Lè dé moun sòti mayé, tchè a yo ka kontan toubònman ! É sa yo té’é vlé, sé kè jwa-lasa pa jen disparèt. É sé on biten ki posib ! Dayè, ni onlo krétyen ki sav sa byen. Ja ka fè konmen lanné yo mayé, é yo toujou fè tousa yo pé pou apliké sé konsèy-la ki an Bib-la.

1. Ki konsèy Labib ka ba sé mari-la ?

Jéova mèt mari-la chèf a fanmi a-y (li Éfézyen 5:23). I vlé kè mari-la pran désizyon ki ké édé tout fanmi-la ni tchè-kontan. Mi on konsèy Bib-la ka ba sé mari-la : « Kontinyé enmé madanm a zòt » (Éfézyen 5:25). Ka sa vlé di ? Lè on mari enmé madanm a-y, i janti èvè-y toutlè, ki sé douvan moun, ki sé lè yo toulédé. I ka pwotéjé-y é i ka fè tousa i pé pou tchè a-y kontan é pou ba-y sa i bizwen pou viv (1 Timoté 5:8). É sa ki pi enpòwtan ankò, sé kè i ka édé madanm a-y rété bon zanmi èvè Jéova (Matyé 4:4). Pa ègzanp, i ka priyé èvè-y é i ka li Bib-la èvè-y. On mari ki ka pran swen a madanm a-y èvè onlo lanmou ka rété bon bon zanmi èvè Jéova (li 1 Pyè 3:7).

2. Ki konsèy Bib-la ka ba sé madanm-la ?

Pawòl a Bondyé ka di kè fò on madanm « ni on gran rèspé pou mari a-y » (Éfézyen 5:33). Kijan i pé montré sa ? I ké rété gadé kalité a mari a-y é éfò mari a-y ka fè pou i pran swen a-y é pou i pran swen a sé timoun-la. Anplisdisa, lè mari a-y ka pran on désizyon, i ka soutyenn-li. I ka palé ba-y jantiman é i ka palé dè-y anbyen menmsi i pa Témwen a Jéova.

3. Kijan on misyé é madanm a-y pé konsolidé mayé a yo ?

Lè on madanm é on misyé ka mayé, Labib ka di kè « toulédé ké fè onsèl chè » (Matyé 19:5). Sa vlé di kè fò-yo fè éfò pou yo pa lésé ayen fè lanmou a yo fébli. É pousa, fò-yo pasé onlo tan ansanm. Anplis, fò yonn palé ba lòt franchman é èvè onlo lanmou, pou di sa yo ka pansé é sa yo ka rèsanti. Apré Jéova, pa ni ponmoun ki pi enpòwtan ki moun-la yo mayé èvè-y la. Yo pa ka lésé ayen, ni ponmoun, pran plas a mari a yo oben madanm a yo. É yo ka pran bon prékosyon pou yo pa vin two bon zanmi èvè ondòt moun.

 AN-NOU FOUYÉ PI FON

4. Mari : fò-zòt enmé madanm a zòt é fò-zòt pran swen a-y

5. Sé madanm-la : fò-zòt enmé mari a zòt é fò-zòt rèspèkté-y

Labib ka di kè fò sé madanm-mayé-la rèspèkté mari a yo, ki mari-la ka sèvi Jéova, ki i pa’a sèvi-y. Li 1 Pyè 3:1, 2 é fè on ti kozé asi sé kèsyon-lasa :

• Si mari a-w pa Témwen, sèten ou té’é byen anvi kè i sèvi Jéova on jou. Sèlon vou, ki méyè biten ou pé fè pou ou pé sa édé-y : préché ba-y toulongalé oben fè éfò pou rèspèkté-y é pou ni on bèl konduit ? Poukwa ?

Lè yo ni on désizyon a pran, si on mari é madanm a-y ka tonbé dakò, sé on bon biten toubònman. Men délè, madanm-la pa dakò ditou-ditou èvè désizyon-la mari a-y kay pran la. Adan on ka konsa, i ké di mari a-y ka i ka pansé men i ké fè sa jantiman é èvè onlo rèspé. Aprésa, fò i rèkonnèt kè sé mari-la ki andwa désidé sa ki méyè pou fanmi-la pas sé konsa Jéova mèt sa.  I ké fè tousa ki fo pou ay an menm sans ki mari a-y. Konsa, i ké fè ansòt pou ni on bon anbyans an kaz-la. Li 1 Pyè 3:3-5 é fè on ti kozé asi kèsyon-lasa :

• Ka Jéova ka rèsanti lè on madanm ka rèspèkté mari a-y ?

6. Ni mwayen mayé a-w kenbé menmsi zò ka jwenn difikilté

 ON TI RÉZIMÉ

Si dé moun-mayé enmé-yo, si yo ka rèspèkté-yo é si yo ka apliké sé prensip-la ki an Bib-la, yo ké ni tchè-kontan.

Ka ou woutyenn

• Kijan on mari pé fè ansòt pou fanmi a-y ni tchè-kontan ?

• Kijan on madanm pé fè ansòt pou fanmi a-y ni tchè-kontan ?

• Si ou ja mayé, ki prensip a Labib ki pé édé-w konsolidé mayé a-w ?