, a rhonkabi lueʼ yodarhi o cheʼ rchhiaguikabi lueʼ

Tazian nia rchhin rhonrha kaʼ rhon beneʼ rhonlhenrha tzaxhen, nikla naka tawen o ta malha. Rhaka kan nikla rleketerhane o rhombhekarhane lo internet. Na lo Biblia kanse rnhe: «Beneʼ rhonhe tozi lhen beneʼ rheajniʼ wakeʼ beneʼ rheajniʼ, sanlhe beneʼ rhonhe tozi lhen beneʼ ku rhonhe kuenda chhiaʼ [beneʼ ku rhekekene Jeobá] waka kieʼ malha» (Proverbios 13:​20). Ka amigo rhekekene lhen rheanelachhike Jeobá wazeke gonke rhoʼo yodarhi suarha gago lhen leʼ, lhen ktobilachhirha gonrha ta chhiaʼ. Sanlhe cheʼ rhonrha tzaxhen lhen beneʼ ku rheanelachhike Jeobá, lhezekan wezuarha zitoʼ kieʼ. Lhekaʼ lo Biblia rnhe rhala uyorha nó gonlhenrha tzaxhen. Rhongazi rhoʼo yodarhi katiʼ naparha amigos rhekekene Jeobá. Lheʼ rzeke rzenagarha ta rnhe lo Biblia: «Letzeaj leyospanlachhiʼ kan legontheze tzotzo lezaalhe to yitolhe» (1 Tesalonicenses 5:​11).

2. A zua kuenda Jeobá nó rhonlhenlo tzaxhen

Jeobá ryoeʼ chhiadi nó gaka amigo kieʼ. Lhekaʼ lo Xhtidzeʼ rnhe: «Rzueʼ gagodzo lhenka beneʼ rhonke ta naka chhiaʼ» (Proverbios 3:​32). Nákaʼ gaka ki Jeobá cheʼ gonrha tozi lhen beneʼ ku rhekekene leʼ. ¡Wezuayechigazeʼ! (Blaba Santiago 4:4). Na cheʼ ku rhonrha tzaxhen lhenka beneʼ malha na rzuarha gago lhen Jeobá lhenka beneʼ rhekekene leʼ, Jeobá wezueʼ yatzayolaj lhen wezueʼ gago lhen rhoʼo (Salmo 15:​1-4).

 KSEEDIRHA MÁSRHE KI TANÍ

4. Wazeke gákarha amigos ki beneʼ ku nakake lhebi ka rhoʼo

Biblia rtzalaj ki chopa beneʼ gzuake Israel uxhilókeʼ David lhen Jonatán. Nikla ku zeajke tozi yiza lhen natzalha ka gzuake, chhiagazi ukuakeʼ. Le ulaba 1 Samuel 18:1 na le ktzalaj ki taní:

• A rhon bayochhi ka amigo kierha tzeajkene tozi yiza lhen gaka kieke lhebize ka rhaka kierha.

Le ulaba Romanos 1:​11, 12 na le ktzalaj ki taní:

• Amigos rhekekene Jeobá, nákaʼ rhospanlachhiʼ lezaake.

Nákaʼ bedzelhi to binxhkuidiʼ nó gonlhembi tzaxhen ga besla rhombi kuenda. Le uyo VIDEO na le ktzalaj ki taní:

• Bixhkieʼ xhozixhna Akil rhebankene nia ki bin rhonlhembi tzaxhen lo skuelha.

• Bixhkieʼ Akil gzolhobi rhombi tzaxhen lhen lhekabi.

• Bi bhembi na kurha suabi tosbiʼ.

 5. Nákaʼ yidzelhirha amigos chhiaʼ

 TA CHI BYEDIERHA

Katiʼ ryorha chhiaʼ nó gaka amigo kierha, rhaka kierha chhiaʼ lhen rzuarha yatzayolaj Jeobá.

A rhanelho

• Bixhkieʼ rziʼkuenda Jeobá nó lhen rhonrha tzaxhen.

• Nó lhen ku rhala gonrha tzaxhen.

• Nákaʼ ikualho tozi lhen beneʼ rhonke ta chhiaʼ.