JIʼTE 49

Tchi paʼ you toundye fing ne pe tchum ŋwègne a—Jeng 1

YOU’ NE

Pô pye wap bo te dômdye a, tcheng ge ŋwègne ye wap djouʼ tyèʼ lômdye yap a tchwe mama. A neng fing ne pe poʼo. Mkritè pye wap lômdye te fe te tyèʼ a, be wap neng faʼ téʼ ne ne ging ne mthôk Bible a, jye ge a fing ne pe poʼo.

1. Bible ha ma mthôk bi mtse ?

Jéova be é yap dze paʼ tadye a. (Ké Éféso 5:23.) Jéova tcheng ge é le mkhète mye toundye é gô tsu pé ne a. Bible gôm bi mtse ge : “po koung pedjwi pô.” (Éféso 5:25) A thoute ge ke ? Taʼ dze ye é khoung djwi é a, daʼte koungne bii tchwe ye wap dye pou a, ba m tchwe ye wap be pou a pyeshe pô a. É bômte é neng gre ge é ŋwègne, neng be ha ba ywe ye a tcheng a bii. (1 Timotio 5:8) Ye ywe m tuôdeng neng be ge, é kwite é ne tchwe pe beng Jéova. (Matio 4:4) Taʼ foʼte, é fing ne ghe priya neng khé Bible pou a djwi é. Tchwe ye taʼ dze de koungne dé djwi é a, é soumte ye ne pe mso pou a Jéova.—Ké 1 Pètro 3:7.

2. Bible ha ma mthôk bi pedjwi ?

Ghôm Si gôm ge “taʼ mdjwi gô pe ghe mkouʼ dze é.” (Éféso 5:33) É fing ne ghe ya m tchi ge ke ? É fing ne sè nwe ne m ma pepoung mye a be dze é ghe a, ba ne kaktuô ye dze é gre ne ne dé é, ba po pap a. É fing ba ne ghe mkouʼ dze é tchye m ne ne pe tchu pou ne mkhète mye é de a, be de koungne gôm nwe bii, neng be gôm potse pepoung ne é, ba m be ye é te gamte Jéova a pe.

3. Taʼ dze pou taʼ mdjwi fing ne soumte lômdye yap m tchi ge ke ?

Bible gôm ne pô pye wap lômdye a ge : “wap pepue . . . be pe taʼ bapne yemouʼ.” (Matio 19:5) A thoute ge wap gô loʼ goung ywe ye a fing ne ghe ge koungne yap pwa a. Wap gre ya tchye m ne ne pe doʼgne bemte tchye tam, neng be de koungne bemte gôm nwe ne ywe ye wap bo sè a, ba tchi paʼ wap bo ne djouʼ ne yap a, pe te tumgne sômywe tchetche pou. Wap te thak ge sômywe ke sômmo le—te né daʼ Jéova—pe m tuôdeng te tchye dze yap ke djwi yap le pe. Wap neng tchente bôm ne tchyete ko mso tchuô téʼ pou a mouʼ mo.

PING TCHENG NE GÔ DZE

Yô mthôk Bible mye a fing ne soumte lômdye o a.

4. Mtse—po pe khoung pedjwi pô neng be tchente dé wap

Bible gôm ge “mbè gô koung djwi é kwaʼ paʼ tse ne é a.” (Éféso 5:28, 29) A thoute ge ke ? Yô VIDÉO, neng dou gômte ne hente yenge.

VIDÉO: Maris, aimez vos femmes comme vous-mêmes (9:53)

Taʼ dze fing ne laʼte ge é khoung djwi é, ba ge é dé é m tchi ge ke ?

Ké Kolosai 3:12, neng gômte ne hente yenge :

Taʼ dze fing ne laʼte m ma menge bi dwji é m tchi ge ke ?

5. Pedjwi—po pe khoung mtse pô neng gre mkouʼ map

Bible ha kaktuô bi mdjwi ne ghe mkouʼ dze é, ke é gamte Jéova ke gè le. Ké 1 Pètro 3:1, 2, neng gômte ne mhente menge :

Dze o tchyete pe taʼ kwithè Jéova, be o gô po tcheng kwaʼ ge é ti taʼ tyèʼ gamte Jéova. O kwè ge ke gô tchente tchoʼ é—ge o pe sing Ghôm Si bii goung tam awè, ke ge o pe daʼte m ma pepoung neng be gre mkouʼ mye ? Nweke ?

A boung tchwe ye dze pou mdjwi bemte be kwishwe ne taʼ khète a. Daʼge she mtam, taʼ mdjwi fing ne tchyete pe kwishwe pou a dze é. É fing ne le mkouʼ gôm ywe ye é bo sè a bii, pe te ŋaʼ gi é. Daʼge é gô jye ge dze é be mo ye Jéova djap é, ne pe de mkhète mye a gô pe mye pepoung bi toundye a. É gô ghe goung ywe ye é fing a, ne ne tchu pou ne khète ye dze é de a. Tchwe ye é gre ya a, é kwite ge goung toundye tchwe tchum ŋwègne. Ké 1 Pètro 3:3-5, neng gômte ne hente yenge :

Jéova djouʼ ne é m tchi ge ke tchwe ye mdjwi gre mkouʼ dze é a ?

6. O fing ne loʼ mketuʼ mye a sôʼ tchum lômdye o a te dzu

Sôm lômdye te be te bya pe. Poʼo, pô pye wap lômdye a gô pemte faʼ ne ne doʼ mketuʼ. Yô VIDÉO, neng dou gômte ne mhente menge.

VIDÉO: Tchi paʼ pô pye wap lômdye a fing ne soumte yap ne tchwe a (5:44)

Tchum vidéo, ke daʼte ge koungne ye a le be tchetche dze pou dwji é a ke bo bwa ?
Wap ke ghe ma potse ne ne soumte lômdye yap ?

Ké 1 Korinto 10:24 ba Kolosai 3:13. O ming ne ké baya khè le, o ghômte ne hente yenge :

Ne ying ne thôk yenge fing ne soumte taʼ lômdye m tchi ge ke ?

Bible gôm ge pe pe ‘ha mkouʼ tchetche peʼ. Ne ha mkouʼ mo thoute ge pe gô laʼte pountum bii, ba ge pe gô pe youʼ é tchwe ye é bo gôm nwe a. Ké Roma 12:10, nwt., neng gômte ne mhente menge :