LESIONY 48
Golútzay ni gac ximiglo
Órni radzakno buñtzay ngú rony que guibaladxgoluʼno. Né órni racnéyibu lóono ma diti tampa rioʼno nabann. Per gop cuidad, la Biblia ná que diti guirá buñ nac buñtzay. ¿Ximod labúu cutzaylo ximiglo? Gon ximod tipnés galrranabdiitz reʼ labúu gacnéni looy.
1. ¿Ximod labúu gacné ximiglo looy o gonybu mal looy?
Xidal buelt radxinno racno xomod buñ ni radzakno par gonyno cós tzaay o gonyno cós mal. Né scú racni órni radzakno layibu o órni raquiinno redes sociales. Scú rasetlaa la Biblia láani: «Buñ ni rasané buñ ni noʼ xcalrrien sadxin sac buñ ni noʼ xcalrrien per ni radzak buñ ngaʼal [buñ ni diti nadxiʼ a Jehová] sarecaa mal» (Proverbios 13:20). Pal buñ ni radzaklo nadxiʼ né rony adorar a Jehová labúu gacnébu looy tzoʼlo gaxt de Jehová né sacnébu looy gonylo xinésni. Per pal radzaklo buñ ni diti nac Testigos labúu galsitlo de Jehová. Por ngú la Biblia raiby lóono cutzayno ximigno. Órni ximigno láaca nadxiʼbu Dios galán rarecaano. Né modcu, labúu guisobno consej reʼ: «Colgony animar né colgacné saʼto par niʼsto» (1 Tesalonicenses 5: 11).
2. ¿Rasac par Jehová xí clas buñ guidzaklo la?
Jehová rabútzay xi clas buñ guidzakbu. Scú láani, «radzaktzaybu buñ ni rony xinésni» (Proverbios 3:32). ¿Ximod nasac Jehová pal nadzakno buñ ni diti nadxiʼ láabu? ¡Nasioʼobno xcalnabanybu! (Bíil Santiago 4:4). Pal diti radzakno buñ mal né rabigaxno Jehová né buñ ni nadxiʼ láabu, Jehová sabaladx né sagobioo lóono (Salmo 15:1-4).
NANOY GUISUIDYNO LÁANI
Ganno xigony rasac cutzayno ni gac ximigno, né ximod gaplo ximiglo ni gony que guisaclo sacró.
3. Gop cuidad né buñ mal ni radzaklo
Buñ mal ngú buñ ni diti nadxiʼ a Dios né ni diti rap respet ni rony mandarybu. Cólguibi’ VIDEO reʼ né colgooy xtiitzni:
-
¿Ximod labúu nadzakno buñ mal né diti nadudyno cuent?
Colgoʼol 1 Corintios 15:33 né colgooy xtiitzni:
-
Xpensarylo, ¿xí clas buñ diti non guidzakno? ¿Xigony nálo que diti raquiin guidzakno láabu?
Colgoʼol Salmo 119:63 né colgooy xtiitzni:
-
¿Xí clas buñ labúu gac ximiglo?
Toib manzan yotz labúu guixinni stipnéscu. Né looyga, ¿ximod labúu guixin buñ mal looy pal radzaklo layibu?
4. Labúu guidzakno buñ ni diti nac xomod lóono
La Biblia rasetlaa de David né Jonatán, chop buñguieeu ni goyoʼ gudx Israel. Ná diti gopyibu toibsi íz né gadzé mod bibanyibu, labúu bidzaktzayibu saʼyibu. Colgoʼol 1 Samuel 18:1 né colgooy xtiitzni:
-
¿Xigony diti rac fuers que guirá ximigno gapyibu toibsi íz que lóono o gacyibu buñ ric?
Colgoʼol Romanos 1:11, 12 né colgooy xtiitzni:
-
Buñ ni nac ximig Jehová, ¿ximod racnéyibu saʼyibu?
¿Ximod toib mbioxhlas bidzelbu ximigbu ro diti bunybu pensary nadzelbu ximigbu? Colguibiʼ VIDEO reʼ né colgooy xtiitzni:
-
¿Xigony goyoʼ bixios né xinaʼ Akil ló galrrasaʼ xí clas buñ bidzak xiingaʼnbu lainy yolayscuel?
-
¿Xigony primer nigolú bioladx Akil bidzak ximig?
-
¿Xí bunybu par diti nasacbu que goyoʼbu toibbu?
5. ¿Xí raquiin gonyno par labúu gapno ximigdxinno?
Gon ximod labúu guidzelo ximiglo ni nigolú né ximod looy labúu gaclo toib buen amig. Colguibiʼ VIDEO reʼ.
Colgoʼol Proverbios 18:24 né 27:17, né colgooy xtiitzni:
-
¿Ximod racné amig ni nigolú saʼ?
-
¿Naplo ximiglo ni radzaktzaylo xomod ná Proverbios la? Pal yaca la, ¿xí labúu gonylo par tzoʼ ximigdxinlo?
Colgoʼol Filipenses 2:4 né colgooy xtiitzni:
-
Par labúu gaplo ximigdxinlo, looy láaca non gaclo toib amigdxin. ¿Xí raquiin gonylo?
Par labúu tzoʼ ximigdxinlo, non gaclo toib buen amig.
TIPNÉS BUÑ NÁ: «Pal nigolú nanoyno órni rayopyno buñ ni gac ximigno, diti sioʼ ximigno».
-
Looy ¿xí nálo?
¿XÍ BISUIDYLO?
Órni rabútzayno ni gac ximigno, rarebuʼ ni ronyno né ragoʼ nakitno xcalnabany Jehová.
Repas
-
¿Xigony rasac par Jehová xí clas buñ rayopyno gac ximigno?
-
¿Xí clas buñ diti non guidzakno?
-
¿Xí raquiin gonylo par labúu guidzaktzaylo buñ ni ragoʼ xcalrrien?
PAR GANLO MÁS
Bisuidy ximod labúu gacné amig ni nigolú lóono órni cacalóno galnagan.
«Guiyopyno ni gac ximigdxinno antes de guidxin fin» (Guiich ni caniʼ, noviembre íz 2019)
Bisuidy tipnés sugerencias ni labúu gacné looy par guiyopylo buñtzay ni gac ximiglo.
¿Xí raquiin ganlo de amig ni noʼ ló internet?
Bíil experiencia ni laa, «Goniiny naʼ ñoʼ bixiosa» né gon xigony bisiambu guirá ximigbu.
«La Biblia bitzaʼ mod bibanyibu» (Guiich ni caniʼ, 1 de abril íz 2012)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
