É bot be ndem lug be bele afiri na mintak ba wog a amos alug daba mia yi langʼen kòm. A ne fe dzam bò nala! É bekristen be lug ya kòm a be nga ve mengul asu yi na be baala melebega ya Bibel ba yem nala.

1. Melebega mefé Bibel a ve beyom?

Yéhova a nga telé beyom minlo ya menda mebot maba (Langʼa Éfési 5:23). A yi na be nòng mintsigen mi ne asu nfi ya menda mebot maba. Bibel a dzo ai bò na: “Keen osu ya ding beyal bân” (Éfési 5:25). Nala a tilen ya? Ndinding nnom o ne osesa ai mininga woé a nda ai a zang bot. A baala nyè mbeng, a bò fe é dzom ése ya sili asu yi na a dzala meyangʼen moé mese (1 Timotéus 5:8). A dang fe nyè vòli abui na a tòbò babi ai Yéhova (Matéus 4:4). Mvulna dzia é ne na, a kogelen, a lang fe Bibel ai nyè. Nnom a nòng ndzug ai ngal ai ébubut ése a baala mbembe élat ai Yéhova (Langʼa 1 Pétrus 3:7).

2. Melebega mefé Bibel a ve é mininga a ne nlugen?

Ébug Zamba ya dzo na mininga “a yeane bi mfang olugu asu nnom woé” (Éfési 5:33). Nala a tilen ya? A ne dzam tsog mimbembe mefulu me nnom ai mengul a ve asu yi na a nòng ndzug ai nda bot dzaba. A sug nnom é mintsigen a nòng, a kòbò ai nyè ai osesa ai mbeng ose tò a kang ki Yéhova.

3. Akia afé nnom ban ngal be ne dzam wono alug daba?

Bibel a dzo ai é fam ban é mininga ba lug na: “bò bebè be [ntòya] nson mbòk” (Matéus 19:5). Nala a tilen na ba yeane saala é dzom ése é ne dzam bò na be kèène. Asu té ba yeane lot abui abog fufulu, be kòbega a sang sang ai éding ése é dzom ba tsog nge a woren. Ba dzogè ki na mot zing ngeki dzom zing éfe é tòbò nfi abui asu daba aloro Yéhova. Ba bò fe abui okala na te ba lat ngul amvoé ai mot zing mfe aloro abim la yeane.

 TUENE FAG

4. A beyom, dingʼen beyal bân mi nòng fe ndzug ai bò

5. A beyal, dingʼen mi lugu fe beyom bân

Bibel a dzo ai mininga na a lugu nnom woé, tò nde nnom woé a kang Yéhova tò a kang ki nyè. Langʼa 1 Pétrus 3:1, 2 ai yalen minsili mi tsaa mi:

• Nge nnom woé a seki mboala Yéhova, o bele te afiri yi na a yi kang Yéhova amos zing. A ntsogen woé dzé ya yi nyè dang namba nnem? Ye na o kat nyè Ébug Zamba abog ase ngeki na o bi mimbembe mefulu o vaa fe nyè olugu a yeane ai nyè? Asu dzé?

Nnom ban ngal ba yeane kui king asu mintsigen ba nòng. Ve ane dzam kui biyòng bizing na mininga a seki king ai nnom a mam mese. Nge da  kui nala, mininga a yeane kat nnom ntsogen woé a évovoé ai olugu ase a tegè vuene na nnom woé nnye Yéhova a nga ve mbege ya nòng mintsigen asu nda bot. A yi bò é dzam ase da sili asu yi na a sug nyè. Nge a bò nala, mvòè ai évovoé bia yi tòbò a nda bot. Langʼa 1 Pétrus 3:3-5 ai yalen a nsili hi:

• Dzé Yéhova a woren éyòng mininga a ve nnom woé olugu a yeane ai nyè?

6. Dangʼni mindzug ya nda alug

 OBALBAS

Nnom ban ngal be ne dzam tòbò mintak nge ba dingʼen, be veen olugu, be nying fe ane tin memvéndé ya Bibel ya lere.

Dzé bia baala

• Akia afé nnom a ne dzam bò na nda alug dzié é tòbò mvòè?

• Akia afé mininga a ne dzam bò na nda alug dzié é tòbò mvòè?

• Nge o ne nlugen, tin memvéndé ya Bibel fé ya yi wò vòli na o yem wono alug doé?