Omushija n’omukazi abari kuba batasine juba, nibaba bari kutekateka ku okushemererwa oku babire bine ah’izoba ry’embaga kurije kugumaho ebiro byona. Kandi eco nikibasika. Abashija n’abakazi b’Abakristo abamazire obwire batasine bari kugendera aha misinge ya Bibuli, bakereba ku eco kiri kubasika.

1. Ni buha buhabuzi obu Bibuli eri kuha abashija?

Yehova akataho omushija ngu abe omutwe gw’eka. (Shoma omu Baefeso 5:23.) Yehova nayenda ngu omushija akore ensharamu eziri kugasira ab’omu ka yeye. Bibuli nehabura abashija ngu, ‘mugumizemu kukunda abakazi banyu.’ (Abaefeso 5:25) Eco nikimanyisa ki? Omushija ori kukunda omukazi weye, namutwariza omu muringo gwa rukundo baba bari omu ka n’omu bantu bingi. Omushija narinda omukazi weye ebiri kubasa kumukora kubi kandi akora cona ekiri kubasika ngu amufeho omu by’omubiri n’omu by’enyehurira. (1 Timoseo 5:8) Ekiri kukira byona namuha ebi ari kwetenga omu by’omwika. (Matayo 4:4) Ecokureberaho: Nabasa kushaba kandi ashoma Bibuli ari hamwe n’omukazi weye. Omushija yakunda omukazi weye kandi akamufaho, nikituma obunywani bweye na Yehova bwaguma.—Shoma omuri 1 Petero 3:7.

2. Ni buha buhabuzi obu Bibuli eri kuha abakazi?

Ekigambo ca Ruhanga, nikishaba abakazi, ‘kutina abashija babo.’ (Abaefeso 5:33) Omukazi nabasa kukikora ata? Nabasa kutekateka aha mitwarize mirungi y’omushija weye n’ah’amani agu ari kutaho kugira ngu amufeho n’ah’abana babo. Nambwenu, omukazi nabasa kwereka omushija weye ku namuha ekitinisa ari kumushagika omu nsharamu zona ezi ari kukora; kandi yayenda kugira eki yagamba ashemerire kukimugambira omu muringo gw’ekitinisa n’obu yakuba atari kuramya Yehova.

3. Ni bata oku omushija n’omukazi bari kubasa kugumya eka yabo?

Bibuli negamba aha mushija n’omukazi eri kugira ngu: ‘Bombi nibahinduka omubiri gumwe.’ (Matayo 19:5) Eco nikimanyisa ku bari kuba bashemerire kwerinda ekintu cona ekiri kubasa kubatanisa. Eco nibabasa kukikora bari kumarana obwire, bari kwesigana, bari kugambirana enyehurira zabo n’ebitekateko byabo babyihire aha mutima kandi batari kusherekana. Abashija n’abakazi tibashemerire kwikiriza ngu ekintu cona ninga omuntu owu ari we wena abe ow’omuhendo okukira owu batasine, oyihireho Yehova wenka. Nambwenu nibaba bashemerire kwerinda kugira obunywani oburengeserize n’ondijo muntu otari owu batasine.

 YEGA BYINGI

4. Bashija mwe, mukunde abakazi banyu kandi mubafeho

5. Bakazi mwe, mushemerire kukunda abashija banyu kandi mukabaha ekitinisa

Bibuli nehiga omukazi korobera omushija weye yakuba ari kuhereza Yehova ninga atari kumuhereza. Shoma omuri 1 Petero 3:1, 2, rero muganire ahari ebi bibuzo:

• Hatariho kubanganisa, waba oyine omushija otari kwikiriza, noba ori kwenda ngu na we ahinduke aramye Yehova. Mbehi notekateka ngu oburyo burungi bw’okukikoramu, ni okumuburira burizoba ninga ni okumwereka emicwe mirungi n’okumuha ekitinisa? Ahabw’enki?

Nikiba kiri kirungi, omushija n’omukazi bakora ensharamu bari hamwe. Konka obumwe omukazi nabasa kutikirizingana n’omushija weye, obwe rero nabasa kutuza agambira omushija weye omu muringo gw’ekitinisa ebi ari kutekateka, konka naba ashemerire kumanya ku Yehova yahire omushija omurimo g’okusharamu  ekiri kubasa kuba kirungi ah’ab’omu ka. Omukazi naba ashemerire kukora eki ari kubasa cona kugira ngu ashagike ensharamu y’omushija. Kandi ku ari kukikora basyoya, nikituma ab’omu ka bona batunga okushemererwa. Shoma omuri 1 Petero 3:3-5, rero muganire ahari eki kibuzo:

• Omukazi yaha ekitinisa omushija weye, Yehova nayehurira ata?

6. Nimubasa kusingura ebizibu ebi mwine omu ka yanyu

 EMPINYE

Omushija n’omukazi nibabasa kushemererwa bakundana, bakahana ekitinisa kandi bakagendera aha misinge ya Bibuli.

Wayega ki?

• Ni enki eki omushija ari kubasa kukora kugira ngu eka yabo ebemu okushemererwa?

• Ni enki eki omukazi ari kubasa kukora kugira ngu eka yabo ebemu okushemererwa?

• Yaba oyine owu mwatasine, ni guha musinge g’omuri Bibuli oguri kubasa kubakwasa kugumya eka yanyu?