Vakukwali vavape kwa shana ashi ruhafo oro va karanga naro paliyuva lya nkwara davo ngaru karerere naruntje. Ovyo kuvhura kushoroka. Mbyovyoshi Vakriste ovo vakukwaro mwaka dadingi ntani vakondja kutura mpango damuBibeli pashirughana va vi kumonena.

1. Lipukururo munke yatapa Bibeli kuvanturaumbo?

Jehova a tovorora nturaumbo a kare mutwe walipata. (Varura Efesi 5:23.) Jehova kutaterera ko kwendi a ture po matokoro ogho a yitiro uwa lipata lyendi. Bibeli kupukurura vanturaumbo ashi: “Twikirenu kuhora vakadi venu.” (Efesi 5:25) Nke vina kutanta vino? Kutanta ashi, nturaumbo washihoro kutekura nawa mukadendi vikareshi pamundi ndi pambunga yavantu. Uye kumupopera nakurughana mpapa a hulira a mu pakere mbiri parutu napamakuyuvho. (1 Timotheus 5:8) Shamulyo po, uye kupakera mbiri vihepwa vyendi vyapampepo. (Matheus 4:4) Pashihonenito, uye kuraperera ntani kuvarura Bibeli namukadendi. Ntjene nturaumbo a pakere mbiri nashihoro mukadendi, nga kara nalikukwatakano lyaliwa naJehova.—Varura 1 Petrus 3:7.

2. Lipukururo munke ya tapa Bibeli kuvawolikadi?

Nkango daKarunga kutantera mukadi ashi “ana hepa kufumadeka unene vyendi.” (Efesi 5:33) Weni a vi rughana? Pakughayadara ko kuhamena nkalito yayiwa yavyendi ntani omo a kondjanga mukumupakera mbiri navana vavo. Uye kuvhura a neghede lifumadeko pakukwatitako matokoro a turanga po vyendi nakumughambita munkedi yayiwa nakughamba vyavyiwa kumuhamena nampiri kapi a kareranga Jehova.

3. Weni vakukwali va nkondopeka nkwara davo?

Bibeli kwa ghamba kuhamena vakukwali ashi: “Muuviri wavo ava kara ngoli rutu rumwe tupu.” (Matheus 19:5) Evi kutanta ashi vana hepa kushwenena po kehe vino vi vhuro kuvagaununa. Evi kutanta ashi, vana hepa kukarauranga kumwe nakukumangurukira pakughamba nashihoro nakukutantera maghano namakuyuvho ghavo. Kapishi va pulitire kehe vino ndi kehe uno kughupa ko Jehova a kare mulyo kupitakana mukukwali wavo. Vavo vana hepa kutakamita mukupira kutulita po makukwatakano ghakupira kuwapera nakehe uno.

 TEDA KO

4. Nturaumbo, hora ntani pakera mbili mukadoye

5. Muwolikadi, hora nakufumadeka vyoye

Bibeli kukorangeda muwolikadi a fumadeke vyendi vi kare ashi kukarera Jehova ndi hawe. Varura 1 Petrus 3:1, 2, makura timwitirenu mapuro ghano:

• Ntjene ashi ove wa kara nanturaumbo a pirango kukarera Jehova, wa hora ashi ndi naye a karere Jehova. Weni una kughayara, vinimbyo po vimuvatero, kumuyuvhitira kehe pano ndi kumunegheda nkalito yayiwa nalifumadeko? Morwanke?

Vantu namukadendi kuvhura va ture po matokoro ghamawa kumwe. Enengoli pavirugho vimwe, muwolikadi kuvhura a kananite matokoro gha vyendi. Muukaro ogho, kuvhura a tape maghano  ghendi munkedi yakukutura nalifumadeko ntani ana hepa kuvhuruka ashi Jehova a pa vyendi shitumbukira shakutokora ovyo vi yitiro uwa lipata. Ana hepa kukondja mukukwatita ko litokoro lyavyendi. Pakuvirughana vyo, nga vatera lipata li kare naruhafo. Varura 1 Petrus 3:3-5, makura timwitirenu lipuro lino:

• Weni Jehova a kuyuvhanga ntjene muwolikadi a fumadeke vyendi?

6. Kuvhura vi mutompoke kukoshonona po maudito munkwara denu

 LIKAMO

Nturaumbo namuwolikadi kuvhura va kare naruhafo ntjene ava kuhoro, kukufumadeka nakutura mpango damuBibeli pashirughana.

Livyukuruko

• Weni nturaumbo a wederera kuruhafo rwamulipata?

• Weni muwolikadi a wederera kuruhafo rwamulipata?

• Ntjene ashi wa kwara, mpango munke yamuBibeli yi kuvatero u nkondopeke nkwara doye?