Kɔc puɔc röt thiaak ayekë ŋɔ̈ɔ̈th ke miɛt ë piɔ̈nden cïk yök wään thiɛɛk keek röt abï tɔ̈u aɣet athɛɛr. Alëu bï rot looi. Kërithanoi cï röt thiaak ë dhaman bääric ku themkë apɛi bïk lööŋ ë Baibol tääu ë pïïrden yic aŋickë ke lëu bï rot looi.

1. Ye wëët ŋö ye Baibol gäm röör nɔŋ bɛ̈ɛ̈i?

Yekoba acï moc kuany këye raan wat baai nɔm. (Kuen Epethiei 5:23.) Aye Yekoba ŋɔ̈ɔ̈th bï ya lɔc kä lëu bïk paande luöi käpiɛth. Baibol ee röör wɛ̈ɛ̈t: “Wek röör, nhiaarkï diëërkun.” (Epethiei 5:25) Yeŋö ë wɛ̈tde yic yen kënë? Mony nhiar tiiŋde ee tiiŋde ŋiɛc ciëëŋ baai ku jɔl aa jäŋic. Aye tiit ë kärɛc yiic ku aye them apɛi bï nyin ya tïït käk ë guɔ̈pde ku ye dɛɛt puɔ̈u. (1 Timotheo 5:8) Ku kë töŋ thiekic apɛi, ee paande wat nɔm ë käken ke wëi yiic. (Mathayo 4:4) Cït man, alëu bï röök ku kueen Baibol ke tiiŋde. Na ye moc tiiŋde nhiaar, ka bï mänhde ke Yekoba cɔl alɔ tueŋ.​—Kuen 1 Petero 3:7.

2. Ye wëët ŋö ye Baibol gäm diäär?

Aye wɛ̈t ë Nhialic lueel “tik ë ye monyde riëëu [theek].” (Epethiei 5:33) Ye këdï lëu bïï yen ë kënë looi? Alëu bï yenɔm tak apɛi ë biäk ë kïït piɛɛth ke monyde ku jɔl aa käpiɛɛth yeke looi bï nyin ya tïït ë yen ku mïthken. Alëu bä athɛɛk nyuɔɔth aya ë kueer bïï yen kä cïï monyde ke lɔc ya gam ku le tueŋ ke ye jam ke yen apiɛth ku ye jam ë biäkde, cɔk anɔn cïï yen ë raan cï gam.

3. Ye këdï lëu bïï kɔc cï röt thiaak thiëŋden cɔl aril?

Baibol ee jam alɔŋ kɔc cï röt thiaak: ‘Keek kaarou aabï ya guöp tök.’ (Mathayo 19:5) Kënë aye nyuɔɔth nɔn dhil keek ye ya them apɛi bïk ya jai ë kä wën lëu bï keek pääkiic. Aa kënë looi ë dhöl ye keek dhaman nɔ̈k ke rɛ̈ɛ̈r ëtök ku yekë jam ë kueer ë nhiëër ku rɔmkë kä keen yekë keek tak ëtök. Acïnkë yekë tääu tueŋ ke thiekic apɛi​—bï Yekoba wuɔ̈rawu thiekic apɛi bï raanden cïï keek röt thiaak wuɔ̈r. Ku ayekë them apɛi bïk cïï määth ke kɔc kɔ̈k ë kueer rac.

 YÄP DÏT

4. Week röör​—ye ŋɛk tiiŋde nhiaar ku ye nyin tïït ë yen

5. Week diäär​—ye ŋɛk monyde nhiaar ku ye theek

Baibol ee tik dɛɛt puɔ̈u bï monyde ya theek cɔk anɔn ye yen raan luui Yekoba awu cïï luui. Kuen 1 Petero 3:1, 2, ku jälkë thiëc kä jäämiic:

• Tɛ̈ nɔŋ yïn mony këc gam, ka ye wïc apɛi ë yïpuɔ̈u bï Yekoba ya door. Yeŋö ye takic ke lëu be ŋiɛc kuɔny​—ye nɔn ba ya piɔ̈ɔ̈c ë Baibol ë köölthok ëbën awu ye nɔn ba ya nyuöth ciɛɛŋ piɛth ku ye theek? Ku ye wɛ̈tŋö?

Röör ku diäärken aa lëu bïk käpiɛth ŋiɛc lɔc tɛ̈ ye keek mat. Ka yen, thɛɛkɔ̈k yiic tik alëu bï cïï mɛ̈t kekë ye monyde lueel. Alëu bï tɛ̈ktɛ̈kde lɛ̈k  monyde ke cï rot pälpiny ku nɔŋ guɔ̈p athɛɛk, ku abï dhiɛl tääu yenɔm nɔn yen Yekoba yen cï moc yiëk riɛl bï lɔc kë lëu bï panden kuɔny. Abï tɛ̈de ya looi bï kë cïï monyde lɔc ya gam. Ku na looi këya, ka cï dɔ̈ɔ̈r juakic panden. Kuen 1 Petero 3:3-5, ku jälkë thiëc kënë jäämic:

• Ye Yekoba yök këdï ye puɔ̈u tɛ̈ ye tik monyde theek?

6. Yïn alëu ba käk yï jɔ̈ɔ̈r ë thiëŋdu yic tiaam

 JAM CIEKIC

Moc ku tik aa lëu bïk piɔ̈ɔ̈th ya miɛt tɛ̈ ye keek röt nhiaar ë kamken, theek kë röt ë kamken, ku yekë lööŋ ë Baibol tääu ë pïïrden yic.

Bëër Yic

• Ye këdï lëu bïï moc miɛt ë puɔ̈u ë thiëŋden juakic?

• Ye këdï lëu bïï tik miɛt ë puɔ̈u ë thiëŋden juakic?

• Tɛ̈ cïï yïn thiëëk awu cï yï thiaak, ye löŋ ë Baibol no kɔc kuɔny ë pïïric lëu bï week kuɔny bï thiëŋdun cɔl aril?