Јаҥы биле тӧзӧгӧн улус јажын-чакка кожо болуп, ырысту јӱрерге кӱӱнзегилейт. Мынайып јӱрер арга бар. Узак ӧйдиҥ туркунына кожо јуртап турган ырысту христиан билелердиҥ тоозы ас эмес. Олордыҥ билези нениҥ учун ырысту? Нениҥ учун дезе олор библиялык принциптер тузаланат.

1. Агару Бичик ӧбӧӧндӧрине кандый јӧп берет?

Иегова ӧбӧӧнин билениҥ бажы эдип тургускан. (Эфестегилерге 5:23 кычырыгар.) Оныҥ учун Кудай ӧбӧӧнин билезин кичеезин деп кӱӱнзеп јат. Агару Бичик ӧбӧӧндӧрине: «Ӱйлеригерди сӱӱгер» — деп јӧп берет (Эфестегилерге 5:25). Бу јӧп нени темдектейт? Ӱйин сӱӱп турган эр кижи айылда да, улустыҥ да ортозында болзо, ӱйине јалакай баштанат. Ол ӱйин кандый ла каршудаҥ корулаарга, оныҥ сезимдерин ајаруга аларга ла ӱйинде керектӱ не-немези јеткилинче болзын деп албаданат (1 Тимофейге 5:8). Је эҥ учурлузы ол ого Кудайла колбуларын тыҥыдарга болужат (Матфей 4:4). Темдектезе, ӱйиле кожо мӱргӱп, кожо Агару Бичик кычырат. Ӧбӧӧни ӱйин сӱӱп, ого јалакай баштанып турза, Иегованыҥ јарадузын алар. (1 Пётр 3:7 кычырыгар.)

2. Агару Бичик ӱйлерине кандый јӧп берет?

Агару Бичикте: «Ӱйи дезе ӧбӧӧнин акту јӱрегинеҥ тооп јӱрзин» — деп айдылат (Эфестегилерге 5:33). Бу јӧп нени темдектейт? Ӱйи ӧбӧӧниниҥ јакшы кылык-јаҥдарын ла ол билезиниҥ кажы ла кижизин јеткилдеерге албаданып турганын шӱӱп сананар аргалу. Анайда ок ӧбӧӧнин тооп турганын — оныҥ чыгарган јӧптӧрине јӧмӧжип, керек дезе ол ӧскӧ кудай јаҥда да болзо, оныла јалакай куучындажып, ӧскӧ улуска ол керегинде јаман айтпай турганыла кӧргӱзет.

3. Эш-нӧкӧрлӧр билезин канай тыҥыдар?

Агару Бичикте: «Эки бойы јаҥыс эт-кан болор» — деп айдылат (Матфей 19:5). Айдарда, эш-нӧкӧрлӧргӧ бой-бойлорына сӱӱжи сооп калбазын деп, тыҥ албаданар керек. Оныҥ учун олорго бой-бойыла кожо кӧп ӧй ӧткӱрип, јалакай болуп, сезимдерин ачык-јарык куучындажып турар керек. Анайда ок олордыҥ јӱрӱминде Иегованаҥ ӧскӧ кем де эмезе не де артык болбос учурлу. Анчада ла эш-нӧкӧринеҥ ӧскӧ кижиле јуук колбулар болбозын деп, ајарыҥкай болор керек.

 ТЕРЕҤЖИДЕ КӦРӰГЕР

4. Ӧбӧӧни ӱйин сӱӱп, оны кичееп јӱрзин

5. Ӱйи ӧбӧӧнин сӱӱп ле тооп јӱрзин

Агару Бичик ӱйин, ӧбӧӧни Иеговага иштебей де турган болзо, оны тооп јӱрзин деп кӱӱнзедет. 1 Пётр 3:1, 2 кычырып, сурактарды шӱӱжип ийигер:

• Ӧбӧӧнигер слердиҥ кудай јаҥаарды јаратпай турган болор. Је ол Иегованы сӱӱзин деп, слер тыҥ кӱӱнзейдеер. Мындый айалгада слер нени эдереер: ого јаантайын јарлаараар ба эмезе јалакай болуп, тоомјылу баштанып турараар ба? Слер нениҥ учун анайып сананадаар?

Кӧп сабада эш-нӧкӧрлӧр кандый бир јӧпти кожо чыгарат. Је кезикте ӱйи ӧбӧӧниниҥ јӧбиле  јӧпсинбей јат. Мындый учуралда ол бойыныҥ кӧрӱмин ӧбӧӧнине јымжак, тоомјылу јартап берет. Је андый да болзо, калганчы јӧпти чыгаратан јаҥды Иегова ӧбӧӧнине берип салган деп, ӱйине ундыбас керек. Оныҥ учун ӱйине ӧбӧӧниниҥ чыгарган јӧбине јӧмӧжӧр керек. Анайып ол билезиниҥ амырын кичеейт. 1 Пётр 3:3—5 кычырып, суракты шӱӱжип ийигер:

• Ӱйи ӧбӧӧнин тооп турза, Иеговада кандый сезимдер болот?

6. Биледеги кӱчтердиҥ аайына чыгар арга бар

 ТӦС ШӰӰЛТЕЗИ

Эш-нӧкӧрлӧр бой-бойлорын сӱӱп, тооп, библиялык принциптерди тузаланып турза, ырысту болор.

Нени билип алдыгар?

• Билези ырысту болзын деп, ӧбӧӧни нени эдер аргалу?

• Билези ырысту болзын деп, ӱйи нени эдер аргалу?

• Слердиҥ колбулараарды кандый библиялык принцип тыҥыдар аргалу? (билелӱ улуска).